Jatetxe

Wikipedia(e)tik
Hona jo: nabigazioa, Bilatu
Jatetxe bateko mahaiak terraza batean bezeroak jasotzeko prest.

Jatetxea janariak eta edariak eskaintzen dituen establezimendu komertzial bat da. Jatetxeetan bertan prestatzen dira janariak eta beraz, jatetxe guztietan dago sukalde bat. Janariak zerbitzatzeko mahaiak jatetxe barruan zein kanpoaldean, terrazan alegia, izan daitezke. Egun, denetariko jatetxeak daude: jatetxe tradizionaletan janaria mahaietan zerbitzatzen da zerbitzari baten eskutik; janari lasterreko jatetxeetan, berriz, bezeroak janaria eramateko eskatzen du askotan, herrialdea zein den ere eskaintzen den janaria oso ezberdina da. Herrialdea eta kultura zein den, janariak oso ezberdinak izan daitezke. Euskal Herrian bertan ere, jatetxe tematikoak aurki daitezke, mundu osoko sukaldaritza ezberdinak eskaintzen dituztenak: txinatarrak, mexikarrak eta abar.

Jatetxe-zerbitzu motak[aldatu | aldatu iturburu kodea]

  • Bistro: jatetxe txikia, sukaldaritza tradizionaleko menu merkeak eskaintzen dituena.
  • Buffet: prezio finko bat ordainduz, aukeran dauden janarietatik nahi adina jan daiteke.
  • Fast food: janaria zerbitzu-mahai batean eskatu eta bertan jaso ondoren, eramateko edo erretilu batean bertan jateko, eraman egiten da.
  • Grill edo erretegia: haragiak eta arrainak parrilla batean erretzen dira, maiz bezeroen aurrean.
  • Menu: prezio finko baterako jan daitekeen janari-zerrenda zehaztuta dago, gehienetan lehenengo eta bigarren platerak eta azkenburu bat. platera bakoitzeko bizpahiru aukera izaten dira. Goi mailako jatetxeetan menu laburra eta menu luzea bereizten dira eta dastatze-menu ere izaten da, jatetxeak gomendaturikoez osatutakoa.
  • Oturuntzak: ezkontzak eta bestelako ospakizunetarako jatetxe zabalak, bazkaldu edo afaldu ondoren, dantza egiteko tokia eta musika eskaintzen dutenak.
  • Pintxoak: janari-zati txikiak, zerbitzu-mahaian bertan jan daitezkeenak.
Commonsen badira fitxategi gehiago, gai hau dutenak: Jatetxe Aldatu lotura Wikidatan