Lao Tzu

Wikipedia(e)tik
Hona jo: nabigazioa, Bilatu
Lao zi

Laozi (baita ere Lao Tzu, Lao Tse eta Laotze idatzia, txineraz: 老子, maisu zaharra) txinatar zibilizazioaren filosofo garrantzitsuena izan zen.

Txinatar tradizioak ka. VI. mendean bizi izan zela dio, baina jakitun modernuek K. a. IV. mendean kokatzen dute, "pentsamenduaren ehun eskolen" garaian. "Dao De Jing" edo "Tao Te Ching" idatzi zuela pentsatzen da, taoismoaren oinarrizko liburua dena. Liburu honen arabera Tao edo Dao (bidea), ez da aldatzen eta egia unibertsala da.

Tradizio taoistaren arabera, bere gizarteko ohiturak gaitzesten zituela eta, lanpostua utzi zuen, eta sartalderantz aldendu zen betiko bufalo baten gainean. Mugako zaindariari oroigarri gisa utzi omen zion Tao Tê-king («Tao» eta «Te»ri buruzko idatzia) liburua, taoismoaren oinarria dena. 5.000 karakteretan idatzitako saiakera da, eta 81 ataletan dotrinaren oinarriak banan-banan eztabaidatzen ditu. Geroago, taoisten arabera, Laotse Indiara joan omen zen; han, bere dotrinak budismoari hasiera eman omen zion.


Wikiesanetan artikulu bat dago honi buruz:
Lao Tzu
Commonsen badira fitxategi gehiago, gai hau dutenak: Lao Tzu Aldatu lotura Wikidatan

Erreferentziak[aldatu | aldatu iturburu kodea]