Steven Tyler

Wikipedia(e)tik
Hona jo: nabigazioa, Bilatu
Steve Tyler
Steve Tyler
Steve Tyler abeslaria 2005ean.
Datu pertsonalak
Izen osoa Stephen Victor Tallarico
Jaio 1948ko martxoaren 26a
(66 urte)
Ameriketako Estatu Batuak Yonkers, New York
(Estatu Batuak)
Bikotekidea(k) Cyrinda Fox (1978-1987)
Teresa Barrick (1988-2, 005)
Webgunea http://www.steventyler.com/

Steven Victor Tallarico, musika munduan Steven Tyler izenez ezaguna (1948ko martxoaren 26a, Yonkers, New York) estatubatuar abeslari, musikari eta konposatzailea da. , musikari, konposatzaile, aktore eta Aerosmith talde estatubatuarraren lider, abeslari eta istrumentu ugari jotzen dituen gizona da. American Idol talentu bilatzaileen programan epaile gisa parte hartu zuen. Hainbat instrumentu jotzeko duen gaitasunagatik da ezagun. 2008an,Rolling Stone aldizkariak historiako 100 abeslari onenen artean kokatzeaz gain, garai guztietako 57. artista handienaren postua eman zion. Gainera, Hit Parader aldizkari estatubatuarrak garai guztietako 3. Heavy metal abeslari onenaren postua eman zion, Robert Plant eta Rob Halforden atzetik soilik. Horrez gain, digitalPlanet Rock irratiaren arabera, rockaren 40 abeslari onenen zerrendan 13. kokatzen da.
2005ean Blender musiren inguruko aldizkari estatubatuarrak eta MTV kateak 22 artista onenen artean 16. jarri zuten. Roadrunner Records diskografiaren arabera, metal estiloaren 50 abeslari onenen artean 8.na bera da. 2001ean, VH1 kateak saritu zuen, VH1 Fashion Awards sari-banaketan egokien jantzitakoa izateagatik. DigitalDreamDoor-ek abeslari onenen artean kokatu zuen, eta 78. postua eman zioten Walk This Way diskoan egindako lanagatik. Rockaren kantari onenetakotzat hartu zuten, ahoren tamainari eta mihiaren fisionomiari esker, azken hau ahoaren beheko zatian ezartzean, rockeko garrasi ohikoak igortzea ahalbideratzen baitio. 2001ean, Rockaren Ohorezko Aretoan gehitu zuten Steven Tyler,

Aerosmith taldearekin batera.

Biografia[aldatu | aldatu iturburu kodea]

Steven Tallerico,Yonkersen, New York(EU) 1948ko martxoaren 26an jaio zen. Susan, idazkaria (ezkongai Blancha, 1925eko ekainaren 2tik 2008ko uztailaren 4ra) eta Victor A. Tallarico (1916ko maiatzaren 14tik 2011ko irailaren 10era), musikari klasiko eta pianista ziren bere gurasoak. Aita italiar eta alemaniar jatorrikoa zen, eta ama, berriz, ingeles eta poloniar jatorrikoa.
Musikak beti izan da atal garrantzitsua Tylerren bizitzan, musika klasikoko munduan murgilduta zegoen gizon baten semea baitzen. Aitak Vic Talarrico Orkesta zuzentzen zuen. Bronx-eko Derriborrezko Bigarren Hezkuntza Spellman Kardinalean musika irakatsi zion aitak. Steven Tylerrek blues musikarekiko afizioa ere bazuen, eta 1960 hamarkadan, talde bateko bateria izatetik The Strangeurs (geroago Chain Reaction izena hartu zuten), Chain eta William Proud bezalako rock n' roll taldeetako abeslari nagusi izatera pasa zen. Gaztaroko uda asko New Hampshireko Sunapee lakuan igaro zituen. Bertan, etorkizuneko bere taldekideekin elkartu zen, Joe Perry eta Tom Hamiltonekin. Tylerrek etxeak ditu Marshfield, Massachusetts, Sunapee, NH, Cod lurmuturrean, New York eta Los Angelesen.

Ibilbidea[aldatu | aldatu iturburu kodea]

Aerosmithen sorrera eta arrakasta[aldatu | aldatu iturburu kodea]

1965ean, Tylerrek bere lehen irratiko arrakasta idatzi zuen: "Dream On". 1969an, Sunapeeko rock talde baten kontzertuan parte hartu zuen. 1971. urte inguruan, taldea Bostonera, Massachusettsera, joan zen eta Brightoneko Commonwealth etorbidean apartamentu txiki bat partekatu zuten. Tylerren taldekide ohi bat, New Yorkekoa zen Joey Kramer, hartu zuten bateria jotzeko. Geroago, gitarra erritmiko bat hartu zuten: Brad Whitford, Tylerren gaztaroko laguna, Ray Tabano, ordezkatu zuena. Bostoneko clubetan kontzertuak eskaini ondoren, Frank Connelly, euren lehen agente komertzialaren bidez, taldea New Yorkeko beste agente batzuekin hasi zen lanean, Steve Leber eta David Krebsekin, hain zuzen ere. Pixka bat geroago, 1971n, disketxe batekin kontratua sinatu eta euren izena eramango zuen lehen albuma kaleratu zuten 1973an. Ondoren Get Your Wings (1974), Toys in the Attic (1975), Rocks (1976) eta Draw the Line (1977) diskak kaleratu ondoren, Aerosmith talde internazional gisa ezagutarazi zuten. Album horiek "Dream On", "Walk This Way" eta "Sweet Emotion" bezalako arrakastak zituzten. Aerosmithen lehen bost diskak platino bihurtu ziren, eta bostak hard rockaren garai guztietako album onenen artean kokatu zituzten adituek. Hala ere, hamarkadak aurrera egin ahala, grabazio, bira, bizikidetza eta drogen erabilerak sortutako bizitza gorabeheratsuaren ondorioak pairatzen hasi ziren.
Tyler eta Perry Biki Kutsagarriak izenez ezagutzen zituzten, egiten zuten suspergarri eta heroina kontsumoarengatik. Bien arteko harremana Aerosmithen bideo ugaritan dago gordeta, baita VH1en "Behind The Music: Aerosmith" programan ere. Perryk taldea utzi zuen The Joe Perry Project-en murgitzeko. Jimmy Crespok ordezkatu zuen. Steven Tylerrekin batera, Jimmyk abestien letrak idazten zituen, eta Rock In A Hard Place albuma ekoizten eta idazten lagundu zuen. Crespori esker, batera mantendu ziren Brad Whitfordek taldea utzi zuen arte (bere omenez, mikrofonoaren hankan erabiltzen zuen zapia lotzeko ohitura hartu zuten). Rick Dufayk ordezkatu zuen.
1970. eta 1980. hamarkadetan, Tyler ezaguna egin zen droga gogor eta alkoholaren kontsumoagatik. Drogen aurkako errehabilitazioa 1986an amaitu zuen, eta hogei urte ezer hartu gabe eman bazituen ere, 2009 analgesiko gehiegi hartzen hasi zen. Berriro egin behar izan zuen errehabilitazio saio bat. Emandako emanaldietan, duen indar guztia askatzen du, eta gehienetan, kolore biziko trajeak eta mikrofonoaren gainean zintzilikatzeko bufandak erabiltzen ditu.

Aerosmith berriro elkartzea eta errehabilitazioa[aldatu | aldatu iturburu kodea]

1983ko otsailaren 19an, Joe Perry eta Brad Whitford, taldea 1979an utzi zutenak, Aerosmithen kontzertu batera joan ziren. VH1en "Behind The Music:Aerosmith" programa bereziaren arabera, Tylerrek Joe Perryri telefono dei bat egin zion itzultzeko eskatuz. Hegal atzean bildu ziren eta Perry eta Whitfordekberriro taldera itzultzea onartu zuten.
Aerosmith berriro elkartzeagatik bira handia egin zuten, "The Back In The Saddle Tour" izenekoa, eta beste diska bat grabatzen hasi ziren. Hala ere, arazo nagusia berdin mantentzen zen: taldekideek, Tylerrek, batez ere, zuten droga menpekotasuna. Abeslariak behin baino gehiagotan egin zuen eztanda 1980ko hamarkadako kontzertuetan. Gainera, heroinarekiko menpekotasun luze eta gogorra garatu zuen. Aerosmithen manager berriak, Tim Collins, eta taldekideek bazekiten ez zirela urrun iritsiko euren liderrak horrela jarraituz gero. 1986an, bilera gogorra antolatu zuten Tyler drogen aurkako errehabilitazio programa zorrotz batean sartzera konbentzitzeko.
Tylerrek errehabilitazioa amaitu ondoren, Aerosmitheko beste taldekide guztiak antzeko programetan sartu eta errehabilitatu egin ziren. 1980ko hamarkadaren erdialderako, denek lortu zuten garbi egotea.

Itzulera eta izugarrizko arrakasta[aldatu | aldatu iturburu kodea]

1985ean, Aerosmithek itzulerako diska kaleratu zuen, Done With Mirrors izenpean, baina erdipurdiko emaitzak lortu zituen. 1986an, Tyler eta Perryk Run-DMCren lankidetzan, Aerosmithen 1975 "Walk This Way" abestia editatu zuten. Zerrendetako 4. postua lortu zuen eta Rolling Stonek mundua aldatu zuten 100 abestietatik 37. kokatu zuen. "Walk This Way" abestiak taldea zein rap musika aro berri batean sartzeaz gain, itzulera ahalbideratuko zien urratsa ematen lagundu zien. Aerosmith 1987an itzuli zen, Permanent Vacation albumarekin. Top 20en zerrendan 3. egotea lortu zuen eta lau milioi kopia saldu zituen. 1989an, Pump kaleratu zuten eta 1993an, berriz, Get A Grip, bakoitzak zazpi milioi kopia saldu zituen eta mundu mailako izar izatera bilakatu zituzten, 1970eko arrakasta ezer izango ez balitz bezala utziz. Hiru albumek kritika bikainak jaso zituzten musika estilo berritzaileak zekartzatelako, Top 40 zerrenda abesti ugari zituztelakp, antzezpen ugariko bideoak ekoitzi zituztelako eta hamaika sari jaso zituztelako, besteak beste. Aerosmithen hurrengo birari eta egin zituzten telebistako agerraldiei esker, Rock kulturaren ikur nagusi bilakatu ziren. Steven Tyler, taldeko liderra, taldearen sinbolo eta eta mundu mailan ezagun bihurtu zen.
1995ean, taldeka atseden hartzea erabaki zuen, familiarekin denbora apur bat igaro ahal izateko. Bitartean, Tim Collins managerrak taldearen arrakasta mantzentzea lortu zuen. Hala ere, arazoak izan zituzten: hasteko, Collinsek taldekideak gehiegi bultzatzen zituen. Gero, taldea bereiztear zegoela zioen zurrumurrua zabaldu zen. Azkenik, Tyler emaztearekiko ez zela leiala eta drogen munduan berriro murgildu zela ziotenak ere azaldu ziren. Beraz, Collins botatzea erabaki zuten. Horrek eta ekoizleen aldaketek Nine Jives diskaren kaleratzeko data atzeratu zuen. Azkenean, 1997an argitaratu zuten. Get a Gripen zifretara inguratu ere egin ez baziren ere, platino bikoitza izan zen, eta taldeak goran mantentzea lortu zuen. Albuma babesteko, bi urteko bira eskaini zuten.
1997an, Steven Tyler eta Joe Perry GAPen iragarki batean azaldu ziren, Tylerrek aho-soinua joz, blues emanaldia eskainiz. GAPek musika munduko artistekin egin zuen iragarki kanpaina baten atala zen.
1998an, taldea Nine Jives babesteko eta indartzeko biran zeudenean, Steven Tylerrek lesioa jasan zuen belaunean, mikrofonoaren hankaren aurka talka egin zuenean. Emanaldia amaitzea lortu zuten, baina jarraian zeuzkaten zenbait kontzertu bertan behera utzi behar izan zituzten, eta Tylerrek eskaiola erabili behar izan zuen "I Don't Want to Miss a Thing" abestiaren bideoa grabatzen zuten bitartean. Urte horretako zerrendetan lehenengo postua lortu zuen kantak.

2000 eta 2008. urteen arteko aldia[aldatu | aldatu iturburu kodea]

XXI. mendearen hasieran Super Bowlaren XXXV. ikuskizunaren, Rock & Rollaren Ohorezko Aretoan gehitzearen eta beste platinozko albuma kaleratzearen ondorioz, Aerosmithek jendearen arreta berreskuratu zuen. 2001etik, urtero bira arrakastatsu bat egin dute eta musikaren munduan aktibo mantentzea lortu dute, Just Push Play (2001) eta Honkin' on Bobo (2004) disken bidez. Horrez gain, Steven Tylerrek beste hainbat proiektu eta agerpen berezi egin ditu bitartean.
2001eko irailaren 11ren erasoen ondoren, taldeak "United We Stand" kontzertu benefikoan jo zuen Washington DCn. Tylerrek gorputz osoko txaketa jantzi zuen, Estatu Batuetako bandera zeramana. Taldeak abesti gutxi batzuk eskaini zituen, horien artean "Livin' on the Edge" eta "I Don't Wanna Miss a Thing". TaldeaIndianapolisera itzuli zen beste emanaldi bat eskaintzeko gau horretan bertan.
2003, Tylerrek titulu goraipagarria jaso zuen Berklee College of Musicen eskutik, eta 2005ean honoris doktoretza eman zionMassachusettseko Unibertsitateak (Boston). Urte horretan bertan, Tylerrek AC/DC Rock & Rollaren Ohorezko Aretoan kokatu zituen, bera eta bere taldeak bi urte zeramatzatenean zerrendan gehituta. AC/DCko abeslariarekin, Brian Johnsonekin, abestu zuen "You Shook Me All Night Long", eta baita Aerosmithen "The Grind" ere. 2004an, Himno Nazionala kantatu zuen 2004ko Munduko Serie estreinatzeko Fenway Parken.
2004ko gabonetan "The Polar Express" filmean "Rockin' on Top of the world" abestia abesten azaldu zen, eta taldearen itxura zuten ordenadore bidez sortutako iratxo batzuk azaldu ziren abestia jotzen. Joe Perry lanpetuta ibili zen 2005ean, bere izena eramango zuen bakarkako diska prestatzen. Tylerrek ere hainbat proiektu gauzatu zituen denbora tarte horretan. Urte horretan, Santanaren abeslari nagusia izan zen "Just Feel Better" abestian.John Travolta eta Uma Thurman protagonistak ziren Be Coolen film batean parte hartu zuen aktore gisa. Bertan, Steven Tylerrek duoan abestu zuen "Cryin'" Linda Mooneko abeslariarekin (Christina Milian).
2006an, Tylerren eztarriko kirurgia ondo orbaindu eta Rockin' the Joint Tour neketsuaren ondoren, aipatua izatea merezi duen itzulera egin zuen. Ekintza aipagarrienetako bat Joe Perry eta Bostoneko orkestarekin laugarren Orkesten urteroko agerraldian uztailean parte hartu izana da, operazioaren ondoren lehen agerpen publikoa izan baitzen. Kontzertua nazio osoan igorri zuen CBSk eta Tylerrek, Perry eta orkestak "Walk This Way", "I Don't Wanna Miss a Thing" eta "Dream On" abestien pot-purria jo zuten. Keith Anderson, country abeslari batekin, abesti bat grabatu zuen, "Three Chord Country and American Rock & Roll" izenekoa. Andersonen lehenengo albumeko abesti editatua zen, eta single gisa kaleratu zunte Estatu Batuetako Charts Countryn.
Urte horretan bertan, Aerosmithen biran eta album berria prestatzen lan egiteaz gain, Tylerrek hainbat agerpen publiko egin zituen. Two and a Half Mentelebistako seriean bere burua bizilagun zaratatsu eta desatzegintzat antzeztu zuen. 2006ko urriaren 14an, Missouriko St. Louis herriko Bush Stadiumen, "God Bless America" abestu zuen 3. Liga Nazionaleko Ekialdeko Dibisioan San Luiseko Kardinalak eta New Yorkeko Metsak luzatzen zuten bitartean. Azaroaren 24an,Aerosmithen kontzertu baten aurretik, esker emate egunean behartsuenei afaria zerbitzatu zien borondatez Floridako West Palm Beach jatetxean.
2007an, Aerosmithekin mundu mailako bira eman zuen; 19 herrialdetan jo zuten. 2008ko maiatzaren 21ean, Steven Tyler errehabilitazioareko zen Las Encias Hospitalen, Pasadenan (Kalifornia) ospitaleratu zuten; hanka hainbat kirurgiaren bidez sendatu ahal izateko. Artistaren hitzak honakoak izan ziren "Hanko minaren agerpena oso handia izan zen, espero nuena baino handiagoa. Errehabilitazioko zaintzak eta terapia fisikoak sortutako tentsioa traumatikoak izan ziren. Giro ziurra behar nuen indarberritzeko, telefonoa alde batera utzi eta nire hanken arazoari lasai ekin ahal izateko".
2008ko uztailaren 14an, Tylerren ama, Susan Ray Tallarico, hil egin zen 84 urte zituelarik. Uztailaren 18an, Billy Joelekin azaldu zen Sheako estadioan jokatu zen azkeneko kontzertuan. Billy Joel beraren taldea atzetik, "Walk This Way" abestia kantatu zuen. Abuztuan, Harper Collinsek enkantea irabazi zuen Steven Tylerren autobiografia kaleratzeagatik. Urte horretako abenduan, Trans-Siberian Orchestraren kontzertuan (abenduaren 12an), Nassau Coliseumen, eta Izod Zentruan (abenduaren 13an) ezusteko agerpenak egin zituen. Izod Zentruaren "azken sorpresa" izan zen, eta "Dream On" eta "Sweet Emotion" abestietan parte hartu zuen Trans-Siberian Orchestrarekin.

Orain dela gutxiko ekitaldiak[aldatu | aldatu iturburu kodea]

2009ko abuztuaren 5ean, Tyler eszenatokitik erori zen, Sturgis inguruan, Hego Dakotan, burua eta lepoa zauritu eta sorbalda hautsi zuen. Rapid City eskualdeko ospitalera eraman zuten. Tylerren erorketaren ondorioz, Aerosmithek 2009ko Tourra bertan behera utzi behar izan zuen, urrian Hawaiin egin zituzten bi kontzertu salbu. 2007an dagoeneko Mauin zuten lehen kontzertua bertan behera utzi behar izan zuten. Akziorako prest zeuden 8.000 lagunek taldea Mauiko serietik ateratzeko aldarrikatu zuten. Dena den, kontzertura joateko asmoa zutenei dirua itzuli zieten.
2009ko azaroaren 9an, Tyler harremanetan jarri zen Aerosmitheko beste kidekin, eta itzuliko ote ziren ziur ez zeudela adierazi zuen. 2009ko azaroaren 10ean, Joe Perryk baieztatu zuen Steven Tylerrek Aerosmith utzi eta bakarka jarraitzea erabaki zuela, nahiz eta ez zekien betirako izango ote zen edo ez. Tylerren ordezkorik ez zuten aurkitu.
Taldea desegin zenaren zurrumurrua eta Perryk aurretik esandakoagatik ere, 2009ko azaroaren 10ean Tyler The Joe Perry proiektuan azaldu zen, New Yorkeko Fillmorean (Irving Plazan), eta Aerosmithen "Walk This Way" abesti klasikoa interpretatu zuen. Hainbat informazio iturrik esan zuten Tylerrek ez zuela taldea utzi. Tylerrek taldea utziko ez zuela esan arren, taldekideak kezkatuta zeuden drogen munduan berriro erortzeko arriskua zuelako. Rolling Stone aldizkariak esan zuen Tyler abenduaren 22an errehabilitazioan sartu zela mina kontrolatzeko eta analgesikoen menpekotasuna kentzeko. Gainera, errehabilitazioaren ondoren taldearekin jarraitzeko asmoa zuela adierazi zuen.

2010ko otsailaren 15ean, Aerosmith Doningtoneko (Ingalaterra) Download Festivalerako aurkeztu zuten, Tyler taldearen abeslaria izango zela ere esan zuten. Martxoaren 26, Steven Tylerrek rap albuma grabatuko zuela adierazi zuen. Chris Cornellekin "Scream" grabatu zuen, eta Reverend Run, Run-DMCko Darryl Mac, Kid Rock eta T-Painek bertan parte hartuko zutelako zurrumurrua zabaldu zen. Urte bereko abuztuaren 14an, Aerosmith eta J.Geils Bandekin Bostoneko FenWay Parken azaldu zen Tyler. Boston Sunday Globe egunkariak azalean jarri zuen bere irudia.
2011ko "All-Stars Game"en aurkeztu zuten. Urriaren 25ean, konortea galdu zuen Luqueko (Paraguai) hoteleko komunean, aurpegia zauritu eta bi hortz apurtu zituen. Asuncioneko ospitalera eraman zuten eta odontologia eta kirurgia plastikoko tratamendua egin zioten bekain eta ezpainetan. Gau horretako kontzertua hurrengo egunera atzeratu zuten.

Bizitza pertsonala[aldatu | aldatu iturburu kodea]

Harremanak[aldatu | aldatu iturburu kodea]

Stevenek Bebe Buell modeloarekin erlazio laburra izan zuen, Liv Tyler aktorearen aita izan zen bitartean (Buelleko hasieran adierazi zuen aita Todd Rundgren zela, Liv Stevenen droga menpekotasunetik babesteko).1978an, Cyrinda Foxekin ezkondu zen (Warholen modelo ohia, eta New York Dollseko abeslariaren, David Johansen emazte izandakoa zen), haren alaba Mia Tylerren aita bihurtuz. 1987an banandu ziren, eta 1997an "Dream On" eta "Livin 'on the Edge" atera zituen, Aerosmith eta Tylerrekin bizitako oroitzapenak kontatuz. Cyrinda Foxe buruko kantzerraren ondorioz hil zen 2002an. Biloba du, Milo William Langdon (2004koabenduaren 14an jaioa New Yorken), Liv Tylerrek eta bere senar Royston Langdon musikari britaniarrek izandakoa.
1988an, Teresa Barrick diseinatzailearekin ezkondu zen. 2005eko otsailean, arazo pertsonalengatik banandu egingo zirela adierazi zuten. 2006ko urtarrilean, dibortzioa ofizial egin zen. Chelsea Tallarico (1989komartxoaren 6a), y Taj Tallarico (1991ko urtarrilaren 31).
2011n, Erin Brady 38 urteko modelo batekin hasi zen ateratzen. Erlazioak 2006tik 2012ra iraun zuen, Stevenek garrantzi handiagoa ematen baitzien munduko birei eta bere proiektuei.

Eztarriko kirurgia[aldatu | aldatu iturburu kodea]

2006ko martxoaren 22an, bere 58. urteurrena baino lau egun lehenago, The Washington Postek adierazi zuen Tylerrek ebakuntza bat egin behar zuela, arrazoiak ez ziren azaldu. Tylerren publizista batek zera zioen: "Aerosmithekin bira handiagoa emateko gogo handia duen arren, medikuak kantatzen ez jarraitzeko gomendatu zion, ahotsari errekuperatzeko behar adina denbora uzteko". Ipar Amerikako Rockin' the Joint tourra bertan behera geratu zen.
Eztarrian azaldu zitzaion odol-hodia zuzentzeko kirurgia ondo atera zen. Aste batzuk lasai igaro ondoren, Steven eta Aerosmith estudioan sartu ziren 2006komaiatzaren 20an, album berrian lanean hasteko. Uztailaren 3 eta 4an, Tyler eta Perry Bostoneko eszenatokian izan ziren Boston Pops orkestarekin, eta "Dream On", "Walk This Way", eta "I Don't Want to Miss a Thing" abestu zituzten. Ebakuntzaren ondoren egindako lehen agerpena izan zen Tylerrentzat. 2006ko udazkenean, Mötley Crüe taldearekin tourra egin zuten, Route of All Evil Tour izena eman zioten.
Steven Tylerren eztarriko kirurgia National Geographic Channelen atera zen 2007an, Gizakia Makina Harrigarria seriean.

B eta C hepatitisen aurkako borroka[aldatu | aldatu iturburu kodea]

2006an Access Hollywoodi emandako elkarrizketa batean, Tylerrek aitortu zuen B eta C hepatitisak jasan zituela azken 11 urteetan. 2003an diagnostikatu zioten gaixotasuna eta tratamendu gogorra eman zioten 2006ra arte. Okerrena "interferoi" bidezko tratamendu agonikoan 11 hilabete igaro zituela dela dio.

Lasaigarrien menpekotasuna[aldatu | aldatu iturburu kodea]

Associated Press agentziak 2009ko abenduaren 23an adierazi zuen Tyler errehabilitaziorako klinika batean sartu zela analgesikoei zien menpekotasunetik ateratzeko. Brian McKeon medikuak People aldizkariari esan zion Tylerrek azken hamar urteetan izandako lesio ortopedikoek 61 urteko rockeroa min kroniko gogorrak eragin dizkiotela, belaun eta hanketan kirurgia beharko zuela.

Dirico motozikletak[aldatu | aldatu iturburu kodea]

2007ko irailaren 15ean, New Hampshire International Speedwayen, Stevenek Dirico motozikleta berri batzuk aterako zirela. Berak diseinatu zituen, Mark Diricoren gidaritzapean eta AC Custom Motorcyclesek eraikiak Manchesterren, New Hampshire.
Steven betidanik izan da motozikleten fana, eta bere modoloei buruz zera esan zuen: "Hauen gainean jarriz gero, egunak eman ditzakezu jaitsi gabe. Azkarrak, gogorrak eta zoragarriak dira. Ikusteko ere berebizikoak dira."

Lankidetzan egindako diskografia[aldatu | aldatu iturburu kodea]

1986 Raising Hell albumeko "Walk this way" abestia: Run-D.M.C., Steven Tyler eta Joe Perry

1988 Have You Seen Me Lately? albumeko "Wild Thing" abestia, Sam Kinison; gonbidatua Steven Tyler

1989 Trash albumeko"Only My Heart Talkin" abestia, Alice Cooper; gonbidatua Steven Tyler

1989 Dr. Feelgood albumeko"Slice of Your Pie" abestia, Mötley Crüe; gonbidatua Steven Tyler

1989 Dr. Feelgood albumeko "Sticky Sweet" abestia, Mötley Crüe; gonbidatua Steven Tyler

2001 Missundaztood albumeko "Misery" abestia, Pink: gonbidatuak Steven Tyler eta Richie Sambora

2002 The Eminem Show albumeko "Sing for the Moment" abestia, Eminem: gonbidatuak Steven Tyler eta Joe Perry

2004 Lightning in a Bottle Soundtrack albumeko "I'm a King Bee" abestia: Steven Tyler eta Joe Perry

2005 All That I Am albumeko "Just Feel Better" abestia, Santana: gonbidatua Steven Tyler

2006 Three Chord Country and American Rock & Roll albumeko "Three Chord Country and American Rock & Roll" abestia, Keith Anderson: gonbidatua Steven Tyler

2006 Chant Down Babylon albumeko "Roots,Rock,Reggae" abestia, Bob Marley: gonbidatua Steven Tyler

2009 Chris Botti in Boston albumeko "Cryin' and Smile" abestia, Chris Botti: gonbidatua Steven Tyler

Filmografia[aldatu | aldatu iturburu kodea]

1978 Sgt. Pepper's Lonely Hearts Club Band: Futuro Villano taldeko kidea

1990 Saturday Night Live: Musikari gonbidatuak; "Wayne's World" sketcha: bere burua

1991 The Simpsons: "Flaming Moe's" kapitulua: bere burua

1993 Wayne's World 2: bere burua

1997 Saturday Night Live: Musikari gonbidatuak; Mary Katherine Gallagher" sketcha: bere burua

1999 Clubland: David Foster

2001 Saturday Night Live: Musikari gonbidatuak: bere burua

2003 Lizzie McGuire: gabonetako aita eta bere burua

2004 The Polar Express filmean: iratxo abeslaria

2004 Goodnight Joseph Parker: Sammy

2005 Be Cool: bere burua

2006 Two and a Half Men serieko bi kapitulu: bere burua

2009 Chris Botti in Boston: bere burua

Ikus gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Steven Tyler Aldatu lotura Wikidatan