Liguria

Liguria
Administrazioa
Estatua	Italia
Hiriburua	Genova
Probintziak	Genova Imperia La Spezia Savona
Udalerriak	235
Geografia
Koordenatuak	44°27′00″N 8°46′00″E
Azalera	5.410 km²
Demografia
Biztanleria	1.617.000 biztanle (2011)
Dentsitatea	298 bizt/km²
www.regione.liguria.it

Liguria Italiako eskualdea da, ipar-mendebaldean dagoena. Izen bereko itsasoaren kostaldean dago.

5.416 km² ditu, eta 1.617.000 biztanle. Hiriburua Genova da.

Izena antzinatik dator, antzinako ligurrak bertan bizi baitziren.

Geografia

Genovako golkoaren ertzean dago, Frantziako mugaren eta Magrako estuarioaren artean.

Mugakideak

Iparraldean Piemonte, hegoaldean Liguriako itsasoa, ekialdean Emilia-Romagna eta Toskana, eta mendebaldean Itsas Alpeak (Frantzia) mugakide ditu.

Probintziak

Lau lurralde ditu:

• Genova
• Imperia
• La Spezia
• Savona

Hiri nagusiak

Genova, Imperia, La Spezia, Rapallo, Sanremo, Savona eta Ventimiglia.

Orografia

Liguriako eskualdea oso menditsua da, eta itsasertzak malkartsuak. Genovako hiriaren mendebalean (Liguriako Alpeak, Saccarello mendia, 2.200 m) eta ekialdean (Liguriako Apeninoak, Magiorasca mendia, 1.803 m) daude gailur nagusiak.

Ekonomia

Italiako eskualderik aberatsenetakoa da. Itsasertzean loreak lantzen dira (Italiako arrosa eta krabelin gehienak bertan hazten dira) eta industriak garrantzi handia du, Genovan, La Spezian eta Savonan batez ere: altzairugintza eta metalurgia astuna (Cornegliano, Genova), petrolio findegiak (Savona, La Spezia) eta ontzigintza (Genova, La Spezia) dira industria jarduera nagusiak. Turismoak ere garrantzi handia du bai itsasertzean bai barnealdean. Itsas portuak (Genova, Savona eta La Spezia) ere jarduera handikoak dira.

Liguriar ospetsuak

• Benedikto XV.a
• Urbano VII.a

Irudi galeria

• 
  Liguriako lau probintziak
• 
  Cinque Terreko ikuspegia
• 
  Genovako portua, Italiako handiena
• 
  Portofinoko badia

Kanpo estekak

• (Italieraz) Webgune ofiziala
• (Italieraz) Holiday Liguria

• Datuak: Q1256
• Multimedia: Liguria / Q1256