Gers

Gers (32)
Frantziako departamendua
Administrazioa
Estatua	Frantzia
Eskualdea	Okzitania
Prefetura	Auch
Prefeta	Jean-Pierre Pujol (PS)
Azpiprefeturak	Condom Mirande
Barrutiak	3
Udalerriak	463
Kokapena
Koordenatuak	43°39′N 0°35′E
Azalera	6.257 km²
Demografia
Biztanleria	192645
Dentsitatea	30.788,716637366 bizt/km²
Kontseilu Orokorraren webgunea

Gers (frantsesez fonetikoki ʒɛʁs edo ʒɛːʁ) Okzitania eskualdeko departamendua da (32), Gers ibaiak zeharkatua, Garonaren ibaiadarra.

Auch da hiriburua.

Geografia

Mugakide ditu Pirinio Garaiak hegoaldean, Garona Garaia ekialdean, Tarn eta Garona, Lot eta Garona iparraldean, Landak mendebaldean eta Pirinio Atlantikoak hego-mendebalean.

Gers, udan. Urrutian, Pirinioak

Nahiko herrialde zelaitsua da, mendixka batzuekin. Ibai denak Bizkaiko Golkorantz dabiltza, bi multzotan: Garonarena eta Aturrirena.

Klima kontinentala du eta udan ibaiek oso ura gutxi ditu.

Hiri handienak : Auch (hiriburua, 19.954 biztanleekin 2011n), Condom (7.099 b. 2009an) eta Fleurance (6.360 b. 2009an).

Historia

Antzinako Akitaniaren zatia, Auch eta Elusa ziren Akitaniaren hiriburuak erromatarren garaian; gero, Gaskoniako dukerria desegin zenean, konderrietan banatuta zegoen (haien artean Armañac zen boteretsuena) eta banan-banan Frantziaren barruan geratu zen Gaskoiniako probintzian. Frantziako Iraultzaren ondorioaz, 1790eko martxoaren 4an sortu zen departamendua. 1808 departamendu zati bat (Lavit kantoia ipar-ekialdean) Tarn eta Garonaren departamendura lotu zen.

D'Artagnan famatua herrialde honetan jaio zen.

Gers eta antzinako euskara

Geras departamentuan, akitanierazko izenak dituzten hainbat idazkun agertu dira, Gersen, "akitaniarrak" izan baitziren Erromatar aurreko garaien eta erromatar garaian, auskiak, laktorateak, elusateak, adibidez. Joakin Gorrotxategik jasotako batzuk hauek dira: Orcuri (Auch, hil estela); Orguarrae (Barran, hil estela), Osaherr (Auch, hil estela), Oiso okoll (Auch, hil estela), Ulohossii (Lasséran, hil estela), Torsteginno (Auch, hil estela)... beste izen galiar, latin eta nahasketa ematen duten batzuekin batera.

Kanpo estekak

• Datuak: Q12517
• Multimedia: Gers (department) / Q12517