Dordoina

Dordoina (24)
Frantziako departamendua
Administrazioa
Estatua	Frantzia
Eskualdea	Akitania Berria
Prefetura	Périgueux
Prefeta	Bernard Cazeau -
Azpiprefeturak	Bergerac Nontron Sarlat-la-Canéda
Barrutiak	4
Kantonamenduak	50
Udalerriak	557
Kokapena
Koordenatuak	45°0′0″N 0°40′12″E
Azalera	9.060 km²
Demografia
Biztanleria	413418
Dentsitatea	45.631,125827815 bizt/km²
Kontseilu Orokorraren webgunea

Dordoina (okzitanieraz Dordonha, frantsesez Dordogne) Frantziako 24. departamendua da, Akitania Berria eskualdean. Okzitaniako lurraldea ere bada, eta Périgord izeneko lurralde historikoaren mugekin bat egiten du halaber. Prefetura edo hiriburua Périgueux da.

Mugakideak

Mugakide hauek ditu: Iparraldean, Vienne Garaia; ekialdean, Corrèze eta Lot; hegoaldean, Lot eta Garona; hego-mendebaldean, Gironda; mendebaldean, Itsas Charente; eta ipar-mendebaldean, Charente.

Udalerri nagusiak

1. Périgueux: 29.416 biztanle (2007). Pref.
2. Bergerac: 27.601 bz. Supref.
3. Sarlat-la-Canéda: 9.381 bz. Supref.
4. Coulounieix-Chamiers: 8.360 bz.
5. Boulazac: 6.708 bz.
6. Trélissac: 6.617 bz.
7. Terrasson-Lavilledieu: 6.214 bz.
8. Montpon-Ménestérol: 5.667 bz.
9. Saint-Astier: 5.329 bz.
10. Chancelade: 4.150 bz.
11. Ribérac: 4.123 bz.
12. Prigonrieux: 3.895 bz.
13. Neuvic: 3.545 bz.
14. Nontron: 3.458 bz. Supref.

Kultura

Sarlat gauez

Ondasun nabariak

Lascauxeko leize ezagunak departamendu horretan daude: Gizateriaren Ondare izendatu dituzte.

Aparteko leku ikusgarri hauek ditugu:

• Périgueuxeko Saint-Fronteko katedral erromanikoa eta hiri zaharra.
• Sarlat-la-Canédako Erdi Aroko hiria.
• Bergerac hiri zaharra.
• Villars udalerrian, Puyguilhemeko gaztelua eta kobazuloak.
• Brantômeko herria edo "Périgordeko Venezia".
• "Les Jardins du Manoir d'Eyrignac" lorategia (Salignac-Eyvigues).
• Eyzies-de-Tayac eta Moustierreko historiaurreko ondarea.
• Montcareteko hiri erromatarra.

Okzitaniera

Okzitanierazko aldaerak diren lengadocera eta lemosinera lurraldeko hizkuntza tradizionalak dira.

Dordoinar ezagunak

• Cyrano de Bergerac Edmond Rostandek idatzitako obra bat izan zen.
• Étienne de La Boétie (1530-1563), frantziar idazlea eta epailea.
• Gilen Josef Chaminade (1761-1850), apaiz katolikoa, Mariaren Lagundiaren sortzailea eta Marianista Familiaren sortzailea.
• Maine de Biran (1766-1824), frantses filosofoa.
• Henry Sanfourche (1775-1841), Frantziako Inperioko koronela.
• Pierre Sanfourche-Laporte (1774-1856), Frantziako legelaria.
• Robert Lacoste (1898-1989), frantses sindikalista eta politikaria.
• Sylvain Floirat (1899-1993), frantses enpresaburua.
• Adelina Yzac (1954-), idazle okzitaniar elebiduna.

Ikus, gainera

• Frantziako departamenduak

Kanpo estekak

• (Frantsesez)Dordoinako webgune ofiziala

• Datuak: Q3357
• Multimedia: Dordogne