Alaia Martin Etxebeste

Alaia Martin Etxebeste
Irudi gehiago
Bizitza
Jaiotzako izen-deiturak	Alaia Martin Etxebeste
Jaiotza	Oiartzun, 1987ko abenduaren 28a (36 urte)
Herrialdea	Gipuzkoa, Euskal Herria
Familia
Anai-arrebak	ikusi Jon Martin
Hezkuntza
Heziketa	Euskal Herriko Unibertsitatea Ikus-entzunezko komunikazio La Platako Unibertsitate Nazionala
Hizkuntzak	euskara gaztelania
Jarduerak
Jarduerak	bertsolaria eta gidoilaria
Parte-hartzailea 2022ko Bertsolari Txapelketa Nagusiko finala

Alaia Martin Etxebeste (Oiartzun, Gipuzkoa, 1987ko abenduaren 28a) bertsolaria, gidoigilea, kultur sortzailea eta ikus-entzunezko komunikatzailea da.

Bizitza

Oiartzungo Ugaldetxo auzoan jaio zen. Ama oiartzuarra du, Xeberoeneko Maixux Etxebeste Odriozola, eta aita irundarra, Xabier Martin Sandoval. Sei urte zaharrago den anaia bat du, Jon, bera ere bertsolaria, beste jarduera batzuen artean.

Haurtzaro ikastolan egin zituen oinarrizko ikasketak, aurrez Iturburu Udal haur-eskolatik pasata. Batxilergoa Orereta ikastolan eta Bilbon eta Argentinan unibertsitateko ikasketak. Ikus-entzunezko Komunikazioan lizentziatua da, zinemagintzan espezializatua.

Bertsolari ibilbidea

12 urterekin hasi zen bertsotan Haurtzaro ikastolako bertso eskolan. Geroztik, Oiartzungo, Santutxuko eta Ahalduntze bertso eskoletan ibilitakoa da. Oiartzungo Martzelina Bertsozale Elkarteko kide da. Bere lehen eskolarteko saioa Añorgan egin zuen, Maddi Suarez Korta eta Karmele Mitxelena Etxebeste lagun zituela. Orduz geroztik bertso-plaza asko egina da. 2011ko Gipuzkoako txapelketa nagusia bizitza aldatu zion txapelketa modura gogoratzen du eta ongien sentitu izan den txapelketa, berriz, 2015ekoa dela aitortzen du. 

Txapelketak

Gazte Sariketetan Sariak:

• Euskal Herriko Eskolarteko Txapelketa

  • 

    BTN. Lehen final aurrekoa Elizondon 2022ko urriak 22an

    Bigarrena (2): 2003, 2004.
• Gipuzkoako Eskolarteko Txapelketa
  • Txapelduna (1): 2004.
  • Bigarrena (1): 2003
  • Finalista (5): 2001, 2002, 2003, 2004, 2005.

• Zarauzko udala Baserri saria. 2005 eta 2008an (18 eta 21 urterekin).
• Lizardi saria: Txapelduna (1): 2008
• Erniarraitz saria: Txapelduna (1): 2010

Txapelketa Nagusietan

• Bertsolari Txapelketa Nagusia
  • Finalista (1): 2022 (bosgarren postua eskuratu zuen, Getxo, Elizondo eta Amurrioko kanporaketetan lehen postuan geratu ondoren).
  • Finalaurreak (2): 2013, 2017
• Gipuzkoako Bertsolari Txapelketa
  • Txapeldun orde (1): 2015.
  • Hirugarren (2): 2011, 2019.

Bertsolaritzari lotutako bestelako jardunak

Gipuzkoako Bertsozale Elkarteko Transmisio atalean irakasle ibilia da

UEU 2021ean Udako Bertso Eskolako irakasleetariko bat izan zen.

Kazetari lanetan

2016tik 2020ra Euskadi Irratiko Zubiak programa aurkeztu zuen Artzen Letonarekin batera hasieran, Pantxis Bidartekin ondoren. Kolaboratzaile izan ziren Saioa Alkaiza eta Lohizune Amatria. Programa honek 2021eko Irratiaren Argia saria jaso zuen.

Barrubiak saioko gidaritza.

Herritmia saioko gidaritza.

7K Aldizkarian, zein irratian iritzi-emaile ibilitakoa. 2008an desagertutako Xirika gehigarriko elkarrizketatzailea izan zen, bai eta ON eta Gaztezulo aldizkariko iritzi emailea ere.

Bestelako sormen lanak

Bertsolaritzan zentratua badabil ere, sormenarekin zerikusia duten alor asko lantzea gustatzen zaio: ikus-entzunezkoak, artikulugintza, poemagintza, ipuingintza etab.

Gidoigintzan ibili da Martin telesailean, Sautrelan, Izan egin eragin eta Tximeletak dokumentaletan eta baita irrati saioetan ere.

Abestien letra egilea: Esti eta Mikel Markez, Iker Lauroba, Topagunea 2008, Olatz Salvador, Bizipoza proiektua (Beroa Elkartea)...

Leihoen afasia (Eztena Jaialdia) antzerki-kronika liburuaren egilea da.

Bertsoklika. Korriklika saioak bere bertsoaz lagunduta (2019).

Oiartzungo Arte Egunak-eko partaide, Hiru Binaka zirkuituan (2020, 2022).

Ez Gaude Konforme. 11 Lore. Lurdes Iriondoren omenez Agurtzane Intxaurragak landutako omenaldi ikuskizunean testuen egile eta aurkezle (2020).

Mugmus Kolektiboaren “GARAIZ 60 t.m” ikuskizunaren kale-aldaera prestatu zuen eta bertan parte hartzen du (2021).

Martzelina Lopetegi Olaiz bertsolari oiartzuarrari historian merezi duen lekua emateko proiektuetan dabil, tartean. “Martzelina Lopetegi Olaiz. Edo.” argitalpenean, Karmele Mitxelena eta Iraitz Mateorekin (2023).

Herritar aitortza

"Oiartzuar emakumeak udalekuetan" egitasmoaren barruan, bere izena eraman zuen haur talde batek 2018an.

Kanpo estekak

• «Alaia Martin» Bertsozale.com webgunea.
• [1] Oiartzun Urtekaria 2012. Herriko seme-alabak. Jonekin.
• [2] Aski Prexko udaleko aldizkarian gidoilari eta kazetagintzaz mintzo.
• [3] Kulturaz elkarrizketa Oiartzungo irratian.
• [4] Txapelketa aurreko elkarrizketa Berrian.
• [5] Txapelketa ondorengo elkarrizketa Naiz-en.

• Datuak: Q12253049
• Multimedia: Alaia Martin Etxebeste / Q12253049