Getxo Rugby Taldea

Getxo Rugby Taldea

Hiria	Getxo, Bizkaia
Sorrera	1975
Kirol zelaia	Fadura estadioa
Presidentea	Andoni Saitua
Entrenatzailea	Brent Semmons
Liga	Ohorezko mailan
2014-15	9.a
Webgunea	www.getxorugby.org
Etxeko koloreak 　 Kanpoko koloreak

Getxo Rugby Taldea udalerri bereko (Bizkaiko) errugbi talde profesionala da. Getxo Rugby Taldea 1975ean sortu zuten Getxo inguruan bizi ziren Gernika Rugby Taldeko hiru jokalarik.

Historia

Hainbat urtez, udalerrian beste kiroletan zebiltzan gizonezkoak, batez ere arraunlariak, aritu ziren taldean. Hasieratik kirol emaitza handiak jaso zituen klubak, bai senior kategorian zein beste mailatan. 80ko hamarkadan, taldea handitu zen eta maila erregionaletik Espainiako Ohorezko Mailara igo zen. 1989an, taldea utzi zion gizonezkoena soilik izateari eta emakumeen atala sortu zen Getxo Rugby Taldean. Hasieratik emaitza onak jaso zituzten emakumeek ere.

90eko hamarkada urrezko aroa izan zen taldearentzat. Garai horretan lortu zuen arrakastarik handiena. Esate baterako, gizonezko senior taldeak Espainiako Ohorezko Mailaren Liga irabazi, Espainiako Erregearen lau Kopa eskuratu eta Koparen beste hiru finaletara heldu zen. Baina, 90eko hamarkadaren bukaeran gizonezko taldeak utzi behar izan zion Espainiako Ohorezko Mailari eta Getxo Rugby Taldea krisialdian sartu zen.

XXI mendearen hasieran, berriz, emaitza onak bueltatu ziren, tartean 2005eko Espainiako Errege Koparen finalista izatea. Urte hauetan profesionalizazio prozesua abiatu zen eta elkartearen aurrekontua nabarmen sendotuz joan zen progresiboki. 2009an bertan gizonezko senior taldea Espainiako Ohorezko B Mailara jaitsi zen baina bi urteren ondoren berriz maila gorenera igo zen.

Palmaresa

• Ohorezko maila:
  • Txapelduna (1): 1993
    • Txapeldunordea (3): 1994, 1995, 1997
• Espainiako errugbi errege kopa:
  • Txapelduna (4): 1990, 1991, 1992, 1997
    • Txapeldunordea (3): 1993, 1995, 2005
• Iberiar Errugbi Kopa:
  • Txapelduna (0)
    • Txapeldunordea (1): 1994
• Ohorezko B maila:
  • Txapelduna (2): 2003, 2011

Azken denboraldiak

Denboraldia	Maila	Postua
2000-01	Ohorezko maila	10.a (jeitsi)
2001-02	Ohorezko B maila	1.a (igo)
2002-03	Ohorezko maila	8.a
2003-04	Ohorezko maila	7.a
2004-05	Ohorezko maila	5.a
2005-06	Ohorezko maila	8.a
2006-07	Ohorezko maila	8.a
2007-08	Ohorezko maila	5.a
2008-09	Ohorezko maila	10.a (jeitsi)
2009-10	Ohorezko B maila	6.a
2010-11	Ohorezko B maila	1.a (igo)
2011-12	Ohorezko maila	5.a
2012-13	Ohorezko maila	8.a
2013-14	Ohorezko maila	7.a
2014-15	Ohorezko maila	9.a

Emakumezkoen taldea

2001eko eta 2008ko Espainiako Erreginaren Kopak irabazi zituen eta 2009ko Europako Emakumeen Kopako finalista izan zen. 2011 eta 2013 artean Bizkarians Rugby Taldea izenarekin jokatu zuen eta ligan hirugarren ere egin zuen. 2014-15 denboraldian ere maila onean aritu zen eta ligako bigarren postua eskuratu zuen.

Palmaresa

• Espainiako errugbi erregina kopa:
  • Txapelduna (2): 2001, 2008
• Europako errugbi emakumeen kopa:
  • Txapelduna (0)
    • Txapeldunordea (2): 2005

Azken denboraldiak

Denboraldia	Maila	Postua
2007-08	Erreginaren Kopa	1.a
2008-09	Erreginaren Kopa	2.a
2009-10	Erreginaren Kopa	2.a
2010-11	Ohorezko maila	5.a
2011-12	Ohorezko maila	3.a
2012-13	Ohorezko maila	6.a
2013-14	Ohorezko maila	5.a
2014-15	Ohorezko maila	2.a

B taldea

Gizonezkoen B taldea ere badu, Euskal Ligan ari dena.

Denboraldia	Liga	Postua
2010-11	Euskal Liga (B multzoa)	2.a
2011-12	Euskal Liga (A multzoa)	6.a
2012-13	Euskal Liga (A multzoa)	2.a
2013-14	Euskal Liga (B multzoa)	2.a
2014-15	Euskal Liga (A multzoa)	7.a