Euskalerriko Rugby Eskola Independientea

Wikipedia, Entziklopedia askea
Elkarteak bere hastapenetan argitaratutako iragarkia.

Euskalerriko Rugby Eskola Independientea Jesus Erro Castillo rugbyzale donostiarrak 1978. urtean sortu zuen elkartea izan zen. Elkarte honen helburua kultur alternatibarik ez zituzten herrietako gazteen aisialdia okupatzea eta beren eguneroko esparrutik ateratzea beste pertsona eta giroekin harremana sustatuz[1]. Honetarako, lehiarik gabeko errugbi topaketak antolatzen zituzten, bai elkarte bereko taldeen artean, bai Ipar Euskal Herriko taldeekin.

Sorrera[aldatu | aldatu iturburu kodea]

Erro (Donostia, 1921 - 2013) 60. hamarkadan Atlético San Sebastiánen aurrekari izan ziren RC Guipúzcoa eta Vasconia taldeetako kide izan zen, Hendaian jokatu baino lehen. 1963 eta 1966 urteen artean, federazioko lehiaketetan parte-hartzen zuten talde ezberdinak sortzen eta entrenatzen jardun zen.
1978tik aurrera, Gipuzkoan zehar taldeak eta hauek biltzen zituen EREI elkartea sortu zituen, edozein federakuntzaren lehiaketetatik kanpo. Garai horretan, besteak beste, Lasarteko Beltzak, Errenteriako Orereta RT, Txerrimuño gaztetxeko kideekin Lezoko RT, Villabonako Herri Ona RT, Oiartzungo Girizi elkarteko taldea edo Azpeitiako Urolako RT taldeak sortu eta antolatu zituen[2].

Bilabonan rugby taldea sortzeko partidua

Talde hauek beraien arteko topaketak jokatzeaz aparte, Ipar Euskal Herriko eta Frantziako tradiziozko klubekin ere jokatzeko aukera izaten zuten. Gainera, Italia, Eskozia edo Mendebaldeko Alemaniara birak ere egin zituzten.

80. hamarkadan zehar Eskola Independienteak arrakasta erlatiboa izan bazuen ere, talde askok ez zuten jarraipenik izan. Nabarmentzekoak dira Orereta Rugby Taldea, 1985n sortua eta 2000. hamarkadaren hasierararte martxan jarraitu zuena, eta Lasarte-Oriako Beltzak taldea, 1984 eta 1998 urteen artean funtzionatu zuena. Azken hau, 2009an birsortu zen Ostadar kirol taldearen errugbi eskola forma hartuz eta bere entrenamenduak, topaketak eta partidak Michelin zelaian jokatuz.

Errugbiaren astea[aldatu | aldatu iturburu kodea]

Errugbiaren III astearen egitaraua
Futbol Amerikarraren erakusketa Lasarte-Orian Errugbiaren astearen ekintzen barruan

1985etik aurrera, errugbia, bere baloreak, tradizioak eta ingurukoak ezagutarazteko, irailaren azkeneko egunetan "Errugbiaren astea" izeneko ekitaldi sorta bat antolatzen zuen Eskola Independienteak. Hainbat auzo-elkarte, kultur-talde eta eragileekin batera, hamabosteko errugbi partiduak antolatzeaz aparte, beste errugbi mota ezberdinetako (zazpikoa, zortzikoa, hamahirukoa, eta abar) eta amerikar futboleko erakuskera-partiduak, hitzaldiak, musika eta zinema emanaldiak ospatzen zituzten.
Elkarteak eskatuta, 1985ko ekitaldian, Xabier Amurizak eta Antonio Sierrak konposatutako "Errugbiari ereserkia" aurkeztu zuten.


Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]