Hildegard von Bingen

Wikipedia(e)tik
Hona jo: nabigazioa, Bilatu
Hildegard von Bingen
Hildegard von Bingen
Hildegard von Bingen, Scivias liburuko irudi batean
Datu pertsonalak
Jaio 1098ko irailaren 16a
Bermersheim vor der Höhe (Germaniako Erromatar Inperio Santua)
Hil 1179ko irailaren 17a
Bingen am Rhein (Germaniako Erromatar Inperio Santua)

Hildegard Von Bingen (Bermersheim vor der Höhe, 1098ko irailaren 16a - Bingen am Rhein, 1179ko irailaren 17a) beneditar abadesa, buruzagi monastiko, mistiko, iragarle, mediku, musikagile eta idazlea izan zen. Benedikto XVI.ak Elizako doktore izendatu zuen 2012ko urriaren 7an[1].

Bizitza[aldatu | aldatu iturburu kodea]

Hildegard von Bingen Renaniar Palatinatuko familia noble bateko alaba zen. Haurtzarotik ikuskariak izaten zituen, Elizak gerora Jainkoak eragindakotzat jo zituenak. Gurasoak, kezkatuta, Disibodenbergeko komentuan sartu zuten, non latina, grekoa, liturgia, musika eta natur zientziak ikasi zituen. 15 urte inguru zituela moja egin zen, eta 1136an komentuko abadesa hautatu zuten[2].

42 urterekin, ikuskaririk indartsuena izan zuen, non bere ikuskarien berri emateko agindua jaso baitzuen. Hortik aurrera, bere esperientziak idazten hasi zen. Bederatzi liburu idatzi ziten, besteak beste, Scivias, mistikaren ingurukoa, Liber Vitae Meritorum, etikari buruzkoa, eta Operatione Dei teologiaren ingurukoa. 1150 aldean, Rupertsbergeko monasterioa sortu zuen Bingenen. 1158-1170 bitartean, Mainz, Würzburg, Bamberg, Treveris eta Kolonian predikatu zuen[2]. Horrezaz gain, gregoriar musika ere ondu zuen: hirurogeitamazazpi kanta eta Ordo Virtutum, eukaristiari buruzko autoa[3]. 90 urtetik gora zituela hil zen.

Hildegarden ikuskariak benetakotzat jo zituen arren, Elizaren eta Hildegarden arteko harremana ez zen beti oso ona izan, mojak apaizeriaren ustelkeria eta erruki eza salatzen baitzituen. Eva, jatorrizko bekatuaren erruduntzat jotzen zena, errugabe zela esatera ausartu zen, deabruak engainatua izan zela, hau inbidiaz jota zegoelako emakumeak bizia sortzeko zuen ahalmenagatik. Hori gutxi balitz, harreman sexualak batasun espiritual gisa aurkeztu zituen. Gatazkaren unerik gogorrena 1178an gertatu zen, noble gazte bat Rupertsbergeko monasterioan lurperatu zutenean. Gaztea eskumikaturik zegoen eta, zuzenbide kanonikoaren arabera, ezin zen eliz lurrean ehortzi. Mainzeko eliz agintariek gorpua hobitik ateratzeko agindu bazioten ere, Hildegardek uko egin zion. Hori zela eta, monasterioaren aurkako interdiktoa ezarri zuten, azkenean zigorra barkatu zioten arren[4].

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Hildegard von Bingen Aldatu lotura Wikidatan