Kelly Brazier

Wikipedia, Entziklopedia askea
Kelly Brazier

(2016)
Bizitza
JaiotzaDunedin, 1989ko urriaren 28a (34 urte)
Herrialdea Zeelanda Berria
Hezkuntza
HeziketaOtago Girls' High School (en) Itzuli
Otago Polytechnic (en) Itzuli
Jarduerak
Jarduerakhamabosteko errugbilaria eta zazpiko errugbi jokalaria
Posizio edo espezialitateautility back (en) Itzuli
Pisua66 kilogramo
Altuera171 zentimetro
Twitter: kellybrazier14 Instagram: kellybrazier Olympic.org: kelly-brazier Edit the value on Wikidata

Kelly Brazier (Dunedin, Zeelanda Berria, 1989ko urriaren 28a), Zelanda Berriko errugbi jokalaria da. Zeelanda Berria selekzioan, Canterburyn eta Edmonton Clansmen RFC talde kanadarrean jokatzen du zabaltzaile, erdilari edo hegaleko moduan.

Brazier Dunedinen jaio zen, aita ingeles eta ama irlandar batengandik, eta Zeelanda Berrira etorri ziren Tonyrekin, lehen semearekin. Bere kirol ibilbidea, bost urterekin hasi zen bera baino bi urte zaharrago zen anaiak errugbi zelaira eraman zuenean, eta udan «touch»" errugbi eta neguan errugbiaren artean banatu zuen bere denbora. 14 urterekin, Zeelanda Berriko U21 talde mistoan egon zen, eta, 15ekin, Zelanda Berriko bigarren mailako nesken taldean. 2003an, Alhambra Union errugbian eta 2004an Otago Spirit probintziako selekzioan jokatzen hasi zen[1]. 2009ko maiatzaren 2an, Zeelanda Berriko errugbiko errekor liburuetan sartu zen 64 puntu lortu zituenean —hamar entsegu eta zazpi gauzatze— bere klubarentzat, Otago Metropolitan Women's Premier partidan, Kaikorairen aurka Dunedingo Unibertsitate Obaloan[2].

Brazierrek 2009ko azaroaren 14an egin zuen debuta nazioartekotasunean, Ingalaterraren aurka Pillar Data Arenan, Esher-en, Black Fernsek 16-3 irabazi zuen partidan[3]. Twickenhamen jokatutako bigarren proban, 12.500 laguneko jendetza errekor baten aurrean, Black Ferns 10-3 garaitua izan zen[4].2010eko Emakumeen Errugbi Mundu Kopan, parte hartu zuen Ingalaterraren aurkako finalean Black Ferns-ek lortutako arrakastan, eta puntuatzaile nagusia bihurtu zen 4 entsegu, 11 entsegu-gauzatze eta 2 zigor-kolpe gauzatzerekin[5][6]. Bere lehen entsegua, Hegoafrikaren aurkako partidan lortu zuen Anna Richardsen pase fin bati esker[7].

Lau hilabetez, Kanadako Edmontonen entrenatzera eta Clan Rugby-n jokatzera joan eta gero, Brazier Zeelanda Berrira itzuli zen emakumeen NPCn Canterburyrekin hasteko. Bere talde berriarekin debut ona egin arren ―bi entsegu Hawke's Bay Tuis-i 60-0 irabazita[8] eta Manawatu Cyclonesen eta Otago Spirit talde ohiaren aurka beste garaipen batzuk―, Canterbury ez zen finalera iritsi[9].

2011ko urrian, Grant Hansen Zeelanda Berriko entrenatzaileak Ingalaterraren aurka hiru proba jokatzeko deitu zion; zoritxarrez, Black Ferns bi galdu eta berdinketa bat, eta berak 5 puntu baino ez (eraldaketa eta penalti bat) lortuta amaituko zen bira.

NZRU urteko Emakume Jokalariarentzat 2009ko Steinlager Rugby Sarietarako, hautagaien artean egon zen Brazier, Carla Hohepa eta Victoria Heighwayrekin batera, baina horiek irabaziko zuten[10][11]. Brazier Otagoko Kirol eta Abentura Institutuko kirolari nagusi izendatu zuten 2009 eta 2010ean[12]. 2017ko Emakumeen Errugbiko Mundu Kopako hamaikakorako izendatu zuten[13][14].

2018ko Commonwealth Jokoetan, Brazierrek entsegu irabazlea lortu zuen Australiaren aurkako final handian, 80 metro korrika eginez eta Zeelanda Berrirako urrea lortuz. 2019an, Emakumeen Super Rugby Serieko talde irabazlearen parte izan zen[15].

Lesbiana da, eta bere emazteak, Tahliak, 2020an erditu zuen lehen umea[16][17].

Olinpiar Jokoak[aldatu | aldatu iturburu kodea]

2016ko Udako Olinpiar Jokoetan, Rio de Janeiro, Brasil, zilarrezko domina irabazi zuen Zeelanda Berriko Zazpiko errugbi selekzioarekin, Australiaren atzetik (urrezkoa) eta Kanadakoaren aurretik sailkatuz.

2020ko Udako Olinpiar Jokoetan, Tokio 2020an (Tokio), berriz, urrezko domina irabaziko du Zazpiko errugbi modalitatean, Zeelanda Berriko taldearekin, Frantziako taldearen (zilarrezkoa) eta Fijikoaren (brontzezkoa) aurretik sailkatuz. Hauek osatuko dute Zeelanda Berriko taldea: Michaela Blyde, Kelly Brazier, Gayle Broughton, Theresa Fitzpatrick, Stacey Fluhler Sarah Hirini, Shiray Kaka, Tyla Nathan-Wong, Risi Pouri-Lane, Alena Saili, Ruby Tui eta Portia Woodman-ek[18][19].

Emaitzak[aldatu | aldatu iturburu kodea]

Udako Olinpiar Jokoak
Urtea Lekua Domina Proba
2016 Rio de Janeiro
Brasil Brasil 		2. lekua, zilarrezko domina Zazpiko-errugbia
emakumeak[20].
2020 Tokio
Japonia Japonia 		1. postua, urrezko domina Zazpiko-errugbia
emakumeak[21].

Gainerako lorpenak[aldatu | aldatu iturburu kodea]

Hamabosteko errugbi Mundu Kopa
Urtea Lekua Domina
2010 Ingalaterra
Ingalaterra Ingalaterra 		1. postua, urrezko domina
2017 Irlanda
Irlandako Errepublika Irlanda 		1. postua, urrezko domina
Commonwealth Jokoak
Urtea Lekua Domina
2018 Gold Coast
Australia Australia 		1. postua, urrezko domina
Zazpiko errugbi Mundu Kopa
Urtea Lekua Domina
2013 Mosku
Errusia Errusia 		1. postua, urrezko domina
2018 San Frantzisko
Ameriketako Estatu Batuak AEB 		1. postua, urrezko domina

Erreferentziak[aldatu | aldatu iturburu kodea]

  1. ↑ Marion Mouat. (24 August 2011). «Kelly Brazier, a remarkable rugby talent» Aoraki Polytechnic Newsline.
  2. ↑ Alistair McMurran. (5 May 2009). «Dunedin teen bags NZ scoring record» Otago Daily Times.
  3. ↑ Black Ferns team named for first test against England. 13 November 2009.
  4. ↑ England's women boost confidence with NZ win. 22 November 2009.
  5. ↑ New Zealand crowned world champions. 5 September 2010.
  6. ↑ Final statistics. 6 September 2010.
  7. ↑ Pool A: Australia and New Zealand enjoy wins. 20 August 2010.
  8. ↑ «Dream start for Canty» The Timaru Herald 1 August 2011.
  9. ↑ «Women storm into provincial rugby final» The Dominion Post 29 August 2011.
  10. ↑ Remaining nominees for 2009 Steinlager Rugby Awards. 4 December 2009.
  11. ↑ 2009 Steinlager Rugby Awards winners announced. 18 December 2009.
  12. ↑ «Brazier again wins institute award» Otago Daily Times 23 October 2010.
  13. ↑ «Black Ferns squad for 2017 Women's Rugby World Cup named» All Blacks.
  14. ↑ «Black Ferns World Cup squad named» Radio New Zealand 5 July 2017.
  15. ↑ Black Ferns skipper Les Elder returns for Super Series decider against England. Stuff.co.nz 13 July 2019.
  16. ↑ «'It's what gets me out of bed every day' - Black Fern Kelly Brazier embracing huge 2020» 1 NEWS.
  17. ↑ «Tiny fan gives Kelly Brazier new zest for rugby» Stuff 2020-05-27.
  18. ↑ «Kelly Brazier» olympedia.org 2022-02-18an. begiratua(Ingelesez)
  19. ↑ «Kelly Brazier» Olympics.com 2022-02-18an begiratua (Gaztelaniaz)
  20. ↑ "Zazpiko-errugbia, emakumeak, emaitzak 2016" olympedia.org (Ingelesez)
  21. ↑ "Zazpiko-errugbia, emakumeak, emaitzak 2020" olympedia.org (Ingelesez)

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Kelly_Brazier&oldid=9012754"(e)tik eskuratuta