Kike Amonarriz

Wikipedia, Entziklopedia askea
Hona jauzi: nabigazioa, Bilatu
Kike Amonarriz
Kike Amonarriz.png
Bizitza
Izen osoa Enrike "Kike" Amonarriz Gorria
Jaiotza Tolosa1961eko irailaren 30a (55 urte)
Herrialdea  Gipuzkoa, Euskal Herria
Hezkuntza
Hizkuntzak euskara
gaztelania
Lanbidea
Lanbidea berriemailea, soziolinguista eta umorista
Lantokia(k) Donostia
Enplegatzailea(k) Euskal Irrati Telebista
Tolosako udaletxea
Jasotako sariak
Kidetza SIADECO

Enrike "Kike" Amonarriz Gorria (Tolosa, Gipuzkoa, 1961eko irailaren 30a) Euskal Filologian lizentziatutako soziolinguista, umorista eta telebista-aurkezlea da. Gainera, Tolosako udaleko euskarako teknikaria eta SIADECO elkarteko soziolinguista izan da.

Zeruko Argia aldizkarian hasi zen umorezko artikuluak idazten. Horrez gain, txiste liburu eta kaseteak egin ditu Joxerra Galarraga eta Guillermo Segurolarekin. Gainera, Argiak argitaratutako Txorakikeriak izeneko liburuak idatzi ditu. Inguma datu basean, Amonarrizek idatzitako 45 lan baino gehiago azaltzen dira, gehienak soziolinguistikari buruzko hitzaldiak eta artikuluak.[1] Adibidez: XXI. mendeko euskaldunak: "Nola aldatu(ko) diren gauzak, kamarada!" (2009), Gazte hizkerak - hizkera gazteak (2008), 2006ko hizkuntzen kale-erabileraren neurketa: aurreikuspenak eta emaitzak (2007), Euskal Herriko hizkuntz normalizazioaren zenbait alderdi (1984).

Halaber, Euskal Telebistan lan egiten du eta hainbat saiotan parte hartu du aktore, gidoilari edota aurkezle lanetan: Hitz eta Pitz, Funtzioa, Hau da A.U., Beni ta Marini, Balinda, Bai zera, Txiskola eta Sikofonia. Gainera, Barrebusa telebista saioa zuzendu du.

2006ko urtarriletik 2013ra bitartean, ETB 1eko Mihiluze telebista saioa aurkeztu zuen Ilaski Serranorekin.

2013az geroztik, ETB 1eko Tribuaren Berbak saioa aurkezten du.

2015eko irailaz geroztik, ETB 1eko Burubero lehiaketa aurkezten du.[2]

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]


Wikiesanetan artikulu bat dago honi buruz:
Kike Amonarriz