Luciano Pavarotti

Wikipedia(e)tik
Hona jo: nabigazioa, Bilatu
Luciano Pavarotti, 2002an

Luciano Pavarotti (Modena, Italia, 1935eko urriaren 12a2007ko irailaren 6a) tenorra izan zen, XX. mendearen bigarren erdialdeko operako abeslarien artean ospetsuena.

Bizitza[aldatu | aldatu iturburu kodea]

Okindegi baten seme bakarra, Scuola Magistrale ikastetxean ikasi zuen, eta, ikasketak bukatutakoan, bertan klaseak eman zituen Lehen Hezkuntzako irakasle gisan. Lehendabiziko kanta-saioak Modenako abesbatzan egin zituen, aitarekin batera.

1961eko apirilaren 29an agertu zen estreinako aldiz opera bat abesten, Reggio Emilia antzokian La Bohèmeko Rodolforen rola arrakasta handiz antzeztuz. Harrezkeroztik, nazioarteko antzoki askotan abestu zuen, Joan Sutherland sopranoarekin batera; harekin sona handiko bikote artistikoa sortu zuen. Hala ere, Metropolitanen La fille du Régiment operan Tonioren rola antzeztu zuenean, ospe itzela lortu zuen: opera horretako aria oso famatu batean, bederatzi Do garai eman behar dira, eta erraztasun txundigarriz eman zituenean ikus-entzuleen txalo-zaparrada beroa jaso zuen. Horren ondorioz, New York Timeseko azalean agertu zen, eta haren izena mundu osoan famatu zen.

Anitz disko grabatu zituen bere karreran zehar: halaber, War Child erakundeari laguntzeko sortutako Pavarotti and Friends kontzertu famatuetan, pop, rock eta bestelako musika motetako kantariekin batera aritu zen. Horrela, belaunaldi askok haren berri izanda, oso estimatua izan zen eta haren diskoen salmenta duenak emendatu zen. Hiru Tenorrak delako hirukoteko partaide izan zen, Plácido Domingorekin eta Josep Carrerasekin batera.

Pankreako minbiziak jota, Modenako bere etxean hil zen.

Ikus, gainera[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Luciano Pavarotti Aldatu lotura Wikidatan