Maria Kristina Borboikoa

Maria Kristina Borboikoa
	; Irudi gehiago
Member of the Junta de Damas de Honor y Mérito (en)
Consort of Spain (en)
Regent of Spain (en)
Bizitza
Jaiotza	Palermo, 1806ko apirilaren 27a
Herrialdea	Italiako Erresuma (1861eko martxoaren 17a - 1878ko abuztuaren 22a)
Heriotza	Le Havre, 1878ko abuztuaren 22a (72 urte)
Hobiratze lekua	El Escorial monasterioaren errege kripta
Familia
Aita	Frantzisko I.a Bi Sizilietakoa
Ama	Maria Elisabet Espainiakoa
Ezkontidea(k)	Fernando VII.a Espainiakoa (1829ko abenduaren 11 - 1833ko irailaren 29a); Agustín Fernando Muñoz, 1st Duke of Riánsares (en) (1833ko abenduaren 28a - ezezaguna)
Seme-alabak	ikusi Elisabet II.a Espainiakoa; Luisa Fernanda Borboikoa; Agustín Muñoz, 1st Duke of Tarancón (en) ; Antonio Muñoz y de Borbón (en) ; María Amparo Muñoz, 1st Countess of Vista Alegre (en) ; Maria de los Milagros Muñoz (en) ; Fernando Muñoz, 2nd Duke of Tarancón (en) ; María Cristina Muñoz y Borbón (en) ; Juan Muñoz y de Borbón, Conde de Recuerdo (en) ; Jose Muñoz y de Borbón, Conde de Gracia (en) ;
Haurrideak	ikusi Maria Karolina Borboi Bi Sizilietakoa; Princess Luisa Carlotta of the Two Sicilies (en) ; Fernando II.a Bi Sizilietakoa; Prince Carlo Ferdinando, Prince of Capua (en) ; Leopold of the Two Sicilies, Count of Syracuse (en) ; Princess Maria Antonia of the Two Sicilies (en) ; Prince Antonio, Count of Lecce (en) ; Princess Maria Amalia of the Two Sicilies (en) ; Princess Maria Carolina of the Two Sicilies (en) ; Teresa Kristina Borboi Bi Sizilietakoa; Prince Louis, Count of Aquila (en) ; Prince Francis, Count of Trapani (en) ;
Leinua	House of Bourbon-Two Sicilies (en) ; Espainiako Borboi etxea
Hezkuntza
Hizkuntzak	gaztelania
Jarduerak
Jarduerak	politikaria eta monarka
Jasotako sariak	ikusi Grand Cross of the Order of the Immaculate Conception of Vila Viçosa ;
Kidetza	Real Academia de Nobles y Bellas Artes de San Luis
Sinesmenak eta ideologia
Erlijioa	Erromatar Eliza Katolikoa

Artikulu hau 1833-1840 urte bitartean Espainiako erreginaorde izandakoari buruzkoa da; beste esanahietarako, ikus «Maria Kristina (argipena)».

Maria Kristina Borboikoa, baita ere Maria Kristina Bi Sizilietakoa, batzuetan Maria Kristina Borboi-Bi Sizilia gaztelaniaz María Cristina de Borbón-Dos Sicilias, (Palermo, Italia, 1806ko apirilaren 27a - Sainte-Adresse, Frantzia, 1878ko abuztuaren 22a), Fernando VII.aren laugarren emaztea, Espainiako erreginaordea izan zen Elisabet II.a alabaren ordez.

Bizitza

Erregetzari lotua

Frantzisko I.a Bi Sizilietakoa erregearen eta Maria Elisabet Borboikoaren alaba zen. 1829ko abenduaren 11n Espainiako Fernando VII.arekin ezkondu eta haren laugarren emaztea izan zen. Fernando VII.ak ez zuen seme-alabarik izan bere lehen hiru emazteekin baina Maria Kristina Borboikoa, Fernando VII., bere osaba, baino hogeita bi urte gazteagoa, berehala geratu zen haurdun. Semea edo alaba jaioko zen jakin gabe, Fernandok Lege Salikoa bertan behera uzteko Berrespen Pragmatikoa aldarrikatu zuen; horren arabera, ondorengoa ez zen Karlos Maria Isidro Borboikoa, Fernandoren anaia, izango, jaioko zen umea baizik, neska izan arren.

Gerra giroan, erreginaorde

1833an Fernando VII.a hil zenean, Maria Kristina izan zen erreginaorde, alaba Elisabet artean adingabea zelako. Maria Kristina 7 urtez egon zen agintean, baina, ondoren, Espartero etorri zen eta berari boterea ematera derrigortuta ikusi zuen bere burua. Fernandoren heriotzak, herrian iskanbila ugari sortu zuen, ondoren tronua nork hartuko zuen kezkaz. Alde batetik, Karlos V.a zegoen, Fernandoren anaia, eta, beste aldetik, Elisabet II.a zegoen, erregearen alaba txikia. Fernandok ondorengotzarako legea aldatzea erabaki zuen eta honek herria bitan zatitzea ekarri zuen, isabeldarrak eta karlistak. Lehen Gerra Karlista edo lehen Karlistaldia hasi zen.

Fernandoren heriotza gertatu eta denbora gutxira, 1833ko abenduaren 28an, erregearen alarguna Agustin Fernando Muñoz sarjentuarekin ezkondu zen ezkutuan. Herritarrei ekintza honek ez zion grazia handirik egin eta Elisabeten aldeko joera jaitsi egin zen. Maria Kristina saiatu zen herriarekin ondo konpontzen, baina ez zuen guztiz lortu; azkenean, 1840ko urriaren 17an, Espainiatik alde egin beharrean izan zen, Espartero kapitainari boterea utziz. Lehendabizi Marseillara joan zen, ondoren Erromara eta azkenik Parisen finkatuko zen.

Parisen bere jarraitzaile batzuekin elkartu zen eta, hauen laguntzaz, Espainiako tronua berreskuratzera iritsi zen. Orduko hartan, alaba Elisabet II.a jarri zuten agintean, nahiz eta oraindik adingabea izan. 1844an Espainiara itzuli eta Madrilen finkatu zen, bere alabaren erreginaldia zainduz, eta, bitartean bere senar berriarekin negozio berri batzuetan sartu zen (gatza, burdinbideak...). Horretan, gertuko bazkidea izan zuen José Salamanca negozio gizona eta politikaria. Herritarrek Mari Kristina diruzale xamarra ikusten zuten, eta negozio mundu horretan gehiegi sartzen ari zen iritzikoak ziren; ez zuten oso gustuko bere jarrera eta, azkenean, berriro Espainiatik alde egin beharrean izan zen, oraingoan denbora luze baterako.

Espainiatik erbestera

Parisera itzuli zen eta bertan egon zen bere biloba Alfontso XII.ak boterea berreskuratu zuenean ere. Elisabet II.ak eta Alfontso XII.ak ez zuten Maria Kristinak ezkutuan egindako ezkontza begi onez ikusten, eta, hori dela eta, beraien artean ez zegoen oso harreman ona. 1878ko abuztuaren 22an, Maria Kristina Sainte-Adressen (Frantzian) hil zen eta, geroago, El Escorial monasterioan lurperatu zuten.

Ondorengoak

Bere lehenengo senarrarekin, Fernando VII.arekin, 2 alaba izan zituen:
- Elisabet II.a, ondoren Espainiako erregina izango zena.
- Luisa Fernanda Borboikoa infanta.
Bere bigarren senarrarekin, hau da, Agustin Fernando Muñoz sarjentuarekin, 7 seme alaba izan zituen:
- Maria de los Milagros, Castillejoko markesa.
- Agustin, Tarankoneko dukea.
- Fernando, Riansares eta Tarankoneko dukea.
- Maria Kristina, Isabelako markesa.
- Joan, Rekuerdoko kondea.
- Jose, Gartziako kondea.

Balorazioa

Espainiar herritar ugarik haren erreginordetza desegokitzat zeukaten bezala, López-Morellek moral eskaseko eta anbizio pertsonal handikotzat jo du Maria Kristina, estatuko arazoez baino, bere oinordekoen eta, bereziki, Agustín Fernando Muñoz zaindariarekin ezkutuan izandako bost haurren sustapenaz arduratu zela, baita bere posizioa baliatuz aberastasuna metatzeaz ere.^[1]

Erreferentziak

↑ López-Morell, Miguel A. (2015), 82. or.

Bibliografia

López-Morell, Miguel A.. (2015). Rothschild. Una historia de poder e influencia en España. Madrid: Marcial Pons, Ediciones de Historia, S.A. ISBN 978-84-15963--59-2..

Datuak: Q230566
Multimedia: Maria Christina of the Two Sicilies / Q230566

[1] López-Morell, Miguel A. (2015), 82. or.

[1]