Pac-Man

Wikipedia, Entziklopedia askea
Jump to navigation Jump to search
Pac-Man
Jokoko pertsonaia funtsezkoak dira mamuak: kaleko arte mosaiko batean irudikatuak hemen, Bilbon.

Pac-Man (japonieraz パックマン Pakku Man) 1980an Toru Iwatani japoniar bideojoko diseinatzaileak Namco konpainiarentzat sortutako bideojoko bat da. AEBetako merkatuan Midway Games konpainiak banatu zuen.

Izenaren Jatorria[aldatu | aldatu iturburu kodea]

Pac-Man izena, Tōru Iwatanik pizza bat eskatu zuenean sortu zen. Konturatu zen pizza portzio bat kentzean, buru bat ematen zuela ahoa irekita zuena. Puck Man edo Pack-Man izena, japonierazko Paku (パク) onomatopeiatik dator, ahoak ireki eta ixtean egitean duen soinutik. Hasieran, Puck-Man izena jarri zitzaion, baina Estatu Batuetan Pac-Man izena eman zioten.

Historia[aldatu | aldatu iturburu kodea]

1980ko maiatzaren 22an lehenbizikoz argitaratu zen, eta ordurarte oso ezaguna zen Space Invaders bideojokoaren nagusitasunarekin amaitu zuen. Mundu mailan sekulako arrakasta izan eta 1981-1987 artean inoizko bideojoko salduenaren Guinness Errekorra mantendu zuen. Ordurarteko shoot 'em up ("tiro denei") motako bideojokoak ordezkatu zituen, haietan ekintza nagusi zen, aldiz, bideojoko honek formatu bakarra eta umoretsua zuen, horrek jende askoren gogoko eginez.

Jokoaren osagaiak[aldatu | aldatu iturburu kodea]

Pac-man[aldatu | aldatu iturburu kodea]

Jokoaren protagonista da. Pac-Dots izeneko bolatxoak jaten ditu eta pantailako bolatxo guztiak irenstean hurrengo mailara pasatzen da.

Labirintua[aldatu | aldatu iturburu kodea]

Joko eremua labirintu bat da. Erdigunean "etxetxo" bat dago, jokoaren hasieran mamuak gordetzen dituena. Guztira, 255 maila daude. Badago 256. maila bat, eta bertan pantaila erdia baino ez da ikusten.

Mamuak[aldatu | aldatu iturburu kodea]

Mamuek Pac-man jatea dute helburu eta beraz Pac-manek sahiestu egin behar ditu. Mapako izkina bakoitzean ordea, bolatxo handiagoak daude (ingelesez “Power Pellets” deitzen direnak) eta Pac-manek hauetako bat irenstean, mamuek kolore urdin iluna hartzen dute eta Pac-Man-ek mamuak jateko gai da. Mamuetako bat jaterakoan, hau bere etxera itzuliko da, labirintoaren erdigunera. Une horrek denbora tartetxo bat irauten du eta ondoren berriz ere hasierako itxura hartu eta sahiestu beharreko mamu bihurtzen dira. Honako hauek dira mamuak:

  •      Blinky. Oso azkar mugitzen da, eta beti saiatuko da Pac-Man-ekin topatzen.
  •      Inky. Mantsoago ibiltzen da eta beti saiatuko da saihesten, nahiz eta bere anaiekin; Blinky eta Pinky, boteretsuagoa bihurtu eta geuregana hurbildu.
  •      Clyde. Jokoan ibiltzen direnek, tuntuna bezala hartzen dute, ez baitu interesik geure pertsonaian.
  •      Pinky. Mamuen familiako argiena da, mapako biderik motzenak hartzen baititu Blinky-rekin batera Pac-Mani bideak ixteko.

Marrazki bizidunak[aldatu | aldatu iturburu kodea]

Marrazki bizidun telesaila bat ere izan zuen, 1980ko hamarkadan ETB1en euskaraz eman zena.

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Pac-Man Aldatu lotura Wikidatan
  • PAck-Man bideojokoari buruzko webgunea (Ingelesez)
  • https://www.ecured.cu/Pac-Man[1]
  • https://historia-biografia.com/historia-de-pac-man/[2]
  • https://www.emezeta.com/articulos/los-fantasmas-de-pacman[3]
  • https://www.pixfans.com/pacman-historia-y-curiosidades/[4]
  • https://videojuegos.fandom.com/es/wiki/Pac-Man_(juego)[5]
  • (Gaztelaniaz)  «Pac-Man - EcuRed» www.ecured.cu . Noiz kontsultatua: 2019-05-18 .
  • Txantiloi:Es-CO  Biografía, Historia y (2018-02-01) «Historia de Pac-Man» Historia y biografía de . Noiz kontsultatua: 2019-05-18 .
  • (Gaztelaniaz)  «Los fantasmas de Pacman | Emezeta.COM» www.emezeta.com . Noiz kontsultatua: 2019-05-18 .
  • (Gaztelaniaz)  Jimmy (2007-05-08) «Pacman: historia y curiosidades» PixFans . Noiz kontsultatua: 2019-05-18 .
  • (Gaztelaniaz)  «Pac-Man (juego)» Wikijuegos . Noiz kontsultatua: 2019-05-18 .