RSC Anderlecht

Royal Sporting Club Anderlecht

Ezizena(k)	Sporting, Paars-wit (nl), Les Mauves et Blancs (fr)
Sorrera	1908
Futbol zelaia	Constant Vanden Stock Stadium (edukiera: 26.361 lagun)
Presidentea	Roger Vanden Stock
Entrenatzailea	Besnik Hasi
Liga	Belgikako Pro League
2015-16	2.a
Webgunea	Webgune ofiziala
Etxekoa 　 Kanpokoa

1967an Liga irabazi zuen taldea.

Constant Vanden Stock Stadiuma.

RSC Anderlecht edo Royal Sporting Club Anderlecht Belgikako futbol talde nagusia da, Anderlecht hirian egoitza daukana. Anderlecht Brusela-Hiriburua eskualdeko udalerria da. Belgikako txapelketa gehien irabazi ditu eta Europako 5 titulu ere baditu, bina Errekopa eta Superkopa eta UEFA Kopa bat.

Historia

1908an sortu bazen ere 1921 arte ez zen Belgikako lehen mailara igo. Lehenengo liga titulua 1946-47 denboraldian eskuratu zuen eta ordutik Anderlechtek beti lehenengo seien artean amaitu du liga.

Europari dagokionez lehenengo tituluak Errekopa eta Superkopa izan zituen. 1976, 1977 eta 1978an jarraian jokatu zituen Errekopako finalak eta bitan garaile atera zen. Orduan Superkokak ere eskuratu zituen.

UEFA Kopako finala 1983 eta 1984ean jokatu zituen. Lehenengoa SL Benficari irabazi zion eta bigarrena Tottenham Hotspurren aurka penaltietan galdu zuen. Urte haietan Europako Kopan ere aritu zen eta 1982 eta 1986an final aurrekoetara iritsi zen.

Palmaresa

Belgikan: 53

• Belgikako Liga (33): 1947, 1949, 1950, 1951, 1954, 1955, 1956, 1959, 1962, 1964, 1965, 1966, 1967, 1968, 1972, 1974, 1981, 1985, 1986, 1987, 1991, 1993, 1994, 1995, 2000, 2001, 2004, 2006, 2007, 2010, 2012, 2013, 2014.
• Belgikako Kopa (9): 1965, 1972, 1973, 1975, 1976, 1988, 1989, 1994, 2008.
• Belgikako Superkopa (11): 1985, 1987, 1993, 1995, 2000, 2001, 2006, 2007, 2010, 2012, 2013.
• Belgikako Ligako Kopa (1): 2000.

Nazio artean: 5

Europako Kopa

• final aurrekoak 1982 eta 1986an.

Europako Errekopa

• Txapelduna (2): 1976, 1978.
• Finalista (2): 1977, 1990.

UEFA Kopa

• Txapelduna (1): 1983.
• Finalista (1): 1984.

Europako Superkopa

• Txapelduna (2): 1976, 1978

Euskal taldeen aurkako partidak

Anderlechtek kanporaketa bakarra jokatu du euskal taldeen aurka:

Denboraldia	Txapelketa	Fasea	Etxekoa	Emaitza	Kanpokoa
2009-10	UEFA Europa League	Final hamaseirenak	Athletic Anderlecht	1-1 4-0	Anderlecht Athletic

Kanpo loturak

Wikimedia Commonsen badira fitxategi gehiago, gai hau dutenak: RSC Anderlecht

• (Nederlanderaz)(Frantsesez)(Ingelesez)(Gaztelaniaz)Anderlechten webgunea