Real Sociedad (emakumezkoen taldea)

Wikipedia, Entziklopedia askea
Jump to navigation Jump to search
Real Sociedad de Fútbol, S.A.D.
Ezizena(k) Txuri-urdinak, Erreala
Sorrera 2004 (15 urte)
Futbol zelaia Zubietako kirol-instalazioak
Presidentea Euskal Herria Jokin Aperribay
Entrenatzailea Euskal Herria Gonzalo Arconada
Liga Primera Iberdrola (Liga)
2018-19 7.a
Webgunea www.realsociedad.com
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Etxekoa
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Kanpokoa
2018-2019 denboraldiko taldekideak Anoeta estadioan.
2019-2020 denboraldiko euskal derbia Anoeta estadioan.

Real Sociedad de Fútbol (euskaraz, Reala eta Erreala izenez ezaguna) Donostiako emakumezko futbol taldea da. 2004an sortua, egun Espainiako Emakumezkoen Futbol Superligan dabil. 2019 urtean Erreginaren Kopa irabazi du.

Historia[aldatu | aldatu iturburu kodea]

Sorrera[aldatu | aldatu iturburu kodea]

Talde honen ibilbidea 2004-05 denboraldian hasi zen, Gipuzkoa mailako txapelketan, Iñigo Dominguezen gidaritzapean. Eure lehenengo denboraldian, Estatu mailara igotzea lortu zuen eta hurrengo denboraldian, orduko Superliga izeneko, Espainiako lehen mailara salto eman zuen.

Ibilbidea[aldatu | aldatu iturburu kodea]

Elitean jardun zuen lehen denboraldian, 2007/08 an, hamargarren postuan amaitu zuen eta hurrengo denboraldian, bederatzigarrenean. 2009/10 denboraldiak aldaketa ekarri zuen lehiatze-formatuan; lehenengo fasean 3. postuan sailkatuta, titulua jokatzeko aukera izan zuen. Bigarren fasean, halere, soilik Levante UDri hartu zion aurre, sailkapenean 7. postua eskuratuz.

Hurrengo denboraldian, pareko ibilbide izan zuen, lehenengo fasean Athletic Klub taldearekin puntuetara berdinduta, lehenengo postuan amaitu zuen . Bigarren fasean, berriz, 8.ean.

Harrezkero, eta beste lehiatze-sistema aldaketa baten ondoren, Realak taula erdian amaitu ditu denboraldiak. 2018/19 denboraldian, Ligan 7. postuan amaitu eta Erreginaren kopa eskuratu zuen , Granadako Los Carmenes zelai berrian, Atletico Madrilen aurka. Realak 2 eta 1 irabazi zuen eta txuri-urdinen golak Kiana Palacios eta Nahikari Garciak egin zituzten.

2019-20 denboraldia hasi berritan, bosgarren jardunaldian, euskal derbia jokatu zen Anoetan eta 28.367 ikuslek bete zuten estadioa. Athletic 0-2 emaitzaz nagusitu zen.

Emaitzak[aldatu | aldatu iturburu kodea]

Denboraldia Maila Postua Erreginaren Kopa
2005-06 Bigarren Maila
(1. taldea)
1.a
2006-07 Superliga 9.a
2007-08 Superliga 10.a
2008-09 Superliga 10.a
2009-10 Superliga 7.a 1.erronda
2010-11 Superliga 8.a Final-aurrekoak
2011-12 Lehen maila 7.a
2012-13 Lehen maila 10.a
2013-14 Lehen maila 7.a Final laurdenak
2014-15 Lehen maila 11.a
2015-16 Lehen maila 5.a
2016-17 Lehen maila 8.a Final laurdenak
2017-18 Lehen maila 7.a Final laurdenak
2018-19 Primera Iberdrola 7.a Txapelduna

Jokalarien zerrenda 2013-2014[aldatu | aldatu iturburu kodea]

Zkia. Jokalaria Posizioa
Jokalarien zerrenda
1 Cris Atezaina
13 Sokoa Atezaina
2 Nerea Atzelaria
3 Ainhoa Atzelaria
4 Ane Atzelaria
5 Ainara Atzelaria
7 Esti Atzelaria
9 Sandra Atzelaria
6 Gaste Erdilaria
8 Itxaso Erdilaria
10 Herrero Erdilaria
14 Leire Erdilaria
16 Idoia Erdilaria
17 Uxue Erdilaria
18 Marina Erdilaria
19 Lizaso Erdilaria
21 Beristain Erdilaria
12 Nahikari Aurrelaria
11 Eguskiñe Aurrelaria
15 Zelaia Aurrelaria
20 Aintzane Aurrelaria

Entrenatzaileen zerrenda[aldatu | aldatu iturburu kodea]

Palmaresa[aldatu | aldatu iturburu kodea]

  • Euskal Herriko Kopa:
    • Txapelduna (2): 2012, 2019.
    • Txapeldunordea (7): 2011, 2013, 2014, 2015, 2016, 2017 eta 2018.

Estadioa[aldatu | aldatu iturburu kodea]

2019ko urriaren 13an 28.367 ikusle bildu ziren Anoeta estadioan.

Realeko emakumezkoen lehen taldea Zubietako kirol-instalazioetan kokatutako Z7 izeneko zelaian aritzen da eta bertan 2.500 ikuslerentzako lekua dago. 2005. urtean, Zubietako instalazio berrien estreinaldian, Realak Lyoneko Olympique taldearen aurkako lagunartekoa jokatu zuen.

2008an, Realaren historian lehendabiziz antolatu zen emakumezkoen futbol-partida ofiziala Anoeta zelaian. Norgehiagokara 21.500 jarraitzaile gerturatu ziren. Jardunaldi hartan , Realak 4 eta 1 galdu zuen Athletic Clubaren aurka. Txuri-urdinen gola “Chini” Pizarro jokalari madrildarrak lortu zuen, Realaren historian, Anoetan gola sartu duen emakumezkoen lehen jokalari bilakatuz. Porrot egin arren, 2018/19 denboraldiko Erreginaren koparako sailkapena lortu zuen. 2019-2020 denboraldian euskal derbia Anoeta estadioan jokatu zen berriz eta 28.367 ikusle bildu ziren.

Instalazioak[aldatu | aldatu iturburu kodea]

Realeko gainontzeko taldeak ez ezik, emakumezkoen taldeak ere Zubietako kirol-instalazioetan egiten ditu bere entrenamenduak. 70.000m2ko eremua da eta 7 zelaiz osatuta dago: 4 belar naturalekoak dira eta 3 sintetikoak.

Ereserkia[aldatu | aldatu iturburu kodea]

2018/2019. Denboraldian, Realeko zuzendaritzak, ereserkia aldatzea erabaki zuen, integratzaileagoa izateko, eta Realeko neska taldeak bertan ere berea egiteko. Hori dela eta, “aurrera mutilak” esaldiaren ordez “aurrera Reala” ezartzea erabaki zen. Ereserkian egindako aldaketak eztabaida sortu zuen Realeko jarraitzaileen artean, ez hainbeste letran egindako aldaketarengatik, baizik eta ereserkia “a capella” bertsioaren erritmo faltagatik. Ondorioz, denboraldia amaitzear zegoela, berriz ere ereserkiaren erritmoan aldaketa egin behar izan zen , aurrez egindako letra inklusiboa mantenduz.

Kanpo estekak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Real Sociedad (emakumezkoen taldea)