Turkiako futbol liga (turkierazSüper Lig) Turkian jokatzen den futbol txapelketa nagusia da. 1959an sortu zen eta Istanbuleko taldeek irabazi dituzte ia ekitaldi denak, batez ere Galatasarayk (21 garaipen) eta Fenerbahçek (19).
Ingelesek ekarri zuten futbola XIX mendearen bukaeran eta 1904rako Istanbuleko liga eratua zen. 20. hamarkadan beste hainbat hiritako ligak sortu ziren eta 1937an Milli Küme izenarekin hirien arteko txapelketa hasi zen. 1956-57an Turkiako Federazio Kopa sortu zen Europako Koparako ordezkari bat bilatzeko. Beşiktaşek irabazi zuen, bai eta hurrengo urtean ere. 1959an gaur egungo liga eratu zen.