Vicente Ferrer i Moncho

Vicente Ferrer i Moncho
Bizitza
Jaiotza	Bartzelona, 1920ko apirilaren 9a
Herrialdea	Espainia ; Britainiar Raj 1947ko abuztuaren 14a); Indiako Agindupeko Lurra (1947ko abuztuaren 15a - 1950eko urtarrilaren 26a); India (1950eko urtarrilaren 26a -
Heriotza	Ananthapuram (en) , 2009ko ekainaren 19a (89 urte)
Familia
Ezkontidea(k)	Anna Ferrer (1970eko apirila -
Hezkuntza
Hizkuntzak	katalana
Jarduerak
Jarduerak	misiolaria, filantropoa eta enpresaburua
Jasotako sariak	ikusi Catalan of the year Award (2008) ; Elkartasunaren Asturiasko Printzesa sari (2007) ; Meritu Zibileko Ordenaren Gurutze Handia (2009) ; honorary doctorate of the Polytechnic University of Valencia (2000) ; Honorary doctor of the University of Huelva (2001) ; Gran Cruz de la Orden Civil de la Solidaridad Social (2002) ; Elkartasunaren Asturiasko Printzesa sari (1998) ; Sant Jordiren gurutzea (1999) ;
Zerbitzu militarra
Parte hartutako gatazkak	Espainiako Gerra Zibila
Sinesmenak eta ideologia
Erlijioa	katolizismoa
Erlijio-ordena	Jesusen Konpainia

Artikulu hau Vicente Ferrer kooperanteari buruzkoa da; beste esanahietarako, ikus «Vicente Ferrer».

Vicente Ferrer i Moncho edo Vicenç Ferrer (Bartzelona, Katalunia 1920ko apirilaren 9a - Anantapur, Andhra Pradesh, India, 2009ko ekainaren 19a) filantropo kataluniarra zen, txirotasunean bizi zirenak laguntzen konprometitua.

Biografia

Haurtzaroa eta gaztaroa

Gaztetan Batasun Marxistaren Langileen Alderdira afiliatu zen. 16 urte baino ez zituenean Espainiako Gerra Zibilean borrokatzera deitua izan zen. 1938ko Ebroko Batailan eta tropa errepublikarren Frantziarako atzera-egitean parte hartu zuen. Argelès-sur-Merreko kontzentrazio esparruan sartu zuten denbora laburrean. Deliturik egin ez zuenez Espainiara itzultzea erabaki zuen. Frantziako autoritateek frankisten esku utzi zuten Hendaian eta hauek Betanzosko kontzentrazio esparruan sartu zuten. Gerra amaitu ondoren eta aske zegoela, soldadutza egitera behartua izan zen.

1944an, Zuzenbide ikasketak utzi eta Jesusen Lagundian sartzea erabaki zuen.

Misiolaritza

1952an Indiara joan zen misiolari, baina herrialdetik bota egin zuten. 1969an Indira Gandhik Indiara itzultzeko eskatu zionean Anantapurrera joan zen eta bertan geratu zen hil zen unera arte.

1970ean Jesusen Lagundia utzi egin zuen Anne Perry kazetari ingelesarekin ezkontzeko, (ezkondu eta gero, Anna Ferrer izena hartuko zuen), eta Rural Development Trust (RDT, Landa-eremuen Garapenerako Funtsa) erakundea sortu zuen. Hiru seme-alaba zituen. Indiako nekazarien sinpatia irabazi zuen, baina ez buruzagi-klase, politikari-klase eta ekonomia-klaseen artean, Vicenteren lana euren interesetarako mehatxagarria ikusten zutelako. Hala ere Indira Gandhiren babesa eta laguntza jaso zuen eta bere proiektuekin aurrera jarraitu ahal izan zuen.

1996an bere izena daraman Vicente Ferrer Fundazioa abian jarri zuen eta honen bitartez ekintza guztiak zuzentzen zituen, batez ere Anantapurreko klase txiroei zuzendutakoak. Fundazioarekin, besteak beste, hiru ospitale, HiESaren ospitale bat, jaiotze-kontrol zentro bat, 14 baserri-klinika, 1.696 eskola, 30.000 etxebizitza inguru eraiki eta 2,7 milioi zuhaitz landatu zituen, pertsona askori laguntza garrantzitsua eskainiz.

2009ko martxoaren 20an ospitaleratu zuten Anantapurreko ospitalean (Andhra Pradesh estatuan) garun-istripu baskular baten ondorioz. Hiru hilabete geroago zendu zen arnas arazoen ondorioz.

Sariak

1998ko Adiskidetasunaren Asturiasko Printzea Saria.
2000ko Sant Jordiren Gurutzea Saria Kataluniako Generalitatearen eskutik.
2002ko Elkartasun Sozialaren Ordena Zibilaren Gurutze Handia Espainiako Lan eta Gizarte Gaietarako Ministerioaren eskutik.
2008ko Urteko Kataluniarra, El Periódico de Catalunyak ematen duen saria.
2009ko Meritu Zibileko Ordenaren Gurutze Handia Espainiako Gobernuaren eskutik.

Ikus, gainera

Kanpo estekak

(Gaztelaniaz) (Ingelesez) Vicente Ferrer fundazioa

Datuak: Q2720160