Zora Neale Hurston

Wikipedia, Entziklopedia askea
Jump to navigation Jump to search
Zora Neale Hurston
Hurston-Zora-Neale-LOC.jpg
Bizitza
Jaiotza Notasulga (Alabama)1891ko urtarrilaren  7a
Herrialdea  Ameriketako Estatu Batuak
Talde etnikoa afro-amerikarra
Heriotza Fort Pierce (Florida)1960ko urtarrilaren  28a (69 urte)
Heriotza modua berezko heriotza: istripu zerebrobaskularra
Hezkuntza
Heziketa Howard University Itzuli associate degree Itzuli
Columbiako Unibertsitatea
Barnard College
(1925 - 1928) Artean graduatu : antropologia
Hizkuntzak ingelesa
Jarduerak
Jarduerak antropologoa, historialaria, eleberrigilea, idazlea, kazetaria eta folklorista
Lan nabarmenak Their Eyes Were Watching God Itzuli
Jasotako sariak
Influentziak Fannie Hurst Itzuli, Franz Boas eta Ruth Benedict
Mugimendua Harlemgo Pizkundea
Sinesmenak eta ideologia
Alderdi politikoa Ameriketako Estatu Batuetako Alderdi Errepublikanoa
IMDb nm0403678
www.zoranealehurston.com/index.html
Zora Neale Hurston signature.svg

Zora Neale Hurston (1891ko urtarrilaren 7a - 1960ko urtarrilaren 28a) antropologa eta idazle folklorista estatubatuar bat izan zen, Harlemgo Pizkundeko pertsonaia garrantzisua izan zen. Gaur egun bere literatur lana aitortua den arren, ez zen hala izan Zora bizirik zegoen bitartean eta, horregatik, pobrezian hil zen. Bere lanik ezagunena Their Eyes Were Watching God.

Bizitza[aldatu | aldatu iturburu kodea]

Urte askotan zehar uste izan da Hurston Floridako Eatonvillen jaio zela, afro-amerikar ugari bizi ziren leku batean. Inguru honek eragin nabarmena izan zuen bere idazteko moduan, bereziki bere ahozko tradizioagatik, eta bertako ipuin kontalarien orijinaltasun eta bapatekotasunagatik. 1990ean zine zuzendari batek adierazi zuen Hurston Alabamako Notasulgan jaio zela benetan eta hiru urte zituenean lekualdatu zela Eatonvillera. Dena den, ez dago datu nahikorik hau horrela zela erabateko ziurtasunez baieztatzeko.

Zora Neale Hurson zortzi anai-arreben artean seigarrena zen, John Hurston eta Lucy Ann Potts Hurston ziren gurasoak. Bere aiton-amona guztiak esklabutzan jaioak ziren. Aita predikatzaile baptista eta maizterra zen, beranduago arotz bihurtu zen eta Eatonvilleko alkate izatera ere iritsi zen. Bere amari buruz ez dago datu askorik, eskola irakasle zela soilik eta Hurstonek 13 urte zituenean hil zela. Bere presentzia etengabekoa da Hurstonen obretan, tradizio eta folklorismoari lotutako guztian.