1988ko Espainiako Itzulia

1987 << 1988ko Espainiako Itzulia >> 1989
Sailkapenak	20 etapa + sarrerakoa, 3.440 km
Nagusia	Irlanda Sean Kelly 89h 19' 23"
Puntukakoa	Irlanda Sean Kelly 248 p.
Mendikoa	Espainia Álvaro Pino 100 p.
Taldekakoa	Euskadi BH 267h 55' 05"

1988ko Espainiako Itzulia (Itzuli Handi honen 43. edizioa izan zen. 1988ko apirilak 25 eta maiatzak 15 artean ospatu zen, sarrerako batean eta hogei etapatan banatutako 3440 kilometroko ibilbidea eginez, Santa Cruz de Tenerifen hasi eta Madrilen amaituz.

180 txirrindularik parte hartu zuten 18 taldetan banatuta, proba 116k amaitu zutelarik.

Garailea Sean Kelly irlandarra izan zen, eta proba, batez beste, 38,506 kilometro orduko abiaduran bete zuen.

Sean Kelly zen faborito nagusia edizio hau irabazteko, 1987ko Espainiako Itzulian izan zuen zorte txarraren ondoren, Lucho Herrera kolonbiarrak bere garaipena defendatzen zuen bitartean. Norbait garrantzitsua falta bazen, hori Pedro Delgado zen, Vueltaren ordez Italiako Giroan parte hartzea erabaki zuena, Frantziako Tourrerako prestakuntza bezala. Javier Mínguezek zuzendutako BH taldeak, txirrindulari onek osatutako talde sendo bat zuen, Álvaro Pino eta Anselmo Fuerte bezalako txirrindulariak nabarmenduz.

Lehen etapan, Laudelino Cubinok, Iñaki Gastonek eta Jokin Mujikak osatutako ihesaldi bat sortu zen, pelotoiari abantaila handia ateraz helmugara iritsi zirenak, Cubino horiz jantziz.

Tenerifeko ibilbidean zehar errepidean txintxetak eta iltzeak jarri zirela nabarmendu behar da.

BH taldeko bejartarrak nabarmen handituko zuen sailkapen nagusian zuen abantaila hurrengo egunean, taldekako erlojupekoa ospatu ondoren, bere taldeak irabazi zuena. Egun horretan, gertaerarik garrantzitsuena Sean Kelly taldeburu zuen KAS taldeak galdu zuen denbora izan zen, minutu bat baino gehiago izan zena.

Itzulia iparralderantz zihoan heinean, Caja Rural taldeko herbeheretarra zen Mathieu Hermansek bere abiadura argi erakutsi zion pelotoiari. Itzulian zehar sei etapa irabazi zituen. Aldi berean haizeak, abanikoek eta mozketek kalte handia eragiten zuten pelotoian, eta berehalako batean garaipenerako aukerarik gabe utzi zituzten Álvaro Pino, Julian Gorospe eta Lucho Herrera bezalako txirrindulariak.

Kantauriar mendikatean igo ziren itzuliko lehen mendateak. Lehen etapa serioan zehar, Valgrande-Pajares eski estazioan amaitu zena, El Brañillín izeneko urbanizazioan, La Cobertoria eta Pajares mendateak igo ziren. Álvaro Pino izan zen erasoa jotzen lehenetako bat, Luis Herrera kolonbiarrarekin batera, beste batzuen artean. Alabaina, galiziarrak bere iheskideak gainetik kentzea lortu zuen, etapa garaipena lortuz. Laudelino Cubino bejartar gazteak ez zuen soilik etapan zehar aguantatzea lortu, baizik eta helmugan, Ángel Arroyo, Anselmo Fuerte eta Fabio Parrarekin batera, Sean Kellyri minutu erdi eta Dietzeni ia minutu bat atera zietela. Hurrengo egunean Naranco mendiara kronoigoera bat ospatu zen. Álvaro Pinok, bere forma egoera bikaina erakutsiz, bere bigarren etapa jarraian irabazi zuen. Cubinok, bere aldetik, erlojupeko ona egin zuen, Kelly irlandarra ondo kontrolatuz.

Hurrengo mendiko etapak, Valdezcarayn amaitzen zena, ez zuen diferentziarik handitu txirrindularirik garrantzitsuenen artean. Alabaina, Pirinioetako lehen etapan bai egongo ziren diferentziak, Cerlerren amaitu zena. Etapa horretan garaipena Fabio Parrak lortu zuen, helmugara Anselmo Fuerterekin batera iritsi zena, hau sailkapeneko bigarren jarri zelarik, bere taldekidea zen Álvaro Pinogandik hiru segundora, honek, egun horretan lidertza mantentzeko asko sufritu behar izan zuelarik. Kelly hirugarren jarri zen, bejartarragandik minutu erdi ingurura.

Cubinok maillot horia 16. etapan galdu zuen, Albaceten amaitu zena, bere taldekidea zen Anselmo Fuerte lider berri bihurtuz. Alabaina, oraindik beste etapa garrantzitsu bat falta zen, 30 kilometroko erlojupeko bat Madril kanpoaldean. Aurreko edizioan bezala, Sean Kelly zen faborito nagusia, erlojupekoa bere espezialitaterik gogokoena baitzen.

Sean Kellyk ez zuen hutsi egin, eta nabarmen irabazi zuen erlojupekoa. Oraingoan, irlandarrari ez zitzaion ezer gertatuko, hala, zenbait urtetan porrotak jasan ondoren, Espainiako Vuelta irabaztea lortuz. Reimund Dietzen, erlojupekoaren ondoren, Anselmo Fuertegandik segundo gutxira geratu zen sailkapen nagusian, azkenean hau gaindituz azken etapako bonifikazioei esker eta itzulia bigarren amaituz, Anselmo Fuerte hirugarren izan zen bitartean. Hirurek osatu zuten podiuma urte horretan. Laudelino Cubinok, 1988ko Vueltako sorpresa atsegina izan zena, laugarren amaitu zuen.

Etapak

Etapa	Data	Ibilbidea	Kilometroak	Garailea	Liderra
Sarrerakoa	apirilak 25	Santa Cruz de Tenerife	17,4	Italia Ettore Pastorelli	Italia Ettore Pastorelli
1.a	apirilak 26	S. Cristobal de la Laguna-Sta. Cruz de Tenerife	210	Euskadi Iñaki Gastón	Espainia Laudelino Cubino
2.a	apirilak 27	Telde - Las Palmas de Gran Canaria	34 (taldekako erlojupekoa)	Espainia BH	Espainia Laudelino Cubino
3.a	apirilak 28	Alcalá del Río-Badajoz	210	Herbehereak Mathieu Hermans	Espainia Laudelino Cubino
4.a	apirilak 29	Badajoz-Béjar	234	Espainia Francisco Navarro	Espainia Laudelino Cubino
5.a	apirilak 30	Béjar-Valladolid	202	Herbehereak Mathieu Hermans	Espainia Laudelino Cubino
6.a	maiatzak 1	Valladolid-Leon	160	Herbehereak Mathieu Hermans	Espainia Laudelino Cubino
7.a	maiatzak 2	Leon-Brañillín	176,7	Espainia Álvaro Pino	Espainia Laudelino Cubino
8.a	maiatzak 3	Oviedo-Naranco mendia	6,8 (banakako erlojupekoa)	Espainia Álvaro Pino	Espainia Laudelino Cubino
9.a	maiatzak 4	Oviedo-Santander	197,3	Herbehereak Mathieu Hermans	Espainia Laudelino Cubino
10.a	maiatzak 5	Santander-Valdezcaray	217,2	Irlanda Sean Kelly	Espainia Laudelino Cubino
11.a	maiatzak 6	Logroño-Jaca	197,5	Erresuma Batua Sean Yates	Espainia Laudelino Cubino
12.a	maiatzak 7	Jaca-Cerler	178,2	Kolonbia Fabio Parra	Espainia Laudelino Cubino
13.a	maiatzak 8	Benasque-Andorra	190,3	Euskadi Iñaki Gastón	Espainia Laudelino Cubino
14.a	maiatzak 9	Seo de Urgel-San Quirico de Tarrasa	166	Danimarka Johnny Weltz	Espainia Laudelino Cubino
15.a	maiatzak 10	Valentzia-Albacete	192	Herbehereak Mathieu Hermans	Espainia Anselmo Fuerte
16.a	maiatzak 11	Albacete-Toledo	244,4	Erresuma Batua Malcolm Elliott	Espainia Anselmo Fuerte
17.a	maiatzak 12	Toledo-Ávila	212,5	Espainia Juan Martínez Oliver	Espainia Anselmo Fuerte
18.a	maiatzak 13	Ávila-Palazuelos de Eresma (Destilerías Dyc)	150	Espainia Ángel Ocaña	Espainia Anselmo Fuerte
19.a	maiatzak 14	Las Rozas-Collado Villalba	30 (banakako erlojupekoa)	Irlanda Sean Kelly	Irlanda Sean Kelly
20.a	maiatzak 15	Collado Villalba-Madrid	202	Herbehereak Mathieu Hermans	Irlanda Sean Kelly

Taldeak

Taldea	Taldeko liderra
Café de Colombia	Luis Herrera
Alba Cucine	Stefano Colage
BH	Álvaro Pino
Bose Fagor	Robert Millar
Caja Rural	Marino Lejarreta
Carrera	Claudio Chiappucci
CLAS	Casimiro Moreda
Helios - CR	Miguel Ángel Iglesias
Kas-Canal 10	Sean Kelly

Taldea	Taldeko liderra
Kelme	Fabio Parra
Pony Malta	Reynel Montoya
Reynolds	Julian Gorospe
Ryalcao Postobon	Óscar de Jesús Vargas
Sigma - Dormilón	Wilfried Peeters
Seur	Javier Castellar
Sicasal	Paulo Pinto
Teka	Reimund Dietzen
Zahor	Juan Fernández

Sailkapenak

Zortzi sailkapen jokatu ziren eta honakoak izan ziren emaitzak:

Clasificación general

1.	Sean Kelly	Irlanda	KAS	89h 19' 23"
2.	Reimund Dietzen	Alemania	TEK	+ 1' 27"
3.	Anselmo Fuerte	Espainia	BH	+ 1' 29"
4.	Laudelino Cubino	Espainia	BH	+ 2' 17"
5.	Fabio Parra	Kolonbia	KEL	+ 2' 25"
6.	Robert Millar	Erresuma Batua	FAG	+ 3' 22"
7.	Jesús Blanco Villar	Espainia	TEK	+ 8' 19"
8.	Álvaro Pino	Espainia	BH	+ 8' 25"
9.	Eddy Schepers	Belgika	FAG	+ 9' 45"
10.	Roberto Córdoba	Espainia	BH	+ 10' 28"