2005eko Bertsolari Txapelketa Nagusia

**2005eko Bertsolari Txapelketa Nagusia**
Antolatzailea	Euskal Herriko Bertsozale Elkartea
Finala	Bilbao Exhibition Centre (2005eko abenduaren 18an)
Txapelduna	Andoni Egaña
Txapeldun ordea	Unai Iturriaga

2005eko Bertsolari Txapelketa Nagusia urriaren 9 eta abenduaren 18 bitartean ospatu zen. Bertsolari Txapelketa Nagusiaren XIV. edizioa izan zen eta bertan, Euskal Herriko 38 bertsolarik hartu zuten parte. XIV. txapelketaren leloa "Pasa Hitza" izan zen. Txapelketak guztira 12 saio izan zituen, horien artean 5 final-laurden, 6 finalaurreko eta finala. Finala abenduaren 18an jokatu zen Barakaldoko Bilbao Exhibition Centren eta Andoni Egañak irabazi zuen, bere laugarren txapela lortuz.

Parte-hartzaileak

Guztira 38 bertsolarik, 9 epailek eta 8 gai-jartzailek hartu zuten parte.

Bertsolariak

Gai-jartzaileak

Epaileak

Saioak

Final-laurdenak

Final-laurdenetan 30 bertsolari aritu ziren lehian, guztiak herrialdekako txapelketetan sailkatuak. Bost final-laurden egon ziren eta 6 bertsolari saio bakoitzeko. Puntu gehien batu zituzten bertsolariak finalaurrekoetarako sailkatu ziren.

Lekunberri

Lekunberrikoko final-laurdena Plazaola kiroldegian izan zen, 2005eko urriaren 9ko 17:00etan. Mikel Tabernak aurkeztu zuen saioa.

Bertsolaria	Puntuak
Amaia Agirre	688.5
Xabier Silveira	668.5
Bixente Gorostidi	664
Estitxu Eizagirre	651.5
Igor Muniategi	622.5
Joxe Juan Zubieta "Portu"	619.5

Idiazabal

Idiazabalgo final-laurdena Igarondo pilotalekuan izan zen, 2005eko urriaren 15eko 18:00etan. Jon Zalduak aurkeztu zuen saioa.

Bertsolaria	Puntuak
Etxahun Lekue	706.5
Ekaitz Goikoetxea	703
Iñaki Gurrutxaga	672.02
Iker Zubeldia	672.01
Iñigo Izagirre	643.5
Asier Otamendi	641.5

Zornotza

Zornotzako final-laurdena Zelaieta zentroan izan zen, 2005eko urriaren 16ko 17:00etan. Zuriñe Iarrituk aurkeztu zuen saioa.

Bertsolaria	Puntuak
Jon Martin	712.5
Xabier Paya	690
Iratxe Ibarra	669.5
Miren Artetxe	659
Oihane Enbeita	635
Oihane Perea	613.5

Uztaritze

Uztaritzeko final-laurdena Kiroleta pilotalekuan izan zen, 2005eko urriaren 22ko 17:00etan. Alaitz Rekondok aurkeztu zuen saioa.

Bertsolaria	Puntuak
Amets Arzallus	708
Fredi Paia	681
Iñigo Manzisidor “Mantxi”	677.5
Jokin Uranga	676.5
Onintza Enbeita	662
Julen Zelaieta	643

Arrasate

Arrasateko final-laurdena Amaia antzokian izan zen, 2005eko urriaren 23ko 17:30etan. Unai Elizasuk aurkeztu zuen saioa.

Bertsolaria	Puntuak
Aitor Sarriegi	698
Arkaitz Goikoetxea	678.5
Arkaitz Estiballes	673.5
Iñaki Zelaia	658
Estitxu Arozena	654.5
Nahikari Gabilondo	643

Finalaurrekoak

Finalaurrekoetan 18 bertsolari aritu ziren lehian, final-aurrekoetatik sailkatutako 12 bertsolari eta eta 2001eko Bertsolari Txapelketa Nagusiko sei finalista. Finalaurrekoek bi txanda edo itzuli zituzten. Txanda bakoitzak hiruna saio zituen eta saio bakoitzeko sei bertsolarik hartu Zuten parte.

Bi itzulietako puntuak batu ondoren, puntu gehien zituzten zazpi bertsolariak sailkatzen ziren finalerako.

Lehen txanda

Hendaia

Hendaiako saioa lehen finalaurrekoa izan zen. 2005eko azaroaren 6ko 17:00etan ospatu zen Beltzenia pilotalekuan. 6 bertsolarik hartu zuten parte. Saroi Jauregik aurkeztu zuen saioa.

Bertsolaria	Puntuak
Unai Iturriaga	730
Fredi Paia	725.5
Jesus Mari Irazu	725
Jokin Uranga	723
Amaia Agirre	710.5
Jon Martin	692

Markina-Xemein

Markina-Xemeingo saioa bigarren finalaurrekoa izan zen. 2005eko azaroaren 12ko 18:00etan ospatu zen Udal pilotalekuan. 6 bertsolarik hartu zuten parte. Bernardo Mandalunizek aurkeztu zuen saioa.

Bertsolaria	Puntuak
Amets Arzallus	778
Jon Maia	741
Igor Elortza	733.5
Xabier Paya	722
Aitor Sarriegi	718
Arkaitz Estiballes	699

Gasteiz

Gasteizko saioa hirugarren finalaurrekoa izan zen. 2005eko azaroaren 13ko 17:00etan jokatu zen, Mendizorrotzeko pabilioian. Sei bertsolarik hartu zuten parte. Naroa Sasietak aurkeztu zuen saioa.

Bertsolaria	Puntuak
Aitor Mendiluze	742.5
Sustrai Colina	730
Arkaitz Goikoetxea	723.5
Etxahun Lekue	709.5
Ekaitz Goikoetxea	702
Iñigo Manzisidor “Mantxi”	644.5

Bigarren txanda

Zumarraga-Urretxu

Zumarraga-Urretxuko saioa laugarren finalaurrekoa izan zen. 2005eko azaroaren 26ko 18:00etan ospatu zen Ederrena pilotalekuan. 6 bertsolarik hartu zuten parte. Saroi Jauregik aurkeztu zuen saioa.

Bertsolaria	Puntuak
Aitor Mendiluze	742.5
Jesus Mari Irazu	725
Xabier Paya	722
Amaia Agirre	710.5
Arkaitz Estiballes	699
Jon Martin	692

Bera

Berako saioa bosgarren finalaurrekoa izan zen. 2005eko azaroaren 27ko 17:00etan ospatu zen Eztegara pilotalekuan. 6 bertsolarik hartu zuten parte. Zuriñe Iarrituk aurkeztu zuen saioa.

Bertsolaria	Puntuak
Amets Arzallus	778
Jon Maia	741
Sustrai Colina	730
Fredi Paia	725.5
Etxahun Lekue	709.5
Iñigo Manzisidor “Mantxi”	644.5

Donostia

Donostiako saioa seigarren finalaurrekoa izan zen. 2005eko abenduaren 4ko 17:00etan ospatu zen Atano III.a pilotalekuan. 6 bertsolarik hartu zuten parte. Saroi Jauregik aurkeztu zuen saioa.

Bertsolaria	Puntuak
Igor Elortza	733.5
Unai Iturriaga	730
Arkaitz Goikoetxea	723.5
Jokin Uranga	723
Aitor Sarriegi	718
Ekaitz Goikoetxea	702

Finala

Finalean zortzi bertsolari aritu ziren, 2001eko txapelduna zen Andoni Egaña eta finalaurrekoetatik puntuazioz sailkatutako lehenengo zazpiak. Finala hiru saiotan banatu zen. Goizean eta arratsaldean zortziak lehiatu ziren eta ondoren, puntu gehien batu zituzten bi bertsolarien arteko buruz burukoa egin zen. Azkenik, egun osoan puntu gehien lortu zituen bertsolariak irabazi zuen.

Barakaldo (Bilbao Exhibition Centre)

Finala 2005eko abenduaren 18an ospatu zen, Barakaldon, Bilbao Exhibition Centren. Goizeko saioa 11:00etan izan zen, arratsaldekoa berriz, 16:30etan. Finalean zortzi bertsolarik hartu zuten parte, horien artean Andoni Egaña, 2001eko Bertsolari Txapelketa Nagusiaren txapelduna zenez, zuzenean sailkatua zegoen. Andoni Egañak irabazi zuen, bere laugarren txapela lortuz.

Bertsolaria	Puntuak
Andoni Egaña	1796.5
Unai Iturriaga	1746
Amets Arzallus	1206.5
Maialen Lujanbio	1206.5
Igor Elortza	1174
Sustrai Colina	1171.5
Aitor Mendiluze	1156.01
Jon Maia	1156

Kanpo loturak

2005eko Bertsolari Txapelketa Nagusiari buruzko informazioa: Bertsozale Elkartea