Ferdinand Foch

Wikipedia(e)tik
Hona jo: nabigazioa, Bilatu
Ferdinand Foch
Ferdinand Foch
Ferdinand Foch mariskalaren 1920ko irudia.
Datu pertsonalak
Izen osoa Ferdinand Foch
Jaio 1851ko urriaren 2a
Frantzia Tarbe, Pirinio Garaiak, Okzitania (Frantzia)
Hil 1929ko martxoaren 20a
(77 urte)
Frantzia Paris (Frantzia)

Ferdinand Foch (1851ko urriaren 2a, Tarbe, Okzitania - 1929ko martxoaren 20a, Paris) frantziar militar bat izan zen. Berez, Frantziako Mariskal Nagusia izan zen.

Lehen Mundu Gerran zehar Aliatuen goi buruzagi nagusia ere izan zen. Versaillesko Ituna sinatu zenean aurrerago egi bilakatuko ziren hitz hauek aipatu zituen: "Hau ez da bake itun bat, hogei urteko armistizio bat besterik ez da".[1]

Biografia[aldatu | aldatu iturburu kodea]

Jesuitekin egin zituen lehen ikasketak; Politeknikoan sartu zen (1871) eta 1877an kapitain egin zen. École de Guerre-n sakondu zituen ikasketak (1884), eta ondoren komandante graduz irakasle (1896) eta brigadier jeneral gisa zuzendari (1907) izan zen bertan. Lehen Mundu Gerra hasi zenean, Joffrerekin batera, Paris hartzera zihoan alemaniar gudarostea Marnen geldiarazi zuen. Ypresen, Mantxako itsasarteko portuak salbatu zituzten oste ingeles-frantsesen gidari izan zen, eta 1916an Sommeko gatazkan eragin handia izan zuen. Gudarosteko estatu nagusiko buru izan zen Pétainen ordez (1917); 1918an aliatuen Jeneral Nagusi izendatu zuten; alemaniarren udaberriko erasoa geldiarazi zuen, eta alemaniarrak mendebaleko frontetik atzeraraziz, bakea izenpetzeko bidea eman zuen (1918ko azaroaren 11).

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

  1.   Henig, Ruth (1995), Versailles and After, 1919-33, Routledge, 52. orrialdea .
Commonsen badira fitxategi gehiago, gai hau dutenak: Ferdinand Foch Aldatu lotura Wikidatan