Genoma mitokondrial

Wikipedia(e)tik
Hona jo: nabigazioa, Bilatu
ADN mitokondrialaren irudikapena giza gaixotasun batzuetan kaltetutako loziak erakusten.

Genoma mitokondriala, ADN mitokondriala bezala ere ezaguna, zelularentzako energia sortzen duten organuluak diren mitokondrien material genetikoa da. ADN mitokondriala bere kabuz ugaltzen da erdi-autonomoki zelula eukariotoa zatitzen denean. ADN mitokondriala Margit M. K. Nassek eta Sylvan Nassek aurkitu zuten mikroskopio elektroniko eta ADN mitokondrialarekiko sentikorra zen markagailu bat erabiliz. Ebolutiboki, ADN mitokondrialak bere jatorria bakterioenak ziren genoma zirkularretan du, zelula eukarioten antzinako arbaso batek bere barnean hartu zituenak.

Ezaugarriak[aldatu | aldatu iturburu kodea]

ADN hau, ADN bakterianoak bezala, kate bikoitzeko molekula bat da, zirkularra, itxia, muturrik gabea (kromosoma mitokondriala). Gizakietan 16.569 base pareko tamaina du, gene kopuru txiki bat duelarik, H katea (heavytik, astuna ingelesez) eta L katearen (lightetik, arina ingelesez) artean banatuta, euren dentsitate ezberdinaren ondorioz Zesio klorurozko gradientean zentrifugatuak direnean. Bertan 2 ARN erribosomiko, 22 transferentziazko ARN eta fosforilazio oxidatiboan parte hartzen duten 13 proteina daude kodifikatuta. Gene mitokondrial hauek honakoak dira:

  • ARNtzko geneak
  • ARNrzko geneak
  • ARNmzko geneak, zenbait proteinentzat eta erribosomentzat kodifikatuz, plaketak, globulu zuriak; area, axiliak.