Hurling

Sliotar (pilota) eta hurley (makila)

Áth an Mhuileann v. Tobar Phádraig, Limerick, 28/8/2004

Hurling (irlanderaz iomáint edo iománaíocht) zeltiar jatorriko kirola da. Elkarte Gaeliko Atletikoak arautzen ditu bere arauak (irlanderaz, "Cumann Lúthchleas Gael" eta ingelesez "Gaelic Athletic Association"). Makilez jokatzen da (irlanderaz camáin), makil hauen bitartez pilota bat jotzen delarik (irlanderaz, sliotar). Jokoa nagusiki Irlandan jokatzen da eta Eskozian jokatzen den shinty kirolaren antzekoa da. Emakumeek jokatzen duten pareko jokoa ere bada, hau camogie izenez ezagutzen delarik.

Irlandan kirol honen emakumezkoentzako bertsioa ere jokatu ohi da, camogie delakoa.

Lehiaketa nagusiak [aldatu]

Sakontzeko, irakurri: All-Ireland Senior Hurling Championship

All-Ireland Championship: Hurling lehiaketa nagusia da, bertan Irlandako Errepublika eta Ipar Irlandako konderri ezberdinak lehiatzen direlarik, bai eta Londresko (Erresuma Batua) eta New Yorkeko (AEB) taldeek; txapelketaren finala Dublingo Croke Park zelaian ospatzen delarik. Txapelketa gehien irabazi dituena Kilkenny GAA taldea izan da, bere nagusitasuna azken hamarkadan izugarria izan delarik.

National Hurling League: Talde berek hartzen parte hartzen duten liga da baina ez dauka halako prestigiorik eta gehienek All-Ireland txapelketarako prestakuntza gisa hartzen dute lehiaketa hau.

Jakingarri [aldatu]

Argentinako irlandar komunitateak Hurlingean jokatu zuen gaur egun izen berbera daraman taldearekin, zehatz-mehatz II. Mundu Gerraren hasiera arte. Zenbait urteetako geldialdiaren ondoren, berriz jokatzeari hasi zitzaion, taldearen Webgunearen arabera.