Katalina I.a Errusiakoa

Wikipedia(e)tik
Hona jo: nabigazioa, Bilatu
Katalina I.a Errusiakoa

Katalina I.a Errusiakoa, Errusiako enperatriza izan zen 1725etik 1727ra.

Marta Skavronska zen bere benetako izena eta 1684an Letonian jaiotako Poloniako baserritarra zela uste da. Samuel Skavrosnky eta Elisabeth Moritzen alaba zen. Gurasoak izurriteak hil zituen, eta iheslariak zirela esan izan da, horregatik hurrengo gobernuek ezkutuan gorde nahi izan dute historia hau.

Gaztaroa[aldatu | aldatu iturburu kodea]

Umezurtz gelditu eta Ernest Glücken etxean hasiko da zerbitzari lanetan. Glücken etxean zegoela Johan Raabe izeneko ofizial batekin ezkondu zen oso gazte baina Marienburg errusiarrek hartu zutenean Glückek berarekin eraman zuen Moskura. Ondoren Alexandro Menshikov printzearen zerbitzaria eta maitalea izango zen, Petri Handiaren laguna eta gortesaua, eta San Petersburgoko gobernadorea.

Petri Handia[aldatu | aldatu iturburu kodea]

San Petersburgo 1723an.

1703an Petri Handiak San Petersburgo fundatu zuenean, eta gortea bertara eraman zuenean, bere maitale bilakatu zen, eta 1707an ezkondu ziren. Katalina Alekseievna izena jaso zuen eta fede ortodoxora bihurtu zen. Hamaika ume izan zituzten baina bakarrik Anak (1707) eta Isabelek (1709) iraun zuten bizirik. Hiria eraikitzen zuten bitartean etxola batean bizi izan ziren. Jauregira bizitzera joan zirenean, etxola hesi batez inguratuz zaindu zuten.

Enperatriza[aldatu | aldatu iturburu kodea]

1711n Turkiaren aurka lagundu zion tsarrari, eta enperadorearen bizitza salbatu zuela esaten da indartsuagoa zen armada batek inguratua zuenean amore emateko iradoki ziolako. Petri Handiak berarekin ofizialki ezkontzeko eskatu zion eta Katalinari Enperatriz titulua eman zion. Titulu hori hartuko zuen lehendabiziko emakumea izango zen.

Commonsen badira fitxategi gehiago, gai hau dutenak: Katalina I.a Errusiakoa Aldatu lotura Wikidatan