Teodoro I.a Errusiakoa

Wikipedia(e)tik
Hona jo: nabigazioa, Bilatu
Teodoro I de Rusia
Teodoro I.a Errusiakoa

Errusiako tsarra
1584ko martxoaren 18a – 1584ko maiatzaren 31
Aurrekoa Iván IV.a Errusiakoa
Ondorengoa Boris Godunov

Jaiotza 1557ko maiatzaren 31
Mosku
Heriotza 1598ko urtarrilaren 17a (40 urte)
Mosku
Alderdi Politikoa Rúrik etxea
Ezkontidea Irene Godunova
Seme-alabak Zarevna Teodosia Fiódorovna


Teodoro I.a Ivanovitx (errusieraz Фёдор I Иоа́ннович, Fiodor I Joanovitx) (Mosku, 1557ko maiatzaren 31- Ibidem, 1598ko urtarrilaren 6a) Errusiako tsarra izan zen, Ivan Izugarria eta Anastasia Romanovaren semea. Teodoro Kanpailaria bezala ezagutzen da, bidaiatzeko eta elizateko kanpaiak jotzeko zuen ohituragatik.

Biografia[aldatu | aldatu iturburu kodea]

Teodoro I.ak, urrezko kate bat oparitzen dio Boris Godunovi

Teodoro I.a Ivanovitx Moskun jaio zen, 1557ko maiatzaren 31n. Gurasoak Ivan Izugarria eta Anastasia Romanova izan zituen eta bikotearen hirugarren semea izan zen. Berehala konturatu ziren ingurukoak, Teodorok ez ziola jaramonik egiten printze izateari, agian ez zuelako bere burua oinordeko ikusten, anaia zaharrenak eramango baitzuen koroa. Baina Iván Ivánovich zarévichak ez zuen sekula itxaropen hori beteko, aitarekin izandako haserrealdi batean hil baitzen 1500ean. Aita Ivan Izugarriak ere ez zion agintea hartzeko tankerarik ikusten eta horregatik ezarri zuen, bera hiltzean, Teodorok gobernatuko zuela, baina Ivanen suia eta Teodororen koinadua zen Boris Godunovek lideratutako erregeorde batzuek lagunduta.

1584an, Ivan Izugarria hil egin zen eta Boris Godunoventzako erraza izan zen erregeordetzako aurreikusita zeudenak baztertu eta berak bakarrik hartzea Irene Fiódorovna Godunova Borisen arrebarekin ezkonduta zegoen Teodororenganako bidea. Gainera, Teodorok ez zuen politikan interesik jartzen eta denbora gehiena errezatzen, meditatzen edo kristau testuak irakurtzen ematen zuen, mojea balitz bezala, eta Boris Godunovek hartzen zuen gobernu eta administraritzarako ardura.

Godunovek hartu behar izan zuen Errusia tartaroengandik defendatu eta Ivan Izugarriak konkistatutako lurren jabetza ziurtatzeko lana. Teodorok burututako ekimen garrantzitsu bakarra, 1588an Moskuko patriarkadua ezartzea izan zen, horrela errusiar Eliza Ortodoxoa otomandarretatik aske geratu zelarik (ez horrela Alejandria, Istanbul edo Jerusalem.

1591n, anaia Dimitri Ivánovich zarévicha hil zen eta ezinbestekoa zen Teodororentzat oinordekoa izatea, hau da, Rúrik dinastiari tronua ziurtatuko zion semea izatea, baina ez zuen lortuko eta izan zuen alaba bakarra 1594an hil zen, umea oraindik, Teodoro depresio larri batean murgildu zelarik.


1598ko urtarrilean hil zen, oinordekoa izan zitekeen seme preziaturik gabe eta bere erregealdia Ivan I.a Errusiakotik zetorren Rúrik dinastiaren azkena izan zen. Ondoren, Errusia Garai Nahaspilatsua deritzonean sartuko zen.


Aurrekoa
Ivan IV.a Errusiakoa
Errusiako tsarra
1584-1598
Ondorengoa
Boris Godunov
Commonsen badira fitxategi gehiago, gai hau dutenak: Teodoro I.a Errusiakoa Aldatu lotura Wikidatan