Transilvania

Wikipedia(e)tik
Hona jo: nabigazioa, Bilatu
Transilvaniaren mapa, gaur egungo Errumanian: laranja ilunez Voivodia ageri da, eta laranja argiz Maramureş, Crişana eta Banat, batzuetan Transilvaniako zatitzat hartuak.

Transilvania[1] (errumanieraz: Transilvania edo Ardealul; hungarieraz: Erdély; alemanez: Siebenbürgen) Errumaniako eskualde historiko bat da, herrialdeko ipar-mendebaldeko herenean kokatua, Karpato mendiek eki eta hegoaldean mugatzen zutena. Bestela, mendebaldean gaurko Hungaria izango luke mugakide. Gaur egungo Mendebaldeko kulturan, banpiroekin erlazionatu ohi da, batez ere Bram Stokerren Drakula eleberri ospetsuaren eta geroztiko film-egokitzapen ugarien eraginez.

Historia[aldatu | aldatu iturburu kodea]

Erromatar Inperioaren garaian Daziako probintziak aurretik existitzen zen Daziako Erresuma ordezkatu zuen, eta Transilvaniaren lurraldea probintziaren iparraldeko zatian gelditu zen. Hunoak eta bulgariarrak ere hortik zabaldu ziren, eta ondoren hungariarrek lurraldea inbaditu zuten XI. mendetik aurrera. Garai hartakoa da lehenengo aipamen idatzia, latinez (ultra silvam, «basoaz harago»). XV. mendean Vlad Drakula printzeak Otomandar Inperioaren zabalkundea oztopatu zuen, eta transilvaniar buruzagirik ezagunena da gaur egun, baina ez pertsonaia historikotzat, baizik eta Bram Stokerrek Drakula eleberrian irudikatutako banpirotzat (film ugaritan azaldu baita banpiroaren irudikapen hori).

XIX. mendean Austria-Hungariako Inperioaren zati bilakatu zen, eta Lehen Mundu Gerraz geroztik Errumaniako zati da.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Transilvania Aldatu lotura Wikidatan