Trogir

Wikipedia(e)tik
Hona jo: nabigazioa, Bilatu

Trogir

Trogir
bandera

armarria

Estatua KroaziaKroazia
Eskualdea Split-Dalmazia
Herritarra trogirtar
Koordenatuak

43°31′N 16°15′E / 43.517°N 16.250°E / 43.517; 16.250Koordenatuak: 43°31′N 16°15′E / 43.517°N 16.250°E / 43.517; 16.250

Trogir non dagoen adierazten duen Kroazia-ko/-go/-eko mapa
Trogir
Eremua 39'1 km²
Garaiera 0 m
Posta kodea 21220
Biztanleria 13,322 bizt. (2001)
Dentsitatea 340'72 bizt./km²
Telefono aurrizkia 021
http://www.trogir.hr/

Trogir (italieraz Trau) Kroaziako itsas portu turistikoa da, Splitetik 30 kilometro mendebaldera kokaturik dagoena eta 13.322 biztanle dituena (2001). 1997an Gizateriaren Ondare izendatu zuen Unescok.

Alde zaharra irla txiki batean kokaturik dago, eta zubi banak elkartzen dute Kroazia kontinentalarekin eta handiagoa den Čiovo irlarekin. Veneziarrek XIII. eta XVII. mendeen artean eraikitako jauregi, eliza eta dorre ugari ditu espazio txikian kontzentraturik, bai eta XV. mendekoa den Karmelengo gotorlekua ere. Harresia ere garai berekoa da.

Bereziki aipatzekoa da San Laurendi katedrala (Katedrala Sv. Lovre), 1213an eraikitzen hasi eta 1589an bukatua. 47 metroko kanpandorrea du eta honen solairu bakoitza estilo desberdinean egina dago, hala nola, gotikoa, veneziarra, berpizkundekoa eta barrokoa.

Historia[aldatu | aldatu iturburu kodea]

Karmelengo gaztelua

Vis irlako greziarrek Tragurion kolonia sortu zuten K.a. III. mendean. Izena grezierazko "tragos" (akerra) hitzetik dator. Erromatarren garaian koloniak indar handia hartu zuen, beti ere Salona Dalmaziako hiriburuaren itzalean. Eslaviarrek VII mendean Salona suntsitzean hiriburuko biztanle askok Trogirrera ihes egin zuten, baina urte gutxiren buruan Kroaziako erreinuaren menpe geldituko zen.

1123. urtean sarrazenoek erabat suntsitu zuten Trogir baina denbora laburrean berreraiki eta ekonomia loraldi bat izan zuen XII. eta XIII. mendeetan Šubić familiaren agintepean. 1420an Veneziak hartu zuen eta 1797 arte beronek agindu zuen Trogirren.

Hortik aurrera Dalmaziaren historia amankomuna izan zuen; Napoleonen garaia 1814 arte, ondoren Austria-Hungariako Inperioan 1918 arte eta ondoren Jugoslavia barnean 1991.ean Kroazia aske bihurtu arte.

Ekonomia[aldatu | aldatu iturburu kodea]

Trogirren jarduera ekonomiko handiena turismoa da, %50a inguru. Luxuzko turismoa ere badu, Mediterraneo itsasoko kruzeroek Kroazian egiten duten geldialdia baita Dubrovnikekin batera. Lehen sektoreari dagokionez arrantza eta nekazaritza aipatu behar da eta industria nagusia itsasontzigintza da.

Trogir hiri historikoa1
UNESCOren gizateriaren ondarea
Trogir Skyline.JPG
Mota Kulturala
Irizpideak ii, iv
Erreferentzia (ID) 810
Kokalekua KroaziaKroazia
Eskualdea2 Europa eta Ipar Amerika
Izen ematea 1997 (XXI. bilkura)
1 UNESCOk jarritako izen ofiziala (euskaratua)
2 UNESCOren sailkapena

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Trogir Aldatu lotura Wikidatan