Alejandro Valverde

Wikipedia, Entziklopedia askea
Alejandro Valverde
20180930 UCI Road World Championships Innsbruck Men Elite Road Race Alejandro Valverde 850 2213 (cropped).jpg
Bizitza
Jaiotzako izen-deiturakAlejandro Valverde Belmonte
JaiotzaMurtzia1980ko apirilaren 25a (42 urte)
Herrialdea Espainia
Jarduerak
Jardueraktxirrindularia
Ibilbidea
TaldeakUrteak
Kelme 2002-2004
Movistar Team 2005-2022
 
Posizio edo espezialitateaetapakako lasterketa
igotzailea
klasikomanoa
Pisua61 kilogramo
Altuera177 zentimetro

alejandrovalverde.es
Twitter: alejanvalverde Instagram: alejandvalverde Edit the value on Wikidata

Alejandro Valverde Belmonte (Las Lumbreras de Monteagudo, Murtzia, Espainia, 1980ko apirilaren 25a) txirrindulari profesionala da. Beste hainbat garaipen nabarmenen artean, irabaziak ditu 2006 eta 2008ko UCI ProTourra, 2009ko Espainiako Itzulia eta 2018ko Munduko Txapelketa.

Abiadura handia du eta eskalatzaile ona da, batez ere mendate labur eta leherkariei aurre egin behar zaienean. Hala, gaur egungo nazioarteko txirrindularirik osoenetako bat da. Gainera, 2005etik aurrera asko hobetu du erlojupekoan. Horren ondorioz, 2006ko Frantziako Tourraren sarrera etapan 5. amaitu zuen (beste bi etapatan besterik ez zuen parte hartu, hirugarren etapan erortzearen ondorioz itzulia utzi behar izan baitzuen); 2008ko Dauphiné Libéréko erlojupekoa irabazi zuen; eta 2008ko Espainiako Itzuliko erlojupekoan hirugarren postua lortu zuen, bigarrenarekin berdinduta.

2010eko maiatzaren 31n bi urtez zigortu zuten, Puerto Operazioan zerikusia zuelako. Zigorra 2010eko urtarrilaren 1ean hasi eta 2012ko urtarrilaren 1ean amaitu zuen.

Bizitza[aldatu | aldatu iturburu kodea]

Profesionaletan 2002an debutatu zuen, Vicente Beldak zuzendutako Kelme-Costa Blanca taldean. Aurretik Banestoren amateur mailako taldean korritu zuen, non 2001ean Espainiako Txirrindularitza Kopan garaipena lortu zuen.

2003[aldatu | aldatu iturburu kodea]

Amaitu zuen lehen Itzuli Handia 2003ko Espainiako Itzulia izan zen, non nabarmen gainditu zuen hasiera batean taldeko lider zihoan Óscar Sevilla. Hirugarren amaitu zuen eta 2 etapa irabazi zituen, sailkapen konbinatuko maillot urdina ere lortuz. Urte horretan bertan parte hartu zuen lehen aldiz Munduko Txirrindularitza Txapelketan, Kanadako Hamilton hirian ospatu zena, eta zilarrezko domina lortu zuen. Lasterketa buruan, beste batzuen artean, Igor Astarloak, Paolo Bettinik eta Peter Van Petegemek osatutako ihesaldi bat osatu zen. Astarloak azken igoeratxoan eraso zuen, inor ez zen bere bila atera eta bakarrik joan zen garaipenaren bila. Atzetik, Valverdek bizkaitarraren iheskideekin bat egitea lortu zuen. Ondoren, esprint oso estu batean garaitu zituen; eta, hala, bere lehen munduko txapelketan bigarren postua lortu zuen.

2004[aldatu | aldatu iturburu kodea]

2004an zilarrezko domina lortu zuen Espainiako errepideko txirrindularitza txapelketan, helmugara bere taldekide Francisco Manceborekin batera helduz. Urte horretako abuztuan Atenasko Olinpiar Jokoetan parte hartu zuen, arrakastarik gabe. Óscar Freire eta Igor Astarloarekin batera espainiar selekzioko liderretako bat zen, domina lortzeko faboritoetako bat. Hilabete beranduago 2004ko Espainiako Itzulian parte hartu zuen, sailkapen nagusian laugarren amaituz.

2005[aldatu | aldatu iturburu kodea]

Urte haren hasieran Illes Balears-Caisse d'Epargne taldearekin fitxatu zuen. Talde hartan, beste batzuen artean, Frantziako Tourraren irabazle Pedro Delgadok, Miguel Indurainek eta Óscar Pereirok korritu zuten.

2005eko Frantziako Tourrari begira —Valverderen lehen parte hartzea Itzuli Handi hartan— asko espero zen murtziarragandik, eta ez zuen huts egin. Mendiko lehen etapan, Alpeetan, zehazkiago Courchevelen, mendatearen tontorrean zegoen eski estaziora igo zen. 20 kilometro baino gehiagoko luzera zuen igoeran, Discovery Channel taldeak lehen maldetatik bizkortu zuen erritmoa, eta taldeko azken txirrindulari laguntzailea zen Yaroslav Popovitx izan zen Lance Armstrong aurrera eramatearen arduraduna. Sei aldiz Tourra irabazi zuenak bakarrik joatea nahi zuen, baina Paco Mancebok, Michael Rasmussenek, Ivan Bassok eta Valverdek jarraitu zuten. Bassok ez zuen erritmoa jasan eta laster geratu zen atzean. Jada azken kilometroan, Rasmussenek eraso egin zuen, Valverde beragana joan zen Armstrong ondoan zuela, eta, harrapatu bezain pronto, Armstrongek eraso gogor bat jo zuen. Bazirudien estatubatuarra bakarrik joango zela, baina ahal izan zuen tokitik Valverdek indarra atera zuen eta Armstrongen gurpilean jarri zen, eta, azken 200 metroetan, Las Lumbrerasko txirrindulariak erraz gainditu zuen estatubatuarra esprintean, etapa irabaziz. Helmuga lerroa igarotzean, egoera sinesgaitza iruditzen zitzaion Armstrongek Valverde zoriondu zuen eskua emanez. Murtziarrak gazterik onenaren maillot zuria lortu zuen. Bi egun geroago, taldekako erlojupean jasandako kolpea berriz min ematen hasi zitzaion; eta, Tourra utzi behar izan zuen arren, Munduko Txirrindularitza Txapelketa arte lehiatu gabe eman behar izan zuen.

2005eko Munduko Txirrindularitza Txapelketa, Madrilen ospatu zena, ez zen batere egokia espainiako selekzioarentzat, zirkuitu erabat laua baitzen eta selekzioak Freireren baja baitzuen, baina Valverdek, lasterketaren azken unean, agertu, esprintatu, eta bigarren amaitu zuen. Irabazlea Tom Boonen belgikarra izan zen.

2006[aldatu | aldatu iturburu kodea]

2006an etaparen batzuk irabazi zituen itzuli txiki batzuetan, baita bi klasiko ere: Liège-Bastogne-Liège (klasiko hau irabazten zuen lehen espainiarra bihurtuz) eta Flèche Wallone, Ardenatako bikotea lortuz, hala, 2006ko UCI ProTourreko lider bihurtuz. Ondoren, 2006ko Espainiako Itzulian etapa bat irabazi zuen, non Alexandre Vinokouroven atzetik bigarren sailkatu zen. Egun batzuk beranduago, 2006ko Munduko Txirrindularitza Txapelketan, Salzburgon ospatu zena, brontzezko domina lortu zuen hirugarren sailkatu ondoren, Paolo Bettini eta Erik Zabelen atzetik esprint txiki batean, helmugara laugarren postuan iritsiko zen Samuel Sánchezek jaurti ondoren. Valverdek, denboraldia, UCI ProTourraren banakako sailkapena irabaziz amaitu zuen.

2007[aldatu | aldatu iturburu kodea]

2007 oso ondo hasi zen murtziarrarentzat, Valentziako Erkidegoko Itzulia eta Murtziako Itzulia irabaziz, baita Alcobendasko Klasikan etapa 1 lortuz ere. Alabaina, bere arerioek geroz eta gehiago zaintzen zuten; horren ondorioz, bigarren eta hirugarren postuekin konformatu behar izan zuem. Denboraldiaren lehen zati honetan T-Mobile Team taldearen Valverdeganako ustezko interesaren zurrumurrua zabaldu zen. Ondoren, Espainiako txapelketan berriz ere zilarrezko domina lortu zuen, Cuencako helmugara bigarren iritsi ondoren, Joaquim Rodríguezen atzetik.

2007ko Frantziako Tourrean seigarren amaituz eta hain proba gogor bateko hiru asteak eta Tourreko mendate luze eta etzanak jasateko hauspo apur bat falta zaiola frogatuz, hirugarren amaitu zuen urte bereko Donostiako klasikoa, eta bigarren amaitu zuen 2007ko Burgosko Itzulia. Mendateetako Klasikoan ere bigarren amaitu zuen, urte horretan Espainiako Vueltan parte hartu ez zuen bitartean.

Palmaresa[aldatu | aldatu iturburu kodea]

2003

2004

2005

2006

2007

2008

2009

2010

2012

2013

2014

2015

2016

2017

2018

2019

2020

2021

2022

Sailkapen orokorra lasterketa nagusietan[aldatu | aldatu iturburu kodea]

Itzuli Handiak[aldatu | aldatu iturburu kodea]

Itzuli Handia 2002 2003 2004 2005 2006 2007 2008 2009 2010 2011 2012 2013 2014 2015 2016 2017 2018 2019 2020 2021 2022
Pink jersey Italiako Giroa 3. 11.
Yellow jersey Frantziako Tourra UT UT 5. 8. 20. 8. 4. 3. 6. UT 14. 9. 12. 24.
Red jersey Espainiako Vuelta UT 3. 4. 2. 5. 1. 2. 3. 3. 7. 12. 5. 2. 10. UT 13.

Beste Itzuliak[aldatu | aldatu iturburu kodea]

Itzulia 2002 2003 2004 2005 2006 2007 2008 2009 2010 2011 2012 2013 2014 2015 2016 2017 2018 2019 2020 2021
Down Under Tour 19. 2. X
Paris-Niza 2. 2. 3.
Tirreno-Adriatiko 119. 18.
Kataluniako Volta 34. 33. 80. 1. UT UT 2. 1. 1. 10. X 4.
Euskal Herriko Itzulia 47. 5. 6. 28. 2. 5. 2. 5. 1. X 7.
Romandiako Tourra 24. 3. 4. 1. 9. X
Dauphine Libere 7. UT 1. 1. 7. 9. 9. 12. 14.
Suitzako Itzulia UT 9. X

Klasikoak, Txapelketak ete Olinpiar Jokoak[aldatu | aldatu iturburu kodea]

Lasterketa 2002 2003 2004 2005 2006 2007 2008 2009 2010 2011 2012 2013 2014 2015 2016 2017 2018 2019 2020 2021 2022
Strade Bianche 13. 3. 3. 10. 4. 47. 2.
Milan-San Remo 130. 54. 33. 24. 20. 15. 7.
Flandrian Zehar 36. 11. 31. X
E3 Harelbeke 63. X
Flandriako Tourra 8.
Amstel Gold Race UT 13. 23. 6. 3. 21. 22. 2. 4. 2. 19. 5. 65. X 5.
La Flèche Wallonne 39. 1. 2. 21. 7. 8. 46. 7. 1. 1. 1. 1. 2. 11. 3. 2.
Lieja-Bastogne-Lieja 33. 1. 2. 1. 19. 3. UT 3. 2. 1. 16. 1. 13. UT 4. 7.
Donostia Klasikoa 157. 61. 8. 2. 1. 16. 26. 2. 1. 3. 3. 10. X UT
Lombardiako Giroa 39. 12. UT 2. 2. 4. 6. 11. 2. 5.
Olympic rings with transparent rims.svg Olinpiar Jokoak X 47. X 13. X 18. X 30. X 42. X
MaillotMundial.PNG Munduko txapelketa 2. 6. 2. 3. 57. 37. 9. 3. 3. 3. 5. 1. UT 8.
MaillotEspaña.svg Espainiako txapelketa 2. 2. 1. 3. 6. 2. 1. 4. 2. 2. 1.
MaillotEspaña.svg Espainiako erlojupeko txa. 4. 1. 3. 4.
Legenda
Ez zuen parte hartu
DSK Deskalifikatua
UT Utzi

Kanpo estekak[aldatu | aldatu iturburu kodea]