Arrano Beltza

Wikipedia, Entziklopedia askea
Hona jauzi: nabigazioa, Bilatu
Erdi Aroko zigiluaren gaur egungo irudikapen edo erreprodukzio zehatza.

Arrano beltza Nafarroako ikur zahar bat da, arrano beltz bat hondo hori baten gainean ageri duena. Zenbait euskal herritar abertzalek Euskal Herriaren sinbolotzat darabilte; eta zenbait espainiar falangistek, berriz, Espainiaren sinbolotzat.[1]

Jatorria[aldatu | aldatu iturburu kodea]

Arrano beltzaren ikurrak XII. mendeaz geroztik Nafarroako erregeek beren zigiluetan erabilitako arrano irudia du oinarri; zehazki esanda, Antso VII.a Azkarrak XIII. mendearen hasieran erabilitako zigiluan ageri den arrano irudia.[2] Izan ere, nafar errege haiek beren menpe izan zituzten euskal hiztunen lurralde guztiak edo gehienak behintzat (ez dago garbi Pirinioez iparraldeko euskal lurralde guztiak beren menpe izan ote zituzten; eztabaida biziak dituzte historialariek gai horretan). Hainbat eusko abertzalerentzat, erreinu hura euskal hiztun guztien lurraldeak bateratu eta euskal estatu independente bat sortzeko lehen saiakera izan zen. Aitzitik, hainbat espainiar nazionalistentzat, espainol nazioa sortzeko saiakera izan zen.

Gaur egungo bandera[aldatu | aldatu iturburu kodea]

XX. mendearen bigarren erdialdean Telesforo Monzon politikari abertzaleak Erdi Aroko zigiluan oinarrituz gaur egun hain hedatua dagoen Arrano Beltzaren bandera diseinatu zuen (bai ondo hori nahiz gorrian)[3][4]

Musikan[aldatu | aldatu iturburu kodea]

Arrano beltza Mikel Laboa kantari eta musikagile pasaitarraren abestia ere bada, geroago Negu Gorriak taldeak bertsionatua. Abestiaren zati batek honela dio:

Arrano beltzarekin joan ziren
joan joan
Jaengo Navas de Tolosara
Nafarrak
eta kate kateekin itzuli etxera.

Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Arrano Beltza Aldatu lotura Wikidatan