Lantzeko inauteria

Miel Otxin

Ziripot

Lantzeko inauteria Nafarroako eta Euskal Herriko inauteririk ezagunena da. Tradiziozko ospakizun hau hautsegunaren aurreko egunetan ospatzen da. Gaua iristean, herriko kaleak, pertsonai ezberdinen jantziak daramatzaten herritarrez betetzen dira. Herritarrek Miel Otxin lapurra harrapatu beharra dute.

Pertsonaiak

Pertsonaien artean honakoak nabarmentzen dira:

• Miel Otxin: Espiritu txarrak itxuratzen dituen lapur gaiztoa da. Astelehenean atzeman ostean, herriko kaleetan zehar pasearazten dute, txistu eta danbor danbolin soinua lagun dutela. Asteartean, goizeko paseo baten ondoren, exekutatu eta sutan erretzen dute, herritarrek inguruan zortziko bat dantzatzen duten bitartean.

• Ziripot: Belarrez betetako zakuekin jantzitako pertsonai lodia da. Kaleetan zehar dabilen bitartean Zaldiko izeneko pertsonaiak, lurrera botatzen du beti.

• Zaldiko: Irritsu eta saltoka, gizakiaren eta zaldiaren arteko nahastea da. Gerrian zaldi bat daramala, Ziripot lurrera botatzea du helburu.

• Arotzak: Zaldikori ferrak jartzeko ardura dute.

• Txatxo: Lanzko biztanleria antzezten dute, eta animalien azalez eta arropa zaharrez janzten dira.

Iruditegia

• 
  Zaldiko
• 
  Arotzak
• 
  Txatxo

Ikus, gainera

• Inauteriak Euskal Herrian

Kanpo loturak

Wikimedia Commonsen badira fitxategi gehiago, gai hau dutenak: Lantzeko inauteria

• Lantzeko Inauteriak.
• Lantzeko inauteria (MIDI kanta).