Shiga (prefektura)

Shiga prefetura (japonieraz: 滋賀県, Shiga-ken) Japoniako Honshu uharteko prefetura bat da. Lurraldea Biwa aintziraren inguruan zabaltzen da eta hiriburua Ōtsu da.

Historia

Prefetura-sistema ezarri aurretik, Shigaren eremuak Ōmi edo Gōshū izena zuen. Ōmik Japoniako ekialdea eta mendebaldea lotzen zituen, eta merkataritza-gune garrantzitsua izan zen.

Han sistemaren abolizioaren ondoren, Ōmi eremuan zortzi prefetura sortu ziren, eta Shigako prefetura osatuz batu ziren 1872ko irailean.

Geografía

Honshu uharteo mendebaldean dago. Mugakideak hauek dira: iparraldean,Fukui; ekialdean Gifu; hego-ekialdean Mie; mendebaldean, Kyoto.

Biwa aintzira, Japoniako handiena, prefeturaren erdian dago, eta prefeturaren azaleraren seiren bat hartzen du. Azaleraren % 37 natura-parke gisa babestuta dago. Seta ibaia Biwa aintziran hasten da eta Osakako Badiareino joaten da. Prefetura hainbat mendilerrok inguratu eta ixten dute, Hira eta Hiei mendiak mendebaldean, Ibuki mendiak ipar-ekialdean eta Suzuka mendiak hego-ekialdean. Ibuki mendia (1.377m) da prefeturako garaiena.

Klima

Shigako klima nabarmen aldatzen da iparraldetik hegoaldera. Hegoaldea beroa da; iparraldea, berriz, hotagoa da, eta elur ugari egiten du. Horregatik, eski-estazioak daude.

Banaketa administratiboa

Shiga prefeturaren mapa, erdian Biwa aintzira dauka.

Hiriak

• Hiri handienak:

1. Ōtsu (hiriburua, 329.024 biztanle)
2. Kusatsu (123.512 bizt.)
3. Higashiōmi (117.487 bizt.)
4. Hikone (110.945 bizt.)
5. Kōka (94.007 bizt.)
6. Nagahama (83.555 bizt.)

• Hiri guztiak:

Higashiōmi Hikone Kōka Konan Kusatsu Maibara Moriyama

Nagahama Ōtsu (hiriburua) Ōmihachiman Rittō Takashima Yasu

Herriak barrutika sailkatuta

Echi barrutia Aishō Gamō barrutia Hino Ryūō

Inukami barrutia Kōra Taga Toyosato

Ekonomia

Prefeturaren seiren bat landatua dago eta %90a arroz soroak dira. Honetaz gain ekialdeko Shiga abeltzaintzarengatik da ezaguna, mendebaldea aldiz te berdearengatik.

Biwa aintziran arrantza egiten da eta perla haztegiak ere badaude.

60. hamarkadan industria garatu zen eta prefeturaren Barne Produktuaren %44'8aren jatorria berau da. Japoniako prefeturen artean bigarren sektoreak duen portzentai handiena da. Informatika eta teknologia konpainiak dira gehienak baina prefeturako industria tradizionala oihalgintza izan da.

Ondasun nabarmenak

• Aintzinako Kyotoko monumentu historikoak (Gizateriaren Ondarea): Ōtsun Enryaku-ji tenplua dago.
• Mangetsu-ji tenplua (Ōtsu)
• Mii-dera tenplua (Ōtsu)
• Ishiyama-dera tenplua (Ōtsu)
• Hikone gaztelua
• Biwa aintzira
• Hira mendilerroa

Iruditegia

• 
  Ōtsu.
• 
  Enryaku-ji tenplua (Ōtsu).
• 
  Mangetsu-ji tenplua (Ōtsu).
• 
  Mii-dera tenplua (Ōtsu).
• 
  Hikone gaztelua.
• 
  Ishiyama-dera tenplua (Ōtsu).
• 
  Biwa aintzira.
• 
  Hira mendilerroa.

Probintzia senidetuak

• Hegoaldeko Rio Grande (Brasil)
• Michigan (AEB)
• Hunan (Txina)

Kanpo loturak

Wikimedia Commonsen badira fitxategi gehiago, gai hau dutenak: Shiga (prefektura)

• Official Shiga prefecture homepage