Chūgoku eskualdea

Chūgoku eskualdea
	Japonia
Administrazioa
Estatu burujabe	Japonia
Zatiketa	ikusi Tottori, Shimane, Okayama, Hiroshima eta Yamaguchi prefektura;
Geografia
Koordenatuak	35°03′00″N 134°04′00″E / 35.05°N 134.06666666667°E
Azalera	31.922,26 km²
Mugakideak	Kansai eskualdea
Punturik altuena	Daisen mendia
Demografia
Biztanleria	7.563.428 (2010eko urriaren 1a); Adierazpen errorea: Ustekabeko < eragileaEspresio akatsa: Ez dago operadorerik -(r)entzat
Dentsitatea	236,93 bizt/km²
Ordu eremua	UTC+09:00

Chūgoku eskualdea (japonieraz: 中国地方^?, Hepburn: Chūgoku-chihō) edo San'in-San'yō eskualdea (japonieraz: 山陰山陽地方^?, Hepburn: San'in san'yō-chihō) Japoniako Honshu uharteko eskualderik mendebaldekoena da. 2010ean, Japoniako Estatistika Bulegoaren arabera, 7.563.428 pertsona bizi ziren eskualdean.

Hiroshima hiria Chūgoku eskualdeko hiri nagusia da. 1945ean, Bigarren Mundu Gerran, Estatu Batuek jaurti zuten bonba atomiko batek hiria suntsitu zuen, baina berreraikia izan zen, eta gaur egun metropoli industrial garrantzitsu bat da.

Geografia

Chūgoku eskualdeak 31.922,26 km²-ko azalera du, eta 240 bizt./km²-ko dentsitatea. Eskualde mugakide hauek ditu: Kyushu, Shikoku, eta Kansai.

Izenaren inguruan

Chūgoku hitzak "erdiko herrialdea" esan nahi du, baina izenaren jatorria ez dago argi. Historikoki, Japonia koku izeneko probintziatan banatuta zegoen, eta bakoitzaren boterearen eta Kansai administrazio-erdigunerainoko distantziaren arabera sailkatuta zeuden. Hala, “hurbileko herrialdeak” (近国 kingoku), “erdiko herrialdeak” (中国 chūgoku), eta “urruneko herrialdeak” (遠国 , ongoku) zeuden. Nolanahi ere, gaur egun Chūgoku eskualdearen barnean dauden antzinako probintzia gehienak ez zeuden sailkatuta erdiko herrialde gisa. Beste azalpen baten arabera, Chūgoku hitzak Kansai eta Kyūshū arteko probintziak izendatzeko erabili bide zen, lurralde hori historikoki garrantzitsua izan baitzen Japoniaren eta Asiako kontinentearen arteko lotune gisa.

Horrez gain, 中国 (Chūgoku) hitza Txinari erreferentzia egiteko ere erabiltzen da. Hala ere, "Chūgoku eskualdea" aipatzean, beste hitz bat gehitzen da amaieran, Chūgoku-chihō: horrela, ez dago bi esanahien arteko nahasketarik. Hala eta guztiz ere, salbuespena Chūgoku bankua (中国銀行 Chūgoku ginkō) da.

Banaketa administratiboa

Prefetura hauek osatzen dute eskualdea:

Prefetura	Biztanleria	Azalera (km²)	Hiriburua	Biztanleria
Hiroshima	2.857.990	8.479,05	Hiroshima	1.184.208
Okayama	1.940.411	7.112,32	Okayama	705.224
Shimane	712.336	6.707,95	Matsue	191.852
Tottori	584.982	3.507,19	Tottori	196.353
Yamaguchi	1.445.702	6.110,94	Yamaguchi	198.971