Berroztegieta

Berroztegieta
	Euskal Herria
Kokapena
Herrialdea	Araba
Udalerria	Gasteiz
Administrazioa
Posta kodea
Geografia
Koordenatuak	42°48′47″N 2°42′37″W / 42.8131°N 2.7103°W
Garaiera	617 m
Demografia

Berroztegieta (Berrosteguieta gaztelaniaz^[1]) Gasteizko udalerria osatzen duten herrietako bat da. Zaldiaran mendipean, 617 metroko garaieran kokaturik dago. Gasteiz hegoaldean dago, hirigunetik 5,5 kilometro ingurura. Berroztegieta 1025. urtean aipatu zen lehenengoz, Donemiliagako goldean. Herrixka txikia izan da beti, eta 1332an Gasteizko udalerriaren barnean ezarri zuten. 1980ko hamarkadatik aurrera hainbat txalet eraiki ziren eta biztanleria bikoiztu egin zen.

Eskibel errekastoa eta Batan erreka Berroztegietako lurretatik igarotzen dira, hego-ipar noranzkoan, herrigunearen mendebaldetik lehena, eta ekialdetik bigarrena. Bi errekak Gasteizko mendietan sortzen dira, eta Zadorrara isurtzen.