Bizimeta

Bizimeta
Datu orokorrak
Garraio mota	Bizikleta
Eskualdeak	Uribe Kosta
Leloa	Zaindu zaitez, zaindu gaitzazu
Geltokiak	18
Bidaiariak	5.387 (2013)
Jabea	Uribe Kostako Zerbitzu Mankomunitatea
Egoitza	Gatzarriñe, 4; 48600 Sopela (Bizkaia)
Webgunea	http://www.bizimeta.com
Ustiapena
Hasiera	2009ko uztailaren 30a
Ibilgailuak	110

Bizimeta Uribe Kostako hiri-arteko bizikletak mailegatzeko zerbitzu publikoa da. Uribe Kostako Zerbitzu Mankomunitateak eta Koopera kooperatiba taldeko Rezikleta erakundeek martxan jarri zuten 2009ko uztailaren 30ean, eta geroztik 32.000 bidaia baino gehiago egin dituzte erabiltzaileek.

Erkidegoko lehenengo hiri-arteko bizikleta mailegu zerbitzua da, eta 110 bizikleta eskaintzen ditu 18 puntu ezberdinetan, ohikoak zein elektrikoak.

Mailegu puntuak

Barrika

• Eskola, Goierri errepidea.
• Kultur etxea, Udaletxeko errepidea, 2.

Berango

• Axgane, Simon Otxandategi etorbidea, 128. Bizkaibusen geltoki parean.
• Berango, Sabino Arana kalea, 21-25. Berangoko geltokiaren ondoan.

Gorliz

• Hondartzako Sorosleak, Astondo pasealekua.
• Turismo bulegoa, Errementari bidea.
• Uresarantze, Landabarri estrata, 3.

Lemoiz

• Armintza, Atalaia kalea.

Plentzia

• Plazatxoa, geltokiko zubiaren muturrean, Plentziako geltokitik hurbil.
• Ondarreta, Ondarreta pasealekua.

Sopela

• Urgitxieta, Urgitxieta plaza. Larrabasterrako geltokiaren ondoan.
• Polikiroldegia, Etxebarri kalea, 9.
• Udaletxea, Sabino Arana kalea, 1.
• Kurtzio Kulturetxea, Mendieta kalea, 10.
• Arriatera hondartza, Arriatera etorbidea, 113.
• Atxabiribil hondartza, Atxabiribil etorbidea, 71. Aparkalekuaren ondoan.

Urduliz

• Landa, Aita Gotzon kalea, 26. Urdulizko geltokiaren ondoan.
• Udaletxea, Elortza kalea, 1.

Tarifak

Bizimetak ezarritako sistemaren arabera, kontaktu gabeko txartela pasa behar da bizikleta mailegu puntuko pantailatik, pantailako jarraibideei kasu eginez bizikleta bat esleituko zaigularik.

Erabilera arruntan bizikleta hartu eta bi orduz erabil daiteke, hurrengo tarifekin 2018an:

• Hasierako 60 minutuak: Ohiko bizikleta: 0,15€; Elektrikoa: 0,30€.
• Hurrengo 60 minutuak: Ohiko bizikleta: 0,30€; Elektrikoa: 0,60€.

Bi ordutik gora hurrengo zigorra ezartzen da orduko:

• Ohiko bizikleta: 2,00€/h; Elektrikoa: 3,00€/h.

Urteko abono-txartela:

• 12,00€/urte.

Erabilera noizbehinkakoa bada, zerbitzua irauten duen egun osoan erabil daiteke bizikleta, hau da, azarotik martxora goizeko 7:00etatik arratsaldeko 19:00etara; eta apirilatik urrira goizeko 7:00etatik arratsaldeko 21:00etara, eta hurrengo tarifak ezartzen dira 2018an:

• Ohiko bizikleta: 5,00€/egun; Elektrikoa: 6,00€/egun.

Bidaiariak

Bizimetaren bidaiari kopuruaren bilakaera 2010-2017 (mila bidaiari)

Ikus, gainera

• Uribe Kosta
• Bizikletak mailegatzeko zerbitzu publiko
• Jasangarritasun

Kanpo estekak

• Bizimetaren webgunea
• Uribe Kostako Zerbitzu Mankomunitatearen webgunea
• Kooperaren webgunea

• Datuak: Q20492210