Dickey Chapelle
| Dickey Chapelle | |
|---|---|
| Bizitza | |
| Jaiotzako izen-deiturak | Georgette Louise Meyer |
| Jaiotza | Milwaukee, 1919ko martxoaren 14a |
| Herrialdea |  Ameriketako Estatu Batuak |
| Heriotza | Quảng Ngãi (en)  , 1965eko azaroaren 4a (46 urte) |
| Hobiratze lekua | Forest Home Cemetery (en) |
| Hezkuntza | |
| Heziketa | Shorewood High School (en) |
| Jarduerak | |
| Jarduerak | argazkilaria, idazlea, gerra argazkilaria, fotokazetaria eta kazetaria |
| Izengoitia(k) | Dickey Chapelle |
| Zerbitzu militarra | |
| Parte hartutako gatazkak | Vietnamgo Gerra Aljeriako Independentzia Gerra |
  | |
Dickey Chapelle, sortzez Georgette Louise Meyer (Milwaukee, AEB, 1919ko martxoaren 14a – Quảng Ngãi, 1965eko azaroaren 4a), Estatu Batuetako gerra fotokazetaria zen, hainbat gatazkatan izan zena, besteak beste, Bigarren Mundu Gerran aktibo, gero Kuban, Korean, Aljeriako gerran eta Vietnameko gerran. Vietnamen fotokazetari zebilela hil zen.
Biografia
[aldatu | aldatu iturburu kodea]Georgette Meyer 1919an jaio zen, Milwaukee kanpoaldean (Wisconsin). Nerabea zela, abiazioa zuen pasio, eta diseinu aeronautikoa ikasi zuen. Dickey ezizena hartu zuen, Richard Byrd hegazkinlari eta esploratzailea gogoratu nahi zuelako.[1]
Lan ibilbidea
[aldatu | aldatu iturburu kodea]Hainbat lanpostu izan zituen aeronautikan, besteak beste, TWAn, non Tony Chapellek argazkigintzako prestakuntza eman baitzion. Harekin ezkondu zen 1940an. Gero, argazkilari profesional bihurtu zen, eta erreportajeak egin zituen. Estatu Batuetako indarren akreditazioa lortu ondoren, hainbat alorretako haien entrenamenduak segitzen jardun zuen. Bigarren Mundu Gerraren ondoren, erreportajeak egiten eta argazkiak ateratzen jarraitu zuen prentsa komunikabideentzat, hala nola, Reader's Digest, National Geographic, Look, Life edoThe Saturday Evening Post.[1] Gatazka edo tentsio-eremu askotan hartzen zuen parte fotokazetari gisa (gerra hotzaren hasiera eta deskolonizazioak ezaugarri zituen aldian). Adibidez, erreportajeak egin zituen Grezian, Indian, Jugoslavian, Errumanian, Korean, Aljerian, Kuban, Dominikar Errepublikan, Iraken, Jordanian, Laosen, Libanon edo Hungarian.[1]
Erreportajeak egiteko ausart agertzen zen. Hungarian, kartzelan egon zen zazpi astez. Kuban, Fidel Castro eta bere taldearekin joan zen oihanera. Aljeriako gerran, Aljeriako Nazio Askatasunerako Frontearen (FLN) ondoan zela eman zuen gerraren berri. Estatu Batuetako armadaren jausgailu-saioetan parte hartu zuen behin baino gehiagotan, besteak beste, Korean, Dominikar Errepublikan edo Vietnamen.[2]
1965ean hil zen, Vietnamgo gerran, mina baten ondorioz, US marinesekin zihoala, Chu Laiko base amerikarretik hurbil. Vietnamen hil zen lehen gerra-korrespontsala izan zen, eta borroka-eremuan hildako lehen emakume estatubatuarra. Bere azken uneei Henri Huet gerrako argazkilariak atera zizkien argazkiak, kapilau militar batek gaixoen oliadura ematen ziola.[3]
Argitalpenak
[aldatu | aldatu iturburu kodea]- Dickey Chapelle (1942). Needed. Women in government serviceRjauna/andrea McBride, 1942.
- Dickey Chapelle, Girls at work in aviation, Doubleday, Doran, 1943
- Dickey Chapelle, How planes get there, Harper, 1944.
- Dickey Chapelle, What's a woman doing here? Report on herself, Morrow, 1962.
- Dickey Chapelle, "How Castro Won", in Modern Guerrilla WarFare Fighting Communist Guerrilla Motives, 1962, or. 325–335
Aintzatespenak
[aldatu | aldatu iturburu kodea]- Chapelle Venuseko Kraterra izendatu zuten haren omenez.
Ikus, gainera
[aldatu | aldatu iturburu kodea]Erreferentziak
[aldatu | aldatu iturburu kodea]Bibliografia
[aldatu | aldatu iturburu kodea]- (Ingelesez) Roberta Ostroff, Fire in the Wind. The Biography of Dickey Chapelle,1992.
- (Ingelesez) John Garofolo, Dickey Chapelle Under Fire. Photographs by the First American Female War Correspondent Killed in Action, Wisconsin Historical Society Press, 2015.
Kanpo estekak
[aldatu | aldatu iturburu kodea]
Datuak: Q434578