El guardián invisible

Wikipedia, Entziklopedia askea
Jump to navigation Jump to search
El guardián invisible
Jatorria
Argitaratze-data 2017
Jatorrizko izenburua El guardián invisible
Jatorrizko hizkuntza gaztelania
Jatorrizko herrialdea Espainia
Ezaugarriak
Genero artistikoa thrillerra
Iraupena 129 minutu
Kolorea koloretakoa
Deskribapena
Oinarritua Zaindari ikusezina
Grabazio lekua(k) Elizondo, Madril eta Lesaka
Zuzendaritza eta gidoia
Zuzendaria(k) Fernando González Molina
Antzezlea(k)
Marta Etura
Elvira Mínguez
Francesc Orella
Itziar Aizpuru
Carlos Librado




Bestelako lanak
Musikagilea Fernando Velázquez
Kanpo loturak
kronologia

El guardián invisible Legado en los huesos

El guardián invisible (euskaraz Zaindari ikusezina) 2017ko Fernando González Molina nafar zinema zuzendariak zuzendutako thriller film bat da. Dolores Redondo donostiar idazlearen Baztango Trilogia osatzen duen izenburu berdineko lehenbiziko eleberrian oinarritua dago. Marta Etura, Elvira Mínguez, Francesc Orella, Itziar Aizpuru, Carlos Librado, Miquel Fernández, Pedro Casablanc, Colin McFarlane, Benn Northover, Paco Tous, Manolo Solo, Ramon Barea, Patricia López Arnaiz, Quique Gago, Mikel Losada, Susi Sánchez, Miguel Herrán, Richard Sahagún eta Javier Botet aktoreek antzeztu zuten.

Euskal Herriko Bortziriak eskualdeko Lesaka udalerrian, Baztango Elizondo udalerrian, Malerrekako Leurtzako urtegian eta Madril hirian filmatu zen.

2017ko otsailaren 22an Iruñeko Baluarte jauregian estreinatu zen.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Euskal Herriko Baztan haranean, Baztan ibaiaren bazter batean, aurrez jazotako erailketa beste batekin lotura arrastoak dituen nerabe baten gorpua agertu berri da. Amaia Salazar (Marta Etura) foruzain inspektoreak kasua ikertzeko ardura jaso eta Elizondora bertaratuko da, hain zuzen ere, bera hazi zen herria. Kasuaren gorabeherez gain bere iraganeko mamuei aurre egin beharko die, erlojuaren aurkako ikerketa batean hiltzaile gupidagabea atzeman beharko du, bide batez bertako Euskal Mitologian ere barneratuz.

Boikota[aldatu | aldatu iturburu kodea]

2017ko martxoaren 4an polemika handia piztu zen Euskalduna naiz, eta zu? saioa Covitek salatu zuenean. El guardián invisibleko aktore bat Miren Gaztañaga zenez eta saio horretan esan zituenaz suminduta, boikotera deitu zuten milaka espainiarrek[1]. Honek Grupo Planeta ikaratu zuen, ekonomikoki arazo bat bihurtu ahal zelako boikota ondo ateratzen bazen. Besteak beste honegatik Miren Gaztañagaren aurka egin zuen eta komunikatu publiko batean, pelikula honetan Miren ia parte hartzen ez zuela eta berak esandakoaren aurka zegoela esan zuen[2].

Ika-mikak ika-mika, badirudi boikoterako deiek ez zutela helburua lortu[3].

Aktoreak[aldatu | aldatu iturburu kodea]

Ikus gainera[aldatu | aldatu iturburu kodea]

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]