Fidel Ramos

Wikipedia, Entziklopedia askea
Jump to navigation Jump to search
Fidel Ramos
Ramos Pentagon.jpg
12. Filipinetako presidente

1992-06-30 - 1998-06-30
Corazón Aquino - Joseph Estrada
Secretary of National Defense Itzuli

1988-01-22 - 1991-07-18
Rafael Ileto Itzuli - Renato de Villa Itzuli
chief of staff Itzuli

1986 - 1988
member Itzuli

1980 - 1986
Fabian Ver Itzuli
Bizitza
Izen osoa Fidel Valdez Ramos
Jaiotza Lingayen Itzuli1928ko martxoaren  18a (90 urte)
Herrialdea  Filipinak
Bizilekua Asingan Itzuli
Familia
Aita Narciso Ramos
Ezkontidea(k) Amelita Ramos
Anai-arrebak
Hezkuntza
Heziketa Estatu Batuetako Akademia Militarra
Ateneo de Manila University Itzuli
Illinoisko Unibertsitatea Urbana–Champaignen
Illinoisko Unibertsitatea
University of the Philippines Itzuli
Jarduerak
Jarduerak politikaria eta militarra
Jasotako sariak
Zerbitzu militarra
Gradua jeneral
Parte hartutako gatazkak Koreako Gerra
Sinesmenak eta ideologia
Erlijioa Metodismoa
Alderdi politikoa Lakas Kampi CMD Itzuli
IMDb nm2663687
www.rpdev.org/
Fidel V. Ramos Signature.svg

Fidel Valdez Ramos (Lingayen, 1928ko martxoaren 18a) filipinar militar ohia eta politikaria da. Filipinetako Errepublikaren lehendakaria izan zen 1992-1998 bitartean.

Bizitza[aldatu | aldatu iturburu kodea]

Kanpo Arazoetako ministro izandako diplomatiko eta legebiltzarkide baten semea da. Estatu Batuetan, West Pointeko Akademia Militarrean, eta Illinoisko Unibertsitatean egin zituen ikasketak. Koreako Gerran parte hartu zuen, eta Filipinetako Ekintza Zibileko Taldeko Estatu Nagusiko buruzagia izan zen (1996-1968), Vietnamgo Gerran.

Ferdinand Edralin Marcos lehendakariaren gobernuan (Marcosek hauteskundeen bidez lortu zuen lehendakaritza 1965ean eta 1969an, baina hiru urte geroago konstituzioa deuseztatu zuen, eta diktadura ezarri zuen Filipinetan), Filipinetako Poliziaren buru izan zen, eta Gudarostearen Estatu Nagusiaren buruordea, 1981etik 1986ra bitartean. Marcos lehendakariaren laguntzaile estuenetako bat izan zen. Aitzitik, 1986an, boterea hartzeko piztu zen borrokan, Corazón Aquinoren alde egin zuen, Marcosen diktaduraren aurkako herri-mugimenduaren alde, hain zuzen.

Demokrazia nagusitu zenean, Aquinoren lehendakaritzapean, Estatu Nagusiaren buruzagi eta Defentsa Nazionalaren arduradun izendatu zuten. Hurrengo urteetan, Corazón Aquinoren aurkako estatu-kolpe saio batzuk zapuztu zituen, eta horrek eman zion ospeari esker, Aquinoren ondorengo gisa aurkeztu zen 1992ko lehendakaritzarako hauteskundeetan. Urtebete lehenago, ministro-kargua utzi zuen, eta bere alderdia sortu zuen. Alde txikiz irabazi zuen, eta Filipinetako Errepublikaren hamabigarren lehendakari bihurtu zen, katolikoa ez zen aurrenekoa.

Bere aurreneko zereginak energia- eta ekonomia-krisiari aurre egitea, eta komunisten eta musulmanen gerrilla-ekintzak desagertzeko neurriak hartzea izan ziren. 1997ko irailean, manifestazio jendetsu baten ondoren, atzera egin behar izan zuen bigarren agintaldia lortzeko konstituzioa berritzeko bere ahaleginean. 1998an, Joseph Estradak, ordu arte lehendakariorde izandakoak, hartu zuen lehendakari-kargua, maiatzeko hauteskundeetan hautagai ofizialista José de Venecia, Ramosen babesa zuena, garaitu ondoren.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Fidel Ramos Aldatu lotura Wikidatan