Gipuzkoako Garraioaren Lurralde Agintaritza

Wikipedia, Entziklopedia askea
Jump to navigation Jump to search
Gipuzkoa coat of arms.svg
Gipuzkoako Garraioaren Lurralde Agintaritza
Gipuzkoako Garraioak.png
Informazioa
Sorrera 2007
Eremua  Gipuzkoa
Mota Garraio publikoaren kudeaketa
Presidentea
Presidenteordea
Antonio Aiz Salazar
Rafaela Romero Pozo
Egoitza Easo 74, 1.C - 20006 Donostia
Webgunea
www.atgipuzkoa.eus

Gipuzkoako Garraioaren Lurralde Agintaritza (GGLA) Gipuzkoako bidaiarien garraio publiko zerbitzuak kudeatu eta koordinatzeko erakunde publikoa da. Euskadiko Garraio Agintaritzaren 5/2003 Legean aurreikusi zen garraioaren lurralde-agintaritzak eratzea. Ondorioz, 2007an, Gipuzkoako Garraioaren Lurralde Agintaritza SA izeneko sozietate anonimoa sortu zen, Gipuzkoako Lurralde Historikoaren barruan garraioaren alorreko eskumenak dituzten erakundeen arteko koordinazio-sistema gisa.

Hala ere, 2007an sortutako merkataritza-sozietateak hasieran proposatutako helburu eta xedeak ez zituela bete egiztatu ondoren, urrats bat eman eta baliabide eraginkorrago bat sortu nahi izan zen, hots, maila handiagoko lankidetza-sistema bat, izaera publikoko partzuergo baten bitartez; partzuergo horrek eskumenak gain hartu eta izaera publikoko ahalmenak eduki ahalko zituen.

Eta horrela, 2011an, “Gipuzkoako Garraioaren Lurralde Agintaritza partzuergoa” (GGLA) jaio zen, Eusko Jaurlaritza, Gipuzkoako Foru Aldundia, Donostiako Udala, Irungo Udala eta Errenteriako Udalek osatua.

Alabaina, urtez urte, Agintaritza zabaltzen eta handitzen joan da, eta beste hainbat erakunde publikok bat egin dute GGLAren helburu eta xedeekin: 2013an, Eibarko, Zarauzko, Arrasateko eta Hernaniko Udalak GGLAko kide egin ziren; 2016an, Lasarte-Oriako Udala batu zen; eta 2019an, Oiartzungo Udala.


Bere jardueran, mugarririk garrantzitsuena 2013an gauzatu zuen: MUGI sistema eta MUGI txartela jarri zituen martxan, urte horretan. Horrela, GGLAk martxan jarritako tarifa-sistema bateratuak aukera ematen du garraio publiko guztietan euskarri bakarrarekin bidaiatzeko.


GGLAko presidente eta presidenteordeak uneko Eusko Jaurlaritzako Garraio Sailburuordea eta Gipuzkoako Foru Aldundiko Mugikortasun Diputatua dira; bi urtetik bi urtera kargua txandatzen dute. Ondorioz, 2019tik, Antonio Aiz Salazar jauna da GGLAko presidentea.


Eginkizunak[aldatu | aldatu iturburu kodea]

GGLAren eginkizun nagusia irisgarria eta kalitatezkoa den mugikortasuna bultzatzea da; gizarteriarentzat, lurralde historikoan zehar, eta gaur egungo zein etorkizuneko eskariari jaramon eginez.

Horretarako, Agintaritzaren ekintza eremua lau ildo nagusitan adierazi daiteke:

  • Gipuzkoako mugikortasunaren planifikazio estrategikoa:
    • Gizartearen mugikortasun beharrei erantzutea, bizi-kalitatea hobetuz
    • Zerbitzuak planifikatzea
    • Garraioaren esparruko hitzarmen, lankidetza programen eta abarren ezarpena eta gauzatzea
  • Garraio publikoaren ibilbide eta zerbitzuen kudeaketa:
    • Zerbitzuen berrantolaketa
    • Erakunde publiko eta pribatuek eskainitako zerbitzuen koordinazioa
  • Tarifikazioa eta txartel bakarra:
    • Garraio eremuak ezartzea
    • Tarifak zehaztu eta ezartzea
    • Koordinazioa eta tarifen integrazioa bermatzea
    • MUGI txartelen titularrei eskainitako deskontu eta hobariak ezartzea
    • MUGI txartelaren erabileragatik konpentsazioak ezartzea
    • Zerbitzuak eskaintzen dituzten enpresetako diru sarreren eta gastuen kontrola
  • Informazio sistemen kudeaketa:
    • Informazioaren eta erabiltzaileekin harremanak izatearen ardura
    • Lurraldeko garraio publiko guztia korporazio irudi bakar batean definitzea eta hori sustatzea

Bazkideak[aldatu | aldatu iturburu kodea]

Gipuzkoako Garraioaren Lurralde Agintaritza erakunde publiko ezberdinek eratutako erakunde (partzuego) publikoa da. Egungo bazkideak eta euren jabetza ehunekoak hurrengoak dira:

Zerbitzuak eta MUGI txartela[aldatu | aldatu iturburu kodea]

MUGI txartelarekin hurrengo garraiobideetan bidaiatzeko aukera eskaintzen du GGLAk:

Autobusak:

  • Lurraldebus, herriz herriko zerbitzua
  • Donostiako hiribusa (Dbus)
  • Irungo hiribusa (Irunbus)
  • Errenteriako hiribusa
  • Eibarko hiribusa
  • Zarauzko hiribusa
  • Arrasateko hiribusa
  • Hernaniko hiribusa
  • Lasarte-Oriako hiribusa
  • Oiartzungo hiribusa

Bultzi zerbitzuak:

Elkarreraginkortasuna[aldatu | aldatu iturburu kodea]

Euskadiko beste erakundeekin elkarlanean, eta txartel bakarrarekin euskal garraio publiko sare osoan bidaiatzeko aukera eskaintzeko asmoz, hainbat lankidetza hitzarmen burutu ditu GGLAk; eta urrats sendoak eman dira hori ahalbidetzeko asmoz. Horrela, hurrengo garraio zerbitzuetan Agintaritzaren MUGI txartelarekin bidaiatzeko aukera dago:


Kanpo estekak[aldatu | aldatu iturburu kodea]