Hôtel du Palais

Hôtel du Palais
	Hôtel du Palais
	Monumentu historikoa
	Ikuspegi orokorra.; Irudi gehiago
Kokapena
Herrialdea	Euskal Herria
Probintzia	Lapurdi
Herria	Biarritz
Koordenatuak	43°29′12″N 1°33′23″W / 43.486698°N 1.55639°W
Inaugurazioa	1855
Arkitektura
Arkitektoa	Hippolyte Durand (en) ; Louis-Auguste Couvrechef (en) ; Gabriel-Auguste Ancelet (en) ; Auguste Lafollye (en) ; Édouard Niermans (en)
Estiloa	Frantziako Bigarren Inperioaren estiloa; Arkitektura eklektikoa
Ondarea
Mérimée ID	PA00125254
	Webgune ofiziala

Hôtel du Palais Biarritzen dagoen jauregia izan zen, egun bost izarreko hotela dena. 1993ko abenduaren 24an Frantziako monumentu historiko bilakatu zen^[1].

Eraikina

Napoleon III.aren emaztea zen Eugenia de Montijok bere udako egoitza eraiki zuen 1854an Bigarren Inperio estiloan. Lehendabizikoz Villa Eugénie izena izan zuen 1893an hotel bilakatu arte. Orduan egungo Hôtel du Palais izena hartu zuen.

Historia

Lehendabiziko villa Eugenia de Montijok udako egoitza izan zen. 1854ko uztailean, Napoleon III.ak Biarritzen etxe bat eraikitzea erabaki zuen, ziur asko emazteak hala eskatua. Hippolyte Durand aukeratu zuen eraikina diseinatzeko, inspektorea Louis-Auguste Couvrechef izanik. Hala ere, 1855eko ekainean Auguste Couvrechefek Durand ordezkatu zuen jabeek lehendabizikoaren lana klasikoegia uste zutelako.

Enperatrizen izena omentzeko, eraikina E itxura hartu zuen. Hamar hilabetetan eraikia, 1855ean inauguratu zuten. Horretarako jai handiak egin zituzten Biarritzen.

1859an, Gabriel-Auguste Ancelet Paue eta Biarritzen zituzten egoitzen arkitekto bilakatu eta zati berria eraiki zuen. 1864 baino lehen Auguste Lafollyek ordezkatu zuen eta beste zati bat eraiki zuten 1867an.

1873an enperadoreak hil eta enperatriz jabe berri bihurtu zen. Honek 1880an "Banque de l'Union Parisienne"ri saldu zion. Bankuak hotel-kasino, «Palais Biarritz» izenekoa, eta gero 1893an hotel bilakatu zuen. Bertatik Europako errege-erreginarik ezagunenak pasa ziren, tartean Viktoria I.a Erresuma Batukoa edo Sissi.

1903ko otsailaren 1ean erre eta 1903 eta 1905 artean berreraiki zuten. Hotel berriak 120 gela eta 33 suite zituen. Horretarako Édouard-Jean Niermans arkitektoak fatxadak mantendu zituen. Hormigoi armatu erabili zuen eta Paul Gervaisen muralak kokatu zituen jatetxean, Jason edo Urrezko ahari-larrua irudikatzen zituztenak.

Egun Biarritz eta Euskal Herri osoko hotelerik nagusienetariko bat da.

Ezaugarriak

154 gela eta suite, tartean 152 m² Eduardo VII.arena eta 177 m²Alfontso XIII.arena
Hiru jatetxe: la rotonde, villa Eugénie eta Hippocampe
Taberna inperiala
Spa inperiala: fitness, igerilekua, sauna, spa eta golf
Sarrera zuzena hondartzara