Ixone Aroma

Wikipedia, Entziklopedia askea
Ixone Aroma
Ixone Aroma. Dantzaria, filologoa eta feminista. Durango.jpg
Bizitza
Jaiotza Durango1982ko irailaren 7a (38 urte)
Herrialdea  Bizkaia, Euskal Herria
Hezkuntza
Heziketa Euskal Herriko Unibertsitatea : Euskal filologia
Mondragon Unibertsitatea
Hizkuntzak gaztelania
Jarduerak
Jarduerak dantzaria eta irakaslea

Ixone Aroma Barrena (Durango, Bizkaia, 1982ko irailaren 7a) euskal dantzaria , irakaslea eta feminista da.

Emakume aitzindaria euskal dantza tradizionalean parekidetasunaren aldeko urratsak ematen. 2015ean Durangaldean, jaietako egun handian, Dantzari dantza dantzatu zuen lehenengo emakumeetariko bat. Arteako Kafrangak talde feministako kidea.

Biografia[aldatu | aldatu iturburu kodea]

Ixone, txiki-txikitan hasi zen dantzan. Durangoko Tronperri dantza taldean eman zituen lehen dantza-pausoak. Nerabezaroan Kriskitin dantza taldean hasi zen eta urteak daramatza talde horretan dantzari. Euskal Herrian ez eze, Katalunian, Galizian, Espainian, Grezian, Letonian, eta Idahon ere egin izan du dantzan.

Ogibidez euskara eta literatura irakaslea da. Kurutziaga ikastolan egin zituen lehen ikasketak, Durangoko Institutuan batxilergoa, Euskal Filologia ikasi zuen EHUn eta Berrikuntza didaktikoa eta metodologikoen diseinu eta aplikazioari buruzko Masterra Mondragon Unibertsitatean. 2014tik, Euskal literaturara irakurleak hurbiltze aldera, urtero, Hitzez eta Ahotsez literatura egitasmoa antolatzen duen taldeko partaidea da.

Dantzari dantza[aldatu | aldatu iturburu kodea]

  • 2015ean Durangoko jaietan Dantzari dantza dantzatu zuten 4 emakumeetariko bat izan zen. Durangalde osoan emakumeek Dantzari dantza, plazan, jaietako egun handian, dantzatu zuten lehen aldia izan zen. Harrezkero, parekidea da Dantzari dantza Durangoko jaietan.[1][2]
  • 2016an Gerediaga Elkarteak Izurtzan antolatutako 49. Merinaldeko Ezpatadantzari Egunean, lehen aldiz, parte hartu zuten 3 emakumeetariko bat izan zen. Aurreko 48 edizioetan gizonezkoek baino ez zuten dantzan egin.[3][4]
  • 2017an Iurretako plazan lehen aldiz dantzatu zuten emakumeek Dantzari dantza, Gerediaga Elkarteak antolatutako 50. Merinaldeko Ezpatadantzari Egunean. 84 gizonen ondoan plazaratu ziren 4 emakumeetariko bat izan zen Ixone.[5][6]

Literatura[aldatu | aldatu iturburu kodea]

2014. urtean Sarri, Hitzez eta Ahotsez literatura egitasmoa jarri zuen martxan beste 5 euskaltzalerekin batera. Hitzaldi, solasaldiak eta jendaurreko irakurraldia dira egitasmoaren ardatza. Berrimet Master Amaierako Proiektua ekimen honen inguruan garatu zuen.[7] Harrezkero, urtero antolatu izan da Hitzez eta Ahotsez literatura ekimena. Hurrengo edizioetan itsasoa, Durangaldeko idazleak, bidaia, lurra, askatasuna eta maitasuna izan dira auketatutako gaiak.[8]

Dokumentalak[aldatu | aldatu iturburu kodea]

  • 2014an Kmovie lehiaketako 2. saria talde-lanean egindako "Zaunk" lanarekin.[9]
  • 2015ean Mendiak hubilduz laburmetrai lehiaketako 1. saria irabazi zuen "Hutsunea" lanarekin.[10]
  • 2016an Mendiak hubilduz laburmetrai lehiaketako 3. saria eskuratu zuen "Utah" lanarekin.

Erreferentziak[aldatu | aldatu iturburu kodea]

  1. «Neskek ere Dantzari-dantza egin dute lehenengoz, San Fausto egunean | Dantzanet» www.dantzanet.net Noiz kontsultatua: 2020-03-11.
  2. «Neskek lehenengoz egin dute Dantzari dantza Durangon» Berria Noiz kontsultatua: 2020-03-11.
  3. «Emakumezko dantzariek parte hartu zuten atzo, lehenengoz, Ezpatadantzari Egunean - Izurtza» Anboto.org Noiz kontsultatua: 2020-03-11.
  4. Orzaiz, Ion. «Durangaldea. Ez neska, ez mutil: dantzari» Berria Noiz kontsultatua: 2020-05-08.
  5. «50. Ezpadantzari Eguna ospatu dute, Iurretako jaien barruan - Iurreta» Anboto.org Noiz kontsultatua: 2020-03-11.
  6. Mbarrena. «Ezpatadantzari Egun gogoangarria» dantzan.eus Noiz kontsultatua: 2020-03-11.
  7. mbilbatua. (2014-05-14). «Sarri, hitzez eta ahotsez» Berrimet bloga Noiz kontsultatua: 2020-03-11.
  8. «280 literaturazale Hitzez eta Ahotsez jendaurreko irakurraldian» Durangon.com Noiz kontsultatua: 2020.03.11.
  9. «Durangoko lagun talde batek Kmovie lehiaketako bigarren saria» Durangon.com Noiz kontsultatua: 2020.03.11.
  10. «Ixone Aroma: "Tableta bategaz grabatu genuen Mendiak Hurbilduz lehiaketarako film laburra" - Durango» Anboto.org Noiz kontsultatua: 2020-03-11.

Kanpo estekak[aldatu | aldatu iturburu kodea]