Leonid Kravtxuk

Wikipedia, Entziklopedia askea
Hona jauzi: nabigazioa, Bilatu
Leonid Kravtxuk
Леонід Кравчук
Leonid Kravtxuk

1991ko abenduak 5 – 1994ko uztailak 19
Lehen ministroa   Vitold Fokin
Leonid Kutxma
Aurrekoa Kargu berria
Ondorengoa Leonid Kutxma

Jaiotza 1934ko urtarrilaren 10a (83 urte)
Veliki Zhytyn, Ukrainako SES, SESB (gaur egun Żytyń Wielki, Polonia)
Alderdi Politikoa Sobietar Batasuneko Alderdi Komunista (1958–1991)
Ukrainako Alderdi Sozial Demokrata (1994-2009)
Ezkontidea(k) Antonina Mykhailivna Mishura
Lanbidea Politikaria
Erlijioa Eliza Ortodoxoa
Sinadura Leonid Kravtxuk-ren sinadura

Leonid Makarovitx Kravtxuk (ukraineraz: Леонід Макарович Кравчук; Veliki Zhytyn, Ukrainako SES, SESB, gaur egun Żytyń Wielki, Polonia, 1934ko urtarrilaren 10a) ukrainar politikaria da. 1991-1994 bitartean Ukrainako lehen lehendakaria zen.

Bizitza[aldatu | aldatu iturburu kodea]

Ekonomia-zientzietako ikasketak egin zituen Kieveko Unibertsitatean eta Moskun. 1958an Alderdi Komunistako kide egin zen, eta zenbait kargu izan zituen Ukrainako Alderdi Komunistaren Batzorde Zentralean. 1988an ideologia-sailaren arduradun izendatu zuten, eta 1990ean Ukrainako Sobiet Gorenaren lehendakari.

Hasieran, Ukrainaren burujabetasunaren aurka azaldu zen, baina 1991n alde batera utzi zuen ideia hura eta lehendakari hautatu zuten. Errusiako lehendakari Boris Jeltsin eta Bielorrusiako lehendakari Stanislau Suskevitxekin batera Estatu Burujabeen Erkidegoaren (EBE) sortzaileetako bat izan zen. Eltsinekin haserretu zen arma nuklearrak murrizteko negoziazioetan EBEko errepubliketako lehendakariekin hitz egin ez zuelako, eta Ukrainaren burujabetasuna aldarrikatu zuen lurraldeko arma nuklearren kontrolari zegokionez. Halaber, aurre egin zion Errusiari Krimeako penintsularen gaineko auzian.

1993an Ukrainako Lehen Ministro Leonid Kutxmak bere karguaren dimisioa aurkeztu zuenean, Kravtxukek hartu zuen gobernuaren behin-behineko buruzagitza. Kravtxuk, aginpide handia eta Mendebaldeko herrialdeen laguntza izan arren, ez zen gauza izan Ukrainako ekonomiaren hondamendia eragozteko. 1994ko lehendakaritzarako hauteskundeetan Leonid Kutxma izan zen garaile. 2006 arte, Verkhovna Radako legebiltzarkidea izan zen Ukrainako Alderdi Sozial Demokratarekin.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Leonid Kravtxuk Aldatu lotura Wikidatan