Murumendiko mendilerroa

Wikipedia, Entziklopedia askea
Hona jauzi: nabigazioa, Bilatu
Murumendiko mendilerroa

Zormendi.JPG

Zormendi, elurtuta, Usurberen gailurretik ikusia, 2005eko apirilaren 9an. Eskuinaldean ageri den mendirik garaiena Murumendi da.
Gailurra
Gailurra 867 m
Geografia
Kokapena  Euskal Herria

Murumendiko mendilerroa Gipuzkoako mendilerro bat da, tokirik garaiena (867 metro) Murumendiko gailurrean duena. Mendi hauek ditu (alfabetoaren hurrenkeran): Iruntxur, Mallutz, Maramendi, Murumendi, Txarabeltz, Txoritegi, Usurbe eta Zormendi. Mendi horien tontorrak gainez gain lotzen dituen lerro nagusiak ipar-hego norabidea du, iparraldetik hegoaldera gailur hauek lotzen dituela: Mallutz, Maramendi, Murumendi, Zormendi eta Usurbe. Lerro horren erdialdean dago gailur nagusia, Murumendi. Eta lerro nagusitik mendebalderantz doazen beste lerro batzuen bidez iritsi ahalko gara —orobat gainez gain— Txarabeltzera eta Txoritegira. Mendilerroko mendiak osorik hartuz gero, berriz, arrautzaren antzeko forma duen eremu bat osatzen dute.[1]

Murumendiko mendilerroak, iparraldetik hegoaldera, udalerri hauetako lurrak hartzen ditu: Beizama, Beasain, Azpeitia, Albiztur, Errezil, Bidania-Goiatz, Itsasondo, Legorreta, Ezkio-Itsaso, Ordizia eta Arama. Aramak Murumendin duen lurra, hala ere, mendi magalaren zatitxo bat besterik ez da, Oria ibaiaren ezkerraldeko ertzean.[2][1]

Erreferentziak[aldatu | aldatu iturburu kodea]

  1. a b Murumendiko mendilerroaren mapa, Gipuzkoako Datu Espazialen Azpiegitura, Gipuzkoako Foru Aldundia.
  2. «Murumendi mendigunea», Gipuzkoako Datu Espazialen Azpiegitura, Gipuzkoako Foru Aldundia.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Portal.svg
Euskarazko Wikipedian bada atari bat, gai hau duena:
Gipuzkoa
Wikimedia Commonsen badira fitxategi gehiago, gai hau dutenak: Murumendiko mendilerroa Aldatu lotura Wikidatan