Poitou-Charentes

Wikipedia(e)tik
Hona jo: nabigazioa, Bilatu
Poitou-Charentes
Frantziako eskualdea
Rimex-France location Poitou-Charentes.svg
Prefektura Poitiers
Departamenduak Charente
Charente-Maritime
Deux-Sèvres
Vienne
Gobernua
- Presidentea
- Prefeta

Jean-François Macaire (PS)
Bernard Niquet
Eremua
- Guztira

25.810 km²
Biztanleria (1999)
- Guztira
- Dentsitatea

1.640.068
64 bizt/km²
Azpibanaketak
- Barrutiak
- Kantonamenduak
- Udalerriak

14
157
1.464
Eskualdeko Kontseiluaren webgunea

Poitou-Charentes Frantziako mendebaldeko eskualdea da, Ozeano Atlantikoaren kostaldean dagoena. Charente (16), Charente-Maritime (17), Deux-Sèvres (79) eta Vienne (86) departamenduek osatzen dute. Prefektura bestela Poitiers hirian dago.

Bertako biztanle asko Paris aldera lanera joan diren arren, XX. mendean zehar demografikoki hazi egin da etengabean. Laboreak, koñak ekoizpena eta esnekiak dira ekonomia jarduera nagusiak. Industriagune nagusia Poitiers ingurua da.[1]

Geografia[aldatu | aldatu iturburu kodea]

Eskualde mugakideak hauek ditu: Ipar-mendebaldean Pays de la Loire, ipar-ekialdean Centre, ekialdean Limousin eta hego-ekialdean Akitania.

Departamenduei dagokienez, ipar-mendebaldean Vendée, iparraldean Maine-et-Loire eta Indre-et-Loire, ekialdean Indre, Haute-Vienne eta Dordoina eta hegoaldean Gironde ditu.

Bizkaiko golkoa du mendebalean, Armorikako mendiak ipar-mendebalean eta Massif Centrala hego-ekialdean.

Hiri nagusiak[aldatu | aldatu iturburu kodea]

  1. Poitiers (Vienne): 127.845 biztanle (2007)
  2. Arroxela (Charente-Maritime): 127.025 biz.
  3. Angulema (Charente): 107.821 biz.
  4. Niort (Deux-Sèvres): 71.046 biz.
  5. Châtellerault (Vienne): 40.725 biz.
  6. Rochefort (Charente-Maritime): 38.886 biz.
  7. Royan (Charente-Maritime): 34.915 biz.
  8. Saintes (Charente-Maritime): 29.740 biz.
  9. Cognac (Charente): 26.446 biz.
  10. Bressuire (Deux-Sèvres): 18.615 biz.

Turismoa[aldatu | aldatu iturburu kodea]

Kostaldean, erakargarriak izaten dira Ré uhartea, Olérongoa eta Île-d'Aix. Halaber, balnearioak daude Royan, Fouras eta Châtelaillon-Plagen. Baina udalerri guztien artean, bisitatuena La Rochelle dugu, kultura ondarea eta bestelako zerbitzuak direla-eta.

Barnealdean, hainbat monumentu eta interesgune daude (gazteluak, eliza erromanikoak, museoak eta abar), baita geografikoki nabarmenak direnak (Charenteko harana, Marais poitevin, Angoumoiseko kobazuloak etab.). Poitiers, Rochefort, Saintes, Cognac edo Angoulême aipagarriak dira ondare historikoagatik eta azpiegiturengatik, eta bertan antolatzen dira hainbat kultura ekitaldi eta jaialdi, esate baterako Angulemako Komiki Azoka famatua edo Futuroscope parkea.

Hezkuntza[aldatu | aldatu iturburu kodea]

Eskualdeak 2 unibertsitate ditu Poitiers eta La Rochellen, uniberstitate lau gune deszentralizatu (Angoulême, Niort, Royan eta Châtellerault), merkataritza 2 goi-eskola, ingeniaritza 7 eskola eta ikerkuntza eta teknologia hainbat gune.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Poitou-Charentes Aldatu lotura Wikidatan