Aviron Bayonnais (errugbia)

Aviron Bayonnais

Izen osoa	Aviron bayonnais rugby pro (ofizialki) Peña Baiona (ezizen herrikoia)
Hiria	Baiona, Lapurdi Euskal Herria
Sorrera	1904ko irailaren 14a
Kirol zelaia	Jean Dauger zelaia (Edukiera: 17.000 leku)
Presidentea	Francis Salagoiti
Entrenatzailea	Vincent Etxeto Dewald Senekal
Liga	Top 14
2015-16	Rugby Pro D2, 2.a (igo egin da)
Webgunea	www.abrugby.fr
Etxeko koloreak 　 Kanpoko koloreak 　 Hirugarren koloreak

Aviron Bayonnais taldea (euskaraz Baionako Arrauna) hiri bereko (Lapurdi) errugbi talde profesionala da. Ipar Euskal Herriko errugbi talde garrantzitsuena da auzokoa duen Biarritz Olympiquerekin batera, biek urteko Iparraldeko euskal errugbiaren derbia jokatu ohi dutelarik.

Ikurrak

• Taldeko maskota Pottoka da.
• ABren himnoak Peña Baiona izena du; Udo Jürgens austriarraren Griechischer Wein kantaren bertsioa da, frantsesez zein euskarazko hitzak dituena. 2009ko urtarrilaren 2an Aviron-Castres partidan ereserki hau kantatu eta gero Mixu abeslaria hil egin zen, bihotzekoak jota.
• 1913ko errugbi txapelketa irabazi zueta-eta Edmond Perronek Marche de l'Aviron konposatu zuen.

Historia

Hasiera

Hasieran (1904) arraun taldea zen (aviron = arraun) baina beranduago taldea beste kirol askoren artean zabaldu zen. 1906.an sortu zen Aviron Bayonnais errugbi taldea eta laister Frantziako txapelketaren handien artean kokatu zen.

XX. mendeko lehen zati oparoa

XX. mendeko lehen zatia oso arrakastatsua izan zen Avironentzat:

1913ko txapeldunak

• Frantziako errugbi txapelketa
  • Txapelduna: 1913, 1934 eta 1943
    • Txapeldunordea: 1922, 1923, 1944 eta 1982
• Yves du Manoir txapelketa
  • Txapelduna: 1936

XX. mendeko bigarren zatia

XX. mendeko bigarren zatiak ez ditu hainbeste emaitza onak ekarri bainan Avironek beti prestigio edo ospea mantentzen lortu du.

• Frantziako errugbi txapelketa
  • Txapelduna: ez
    • Txapeldunordea: 1982
      • Finalerdiak: 1950 eta 1983
        • Final laurdenak: 1948, 1957, 1964, 1973, 1977, 1979, 1980 eta 1992
• Yves du Manoir txapelketa
  • Txapelduna: 1980
    • Txapeldunordea: ez
      • Finalerdiak: 1995 eta 2003
        • Final laurdenak: 1959, 1960, 1976, 1979, 1982, 1983, 1985, 1990 eta 1992

Halere, XX. mendearen bukaerako urteak zailak izan ziren taldearentzat eta horrela 8 denboraldi pasatu izan behar ditu lehen mailatik kanpo (1996-2004).

Jean Dauger estadioaren gaueko ikuspegia Aviron Bayonnais eta Stade Toulousain errugbi taldeen arteko partiduan, 2013ko iraila.

Aviron - A.S. Clermont-Ferrand partida 2009an

Baionako Avironen partidua Anoetako estadioan , 2011ko martxoaren 5a.

Errugbi profesionala

1995-1996an, Frantziako lehen mailako errugbia profesionalismora pasatzen da. Bainan Baiona bigarren mailara jausten da eta orduan itxaron behar du 1999 arte jauzi hori egiteko bigarren mailako liga profesionalismora pasatzen delarik.

Klubaren egitura guztiz berritua delarik, 2004.an poz askorekin ospatzen da taldearen mendeurrena urte hartan lehen mailara itzuli delako.

Ordutik Aviron bilakatu da talde guztiz profesionala eta oso garestia den lehen mailako postua mantentzeko sutsuki borrokatu behar da.

2009ko abuztuaren 21an Avironek Frantziako Top 14ko partida bat "atzerrian" antolatu du lehen aldikotz. Baionan aritu ordez, Donostiako Anoetako zelaian neurtu da Stade Français taldearen aurka 38-24 irabaziz.

• 1996-1997 : lehen denboraldia bigarren mailan
• 1999-2000 : bigarren maila guztiz profesionala da. Francis Salagoiti lehendakaria
• 2003-2004 : sailkatze faseko talde nagusia izanik, lehen mailara igotzen da
• 2004-2005 : lehen mailara edo Top 16ra itzultzea
• 2005-2006 : lehen maila 14 talderekin (Top 14)
• 2010-2011 : Michel Cacouault lehendakaria Francis Salagoitiren ordez
• 2011-2012 : Alain Afflelou lehendakaria Michel Cacouaulten ordez
• 2013-2014 : Manu Merin lehendakaria Alain Afflelouren ordez
• 2014-2015 : 11. denboraldia jarraian elitean: Aviron 2. mailara jausten da
• 2015-2016 : Berriz ere Top 14 ligara itzuli da.

Azken denboraldiak

Aviron - Stade Toulousain partida 2011an

Avirongo jarraitzaileak, Peña Baiona ezizenez ezagunak.

Frantziako lehen mailako txapelketa

Denboraldia	Talde kopurua	Sailkapena	Puntuak	Jokatuak	Irabaziak	Berdinduak	Galduak
2004-2005	Top 16	12.a	60 puntu	30	12	3	15
2005-2006	Top 14	12.a	43 puntu	26	8	1	17
2006-2007	Top 14	8.a	51 puntu	26	11	1	14
2007-2008	Top 14	9.a	55 puntu	26	11	1	14
2008-2009	Top 14	7.a	66 puntu	26	14	2	10
2009-2010	Top 14	13.a*	47 puntu	26	9	0	17
2010-2011	Top 14	7.a	71 puntu	26	16	0	10
2011-2012	Top 14	12.a	48 puntu	26	9	3	14
2012-2013	Top 14	8.a	57 puntu	26	12	1	13
2013-2014	Top 14	10.a	54 puntu	26	11	1	14
2014-2015	Top 14	13.a	52 puntu	26	10	1	15
2015-2016	Rugby Pro D2	2.a	86 puntu	30	19	1	10

*Oharra: 2010ean taldea Top 14an mantentzen da erabaki administratiboarengatik

Europako emaitzak

• Europako errugbi kopa (Heineken Kopa)
  • parte hartzerik ez
• Europako txapelketa
  • Final-laurdenak: 2006
• Europako ezkutua
  • Finalerdia: 2005

Ikus gainera

• Biarritz Olympique

Kanpo loturak

• Aviron Bayonnais errugbi taldearen webgunea (Frantsesez)

Wikimedia Commonsen badira fitxategi gehiago, gai hau dutenak: Aviron Bayonnais (errugbia)

Euskarazko Wikipedian bada atari bat, gai hau duena: Baiona