Kaukaso (mendikatea)

Kaukaso^[1] Eurasiako mendikatea da, Itsaso Beltza eta Kaspiar Itsasoaren artean kokatuta, Kaukaso eskualdean.

Kaukaso mendikatea bi zatitan banatuta dago:

Kaukaso Handia. Hauek Itsaso Beltzaren ipar-ekialdeko kostaldean dagoen Sotxi hiritik ekialde-hegoekialderantz jotzen dute Kaspiar Itsasoaren kostaldean dagoen Bakura arte.
Kaukaso Txikia. Hauek Kaukaso handiko mendien parean doaz baino 100 km hegoalderantz.

Bien arteak Likhi mendilerroa dago, Kolkida sakonunetik Kura sakonunera doana. Mendikatearen mendirik altuena 5.642 metroko Elbrus da, Kaukaso handiko mendietan dagoena. Sotxik bere burua aurkeztu du Olinpiar Jokoen egoitza izateko eta baita lortu ere.

Kokapena

Kaukaso mendikatea Europa edo Asiakoa den eztabaidan dago. Ikuspegi bakoitzaren arabera, Elbrus edo Alpeetako Mont Blanc Europako mendirik altuena izan liteke.

Geologikoki mendikatea Eurasiaren erdian dago. Historikoki, greziarrentzat Bosforo itsasartea eta Kaukaso mendikatea ziren Europako mugak. Erdi Aroan, berriz, Bosforoan eta Don ibaian kokatu zituzten. Philip Johan von Strahlenbergek 1730ean Errusiarako egindako ikerketan mendikatea Asian kokatu zuen.

Politikoki, Europa eta Asia arteko muga, Europako Errusia eta Georgia eta Asiako Armenia eta Azerbaijan artekoa da, zehatzago, Kura eta Kvirila ibaiek sortzen dutena.

Mendirik altuenak

Hona hemen Kaukaso mendikatearen mendirik altuenak. Mendikatean badaude altuenak eta nagusienak baina izenik ez dutenez, ez dira hemen agertzen.

Izena	Altuera (m)	Gailurra (m)	Herrialdea
Elbrus	5.642	4.741	Errusia
Dykh Tau	5.205	2.002	Errusia
Shkhara	5.201	1.365	Georgia/Errusia
Koshtan Tau	5.152	822	Errusia
Janga	5.059	300	Errusia/Georgia
Kazbek	5.047	2,353	Georgia/Errusia
Pushkinn	5.033	110	Errusia/Georgia
Katyn Tau	4.979	240	Errusia/Georgia
Shota Rustaveli	4.860	50	Georgia/Errusia
Tetnuld	4.858	672	Georgia