Stavropol

Wikipedia(e)tik
Hona jo: nabigazioa, Bilatu

Stavropol

—  Hiria  —
Stavropolgo erdigunea
Stavropolgo erdigunea
bandera

armarria

Izen ofiziala errusieraz: Ставрополь
Estatua
Barrutia
Subjektua
 Errusia
Iparraldeko Kaukasokoa
Stavropol kraia
Koordenatuak 45°03′N 41°59′E / 45.050°N 41.983°E / 45.050; 41.983Koordenatuak: 45°03′N 41°59′E / 45.050°N 41.983°E / 45.050; 41.983
Stavropol non dagoen adierazten duen Errusia-ko/-go/-eko mapa
Stavropol
Eremua 276,7 km2
Biztanleria 398.266 bizt. (2010)
Dentsitatea 1.439,34 bizt./km²
Sorrera 1777
Ordu-eremua MSK (UTC+04:00)
http://www.stavropol.stavkray.ru/

Stavropol (errusieraz: Ставрополь) Errusiako hego-mendebaldeko hiri bat da, Stavropol kraiko hiriburua. 2010. urtean 398.266 biztanle zeuden[1]; 2009an 365.900; 2002an 354.867; eta 1989an 318.298.

Historia[aldatu | aldatu iturburu kodea]

Stavropolen eta inguruetan gizakia antzinatik bizi izan da: hasi Brontze Arotik eta Erdi Arora arteko hainbat bizilekuren eta kokalekuren aztarna arkeologikoak aurkitu dituzte. Tashla ibaiaren ezkerreko ertzeko aztarnak dira aurkitu dituzten zaharrenak.

Tatariarrak gaur egungo Stavropol hiriaren kanpoaldean bizi izan ziren, eremu aurrekaukasiar handientzat hartzen den lurraldean.

Erdi Aroan hiri garrantzitsua zen Stavropol: eskualdeko erdigune eta hiriburua izan zen, harik eta kumanoek aldi hori eten arte. Beste herrialde batzuen esku egon ostean, Errusiak eskuratu zuen Iparraldeko Kaukasoko eremua.

1777. urtean Stavropol hiri berria sortu zuten militarren kokalekutzat, Errusia-Turkia Gerra 1768-1774koa gertatu ostean; Katalina II.a Errusiakoak aginduta, Grigori Potemkin printzeak sortu zuen gotorleku-hiria, Azov eta Mozdok arteko gune estrategikoan. Hiri-izendapena 1785. urtean eman zioten.

Hain zuzen ere, kokaleku estrategikoak lagunduta, Stavropolek eragin handia izan zuen Errusiar Inperioak Kaukasoa eskuratzerakoan. XIX. mendetik aurrera hiria asko hazi zen, besteak beste Ipar Kaukasoko merkataritza-gune garrantzitsu bihurtuta zegoelako. Elizaren nahiz administrazioaren gune nagusi ere bihurtu zen.

Errusiako Gerra Zibilak iraun zuen artean hainbat agintariren esku egon zen; azkenean, 1920. urteko urtarrilaren 29an Armada Gorriaren menpe geratu zen. 1935. urtean Voroxilovsk izena eman zioten hiriari, Kliment Voroxiloven omenez, baina 1943. urtean lehengo toponimoa berrezarri zuten.

1946. urtean hasi ziren hiri inguruetatik gas naturala ustiatzen, eta handik gutxira oliobide bat eraiki zuten Moskuraino eramateko.

Klima[aldatu | aldatu iturburu kodea]

Datu klimatikoak (Stavropol)
Hila Urt Ots Mar Api Mai Eka Uzt Abu Ira Urr Aza Abe Urtekoa
Erregistraturiko tenperatura maximoa (°C) 15.0 18.9 24.2 31.0 31.0 34.8 38.5 39.7 37.3 33.0 22.9 22.0 39.7
Batez besteko tenperatura maximoa (°C) 0.1 0.6 5.9 14.2 18.4 24.0 26.9 26.8 21.4 14.3 6.4 3.0 13.5
Batez besteko tenperatura (ºC) -2.7 -2.9 2.1 9.6 14.1 19.3 22.0 21.5 16.3 9.7 2.8 -0.1 9.3
Erregistraturiko tenperatura minimoa (°C) -27.8 -25.0 -16.7 -8.0 -0.8 2.8 9.0 7.6 -2.0 -12.0 -20.0 -19.7 -27.8
Batez besteko tenperatura minimoa (°C) -5.0 -5.4 -0.8 5.7 10.2 15.2 17.5 16.7 12.0 6.5 0.3 -2.5 5.9
Pilatutako prezipitazioa (mm) 29 28 34 44 66 80 58 43 47 49 45 33 556
Prezipitazio egunak (≥ 1 mm) 6 6 7 7 9 8 8 6 6 6 8 8 85
Iturria (1): Pogoda.ru.net [2]
Iturria (2): World Meteorological Organisation (UN) [3]

Pertsonaiak[aldatu | aldatu iturburu kodea]

Sobietar Batasuneko presidente izan zen Mikhail Gorbatxov Stavropol kraian jaiotakoa da.

Senidetutako hiriak[aldatu | aldatu iturburu kodea]

Hiria Herrialdea Data
Flag of Des Moines, Iowa.svg Des Moines Ameriketako Estatu Batuak Ameriketako Estatu Batuak
Escudo de Temuco.svg Temuco Txile Txile
Pazardzhik-coat-of-arms.svg Pazardzhik Bulgaria Bulgaria
Blason Béziers.svg Béziers Frantzia Frantzia
 Zhenjiang Txina Txinako Herri Errepublika

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Stavropol Aldatu lotura Wikidatan