Kliment Voroxilov
| Kliment Voroxilov Климе́нт Вороши́лов |
|
 |
|
 SESBeko Sobiet Goreneko Presidiumeko Presidentea |
|
|---|---|
| 1953ko martxoaren 15a – 1960ko maiatzaren 7a | |
| Norekin | Nikita Khrustxev |
| Aurrekoa | Nikolai Shvernik |
| Ondorengoa | Leonid Brezhnev |
|
|
|
| Jaiotza | 1881ko otsailaren 4a Verkhneie, Errusiar Inperioa |
| Heriotza | 1969ko abenduaren 2a Mosku, SESB |
| Alderdi Politikoa | Sobietar Batasuneko Alderdi Komunista |
| Ezkontidea | Ekaterina Davidovna |
Kliment Efremovitx Voroxilov (errusieraz: Климе́нт Ефре́мович Вороши́лов) (Verkhneie, Errusiar Inperioa, gaur egun Ukraina, 1881ko otsailaren 4a - Mosku, SESB, gaur egun Errusia, 1969ko abenduaren 2a) sobietar politikaria eta mariskala izan zen.
Biografia [aldatu]
Metalurgiako langilea zen eta 1903an alderdi boltxebikean sartu zen. 1917an Petrogrado defenditzen zuen batzordeko buru izan zen eta urte bete geroago, Stalinekin batean, Tsaritsingo defentsako zuzendaritzaz arduratu zen. Guardia Gorriko buruzagia izan zen 1919-1920 urteetan eta Denikinen aurka borrokatu ondoren, Polonia eta Sobietar Batasunaren arteko gerran jardun zuen. 1925-1940 urteetan gudarosteko eta itsas-armadako komisarioa izan zen eta 1935. urtean mariskal izendatu zuten.
1941. urtean alemaniarren aurka borrokatzen ari zen iparraldeko fronteko komandante nagusia izan zen eta Leningradoko defentsa antolatu zuen. Sobietar Batasuneko ministroen kontseiluko lehendakariorde izan zen (1947-1943) eta Stalin hil ondoren, Sobiet Goreneko Presidiumeko Presidente (1953-1960). 1957an, Presidiumeko beste kide batzuekin, Nikita Khrustxev agintari berria, bere postutik kentzen saiatu zen. Hala ere, gertaera hori ez zen 1961 arte ezagutu, eta Voroshilovi postua mantentzen utzi zioten erretiratu zen arte.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
