Philip Johnson

Philip Johnson
	; Irudi gehiago
Bizitza
Jaiotzako izen-deiturak	Philip Cortelyou Johnso
Jaiotza	Cleveland, 1906ko uztailaren 8a
Herrialdea	Ameriketako Estatu Batuak
Heriotza	New Canaan, 2005eko urtarrilaren 25a (98 urte)
Familia
Aita	Homer H. Johnson
Ama	Louise Johnson
Bikotekidea(k)	ikusi Jimmie Daniels;
Hezkuntza
Heziketa	Harvard Graduate School of Design (en) ; Harvard Unibertsitatea ; Hackley School (en)
Hizkuntzak	ingelesa
Jarduerak
Jarduerak	arkitektoa eta arte-historialaria
Lan nabarmenak	ikusi Crystal Cathedral (en) ; Philip Johnson House (en) ;
Jasotako sariak	ikusi Pritzker Saria (1979) ; AIA Gold Medal (1978) ; AIGA Medal ; National Medal of Arts ; Golden Plate Award (1991) ;
Kidetza	Ameriketako Estatu Batuetako Arte eta Letren Akademia; Arteen eta Zientzien Ameriketako Estatu Batuetako Akademia
Mugimendua	arkitektura postmodernoa

Kristalezko Katedrala, Garden Grove, Kalifornia

Philip Cortelyou Johnson (Cleveland, Ohio, 1906ko uztailaren 8a − New Canaan, Connecticut, 2005eko urtarrilaren 25a) arkitekto estatubatuarra zen.

Harvard Unibertsitatean ikasi eta 1932 urtean bertako Arte Modernoaren Museoan arkitektura saileko zuzendaria izan zen. Frank Lloyd Wright arkitektoaren aholkuz, 1936an postua utzi zuen arkitekturan guztiz murgiltzeko. Bigarren Mundu Gerra baino lehen, eskuin muturreko alderdietan ibili zen Ameriketako alderdi faxista sortu nahian. Hala ere, Ludwig Mies van der Rohe lagundu zuen Alemaniako nazismotik ihes egiten.

Johnsonen lanik ezagunena Beirazko Etxea da (Glass House), New Canaan-en, Connecticut. Plan askeko etxea da, beirazko itxituraduna eta egitura metaliko finekoa, gardentasun osoa lortuz. Miesen Farnsworth Etxearen antz handia du. Hasieran, Harvardeko tesirako eraiki zuen, baina azkenean hil arte han bizi izan zen. Horregatik Johnson Etxea ere deritzo.

1984 urtean AT&T eraikina (orain Sony eraikina) amaitu zuen New Yorken. Hasiera-hasieratik polemikoa izan zen lan hau burutzen duen granito arroxazko frontoi neo-Georgiar (Chippendale) eztabaidagarria zela-eta. Eskala handiko probokazioa izan zen, garai hartan etxe orratz bat aulki-bizkar apaingarri erraldoi batez koroatzea bekatua zen, Mugimendu Modernoaren eta nazioarteko estiloaren estetikak apaindura guztiak de facto debekatuak baitzituen. Atzera begiratuz, kritikari askok AT&T eraikina lehen adierazpen post-modernotzat jotzen dute, mugimendu modernoaren estetika iritsi zen geldiuneari ihes bide beharrezkotzat.

1979 urtean Pritzker Saria jaso zuen, eman zen lehena.

Lan garrantzitsuak

1949 : Beirazko Etxea (Glasshouse) New Canaan, Connecticut, AEB
1950 : Rockefeller Guest House, New York
1956 : Boissonas Etxea, New Canaan, Connecticut, AEB
1958 : Seagram Eraikina, New York (Mies van der Roherekin lankidetzan)
1959 : Memoriala, New Harmony, Indiana
1963 : Amon Carter Mendebaldeko Artearen Museoa, Fort Worth, Texas, AEB
1963 : Kolonaurreko Artearen Museoa, Dumbarton Oak, Washington, AEB
1964 : New York Estatu Antzokia Lincoln Zentroan, New York
1968 : Arte Museoa, Bielefeld, Alemania
1972 : Arte Museoa, Corpus Christi, Texas, AEB
1973 : IDS Dorrea, Minneapolis, AEB
1976 : Penzoil Place dorre bikiak, Houston, Texas, AEB
1977 : American Life Insurance Company-ren egoitza, Saint Louis, AEB
1977 : Eliza Kiribila, Dallas, Texas, AEB
1980 : Kristalezko Katedrala, Garden Grove, Los Angeles
1982 : Lipstick Eraikina, New York (ezizena marmol gorrizko kolometatik datorkio, lipstick = ezpainetakoa)
1984 : AT&T eraikina (orain Sony Building), New York

Kanpo loturak

Wikimedia Commonsen badira fitxategi gehiago, gai hau dutenak: Philip Johnson

Datuak: Q183528
Multimedia: Philip Johnson / Q183528